Tito 2:2 - Katɔti Ɔku Kedee

² Tina benengu bammɔ ƒui anii ɔdi ka babla anumi ku kasusu nwaa uwi biala. Na bada lɛlɔ kaduɛ ku bana bɔƒɔtaadi, na bataayɔ lɛlɔ, na bataakya ɔkplu lɛnɔ.

Tito 2:2 Referans Kwoze

Galatiƒuɔ 5:23

ku lɛlɔ buwi buɛɛ ku lɛlɔ bɔti bɔda. Na ɔda bubo bɔdi bulétile ala amɛni kuƒi.

Petro 1 4:7

Kawɔlɔkɔ kammɔ kéede. Anwuɔsu bɛya na ukyuli biala kasusu kemmo kabla nwaa, na ɔda lɛlɔ use utaakpali katɔ.

Timoteo 1 3:11

Bana beleku lɛnɔ ni, ɔlɛka babla beleku bani nda udu buni, na baaadi bekyuli lɛlɔ atɛ batɛmine. Mmomu ɔlɛka babla beleku bani náda anu, na baabla lɛla biala kaduɛ.

Petro 1 5:8

Bɛda kayi bɛva kalɔ buɛɛ na binye kagyumana! Ɔsika bina ukisine ɔni ndi ɔbɔnsamu mmɔ ɔsiaku-mii aani gyata ɔni nkɛ mɔɔva taavi na ɔɔwia ukyuli ɔni na uƒie.

Tito 1:13

Lɛla lɛni na kenye udiene ɔmmɔ ɔ́su ɔdi sɔsɔ. Anwuɔsu bɔku-ma na bada udu ɔmɛni baya kalɛ na bakɛ bɔƒɔtaadi geen bɔmmɔ.

Timoteo 1 3:2

Na baƒɔtaadine ɔtɔnkune ni, ɔlɛka ɔbla ukyuli ɔni na litemi lɛdi lɛɛɛda-nwu, na úti uleku unwi, na ɔ́da anu, na ɔda lɛlɔ, na bekyuli baabu-nwu. Ɔɔbla lɛƒɔ na ɔdi ala ɔtinane buni.

Agba 16:31

Liliƒuala lɛdi kagabwa kani muukeye. Na Unwoti uuti-ka teete bekyuli bani muulie ngba buni.

Tesalonikaƒuɔ 1 5:8

Nsu abu bani nkya bukeye kemmo ni, bɛya na bɔda lɛlɔ kaduɛ. Na buti bula bɔƒɔtaadi ku bula bɔyɔ butaagyumana lɛlɔ aani kalɛ na kekpo adala aagyumana ukpone. Na butaasia anu ka Blɔti ɔdubɔƒɔ-bu, aani kalɛ na kekpo kabwa kaagyumana ukpone lili.

Romaƒuɔ 12:3

Na ɔkɛnku kabla kani na úte-mi na nwuna lɛƒɔndia ɔsu ni, mɔɔsu bina ƒui nnii bitatalaku lɛlɔ katɔ bitetuloku kalɛ na bise. Mmomu ni, bina kasusu katina ka bíboku lɛlɔ kalɔ na ɔdi biala utaakɔku lɛlɔ taanu na nwuna bɔƒɔtaadi bɔni na ubo kenye.

Hiob 12:12

Benengu bani néelie bétu uwi kudɔ na bɔɔkɛ́ lɛnunda, na bana ala bɔtina mɔɔyá na buunú ala kalɔ.

Lewiƒuɔ Ɔda Bubo 19:32

“ ‘Si bɛ́nu benengu bani náabi lɛlɔ ni, bɛta binye na bite bina batɔnkune ɔbu na biti ɔbu geen bite ami bina Katɔti. Ami ndi Unwoti.

Petro 1 1:13

Anwuɔsu ni, bɛda lɛlɔ bise bite kabla. Na binye kagyumana na bitaanu ulu teete lɛbuni lɛni na Katɔti ɔdubɔbla ute-mii lɛlɔ uwi ɔni na Yesu wasɔ webo wabaƒɔ-mii ngba.

Korintoƒuɔ 1 15:34

Bɛsɔku kasusu buni bɛbla, na bɛda bina ekpidi lilu bɛva. Mɔɔsu-mii nwaa kalɛ na kɔƒa kukpo-mii ka bina badi bɛɛɛgyi Katɔti.

Kɔgya 92:14

Na ina ábi lɛlɔ muedi adubo butaanwu, ɔsika ebo ntu na eedie evete wɔwɔɔwɔ.

Petro 2 1:6

Na lɛla lɛni bɛgyi mmɔ lɛya na bɛkana na bɛdi lɛlɔ. Na si bɛ́di lɛlɔ ni, na bɛkana na binye kpakplaa. Na si bínye kpakplaa ni, na bɛkana na bilie ngba bɔbuni aani baƒɔtaadine kalɛ.

Tito 2:7

Na ala amɛni ƒui kemmo ni, awɔ ɔlati ɔlɛka enwini ukyuli ɔni na ɔlɛka banu batɛya. Na enye momoomo na atina ala kaduɛ.

Tito 1:8

Ɔlɛka utaaƒɔ baƒɔ na utaayɔ lɛbuni na ɔda lɛlɔ kaduɛ. Na ɔbla ukyuli ɔni na ubo udu, na use kedee, na ɔɔkana anwu ɔlati lɛlɔ lɛnɔ bɔdi.

Timoteo 1 3:4

Ɔlɛka ɔkana nwuna kaduli bekyuli bɔda, na ɔya na nwuna bebi beteenu litemi na ulu biala lɛlɔ.

Timoteo 1 1:5

Na lɛla lɛni ɔsu na líti kabla kamɛni lɛ́kya-a enu kemmo ndi ka bɔyɔ bula baƒɔtaadine bakpana ku kaƒɔ ƒaa ku kayi kani naaadu-bu kɔtɔ na likpidi lɛdi bɔbla kemmo. Na bula Kristo bɔƒɔtaadi lɛnɔ bɔbla ɔbuni ɔmmɔ geen.

Tesalonikaƒuɔ 1 5:6

Anwuɔsu bitaya na bɔlɛɛ na budie lɛlɔ atu aani ama bani naaagyi Blɔti. Mmomu bɛya bunye kagyumana na bɔda lɛlɔ kaduɛ.

Ƒilipiƒuɔ 4:8

Na ukplodi ni, banwa, biti bina kasusu bɛsia ala ani ndi etemila geen lɛlɔ ku ala ani mbo ɔbu ku ala ani nse siin ku ala ani nse sɛɛn ku ala ani mɔɔdia bɔnu ku ala ani náƒɔ lɛnyi ku ala ani ndia geen ku ala ani námanku bumwi lɛlɔ.

Korintoƒuɔ 2 5:13

Si ina bɛɛnu-bu aani bekyuli bani na muukpi libuo na kabla kani na bɔɔbla ɔsu ni, Katɔti ɔni na bɔɔyɔ́ ɔsu na use-bu lɛni. Nsu si bulékpi libuo ni, ɔdi bina kɔsia.

Korintoƒuɔ 1 9:25

Ukyuli biala ɔni mɔɔklibi lɛlɔ ka úsela utékeli usi ni, uuboku lɛlɔ kalɔ na baatina-nwu kɔkwɛ kɔna ƒui kalɛ na ɔƒɔ lɛlɔ bɔdi kabwa kani neeetu uwi asa na keebie. Nsu abu ni, bɔɔsa lɛlɔ bute kabwa kani na kelebie kudii.

Batalane Kabla 24:25

Amu na uwi ɔni na ulie uudie ala kalɔ taasiku bɔƒɔtaadi ngba buni bulie ku lɛlɔ bɔti bɔda ku litemi bɔtɛ bɔni ndubo diɛdi lɛlɔ ni, liƒu geen lɛ́da Ƒelike. Na mɛni na Ƒelike ɔ́su-nwu ɔnini, “Ta, na eteesie. Na si lɛkɛ kɔnu kaduɛ ni, ndubɔya na balɔ-ɔ bete-mi.”

Luka 8:35

Na bekyuli bammɔ bálɛ bésie banii batánu lɛla lɛni nálɛ. Amu ka bébedu Yesu kudɔ ni, bánu ɔnana ɔni lɛlɔ kemmo na Yesu ɔ́bɔku ayu ekpidi ɔ́lɛku mmɔ ka ulie Yesu lɛgba akɔ ku kasusu sɛɛn na ɔda adala na ulie kpoo. Amu na bana ƒui báyia.

Marko 5:15

Bekyuli békeli bésie mmɔ banii batánu lɛla lɛni nébo. Na ka bésie Yesu kudɔ ni, bánu ukyuli ɔni na nka ayu ekpidi pii akya-nwu lɛlɔ kemmo mmɔ. Na ulie kalɔ, na ubi kɔdi lɛlɔ, na nwuna kasusu kese nwaa. Na liƒu lɛda bana ƒui!

Yesaia 65:20

“Na ubi ɔdi ɔsɔ ulekpi lɛnamu uwi mmomu badubulie babi lɛlɔ babla benengu geen. Na ukyuli biala na ɔ́ƒɔ akwa eti anyɔ ni, badubɔnu-nwu ɔnamu ɔni na si úkpi na útaƒɔ tɔ akwa eti anyɔ ni, na ewida na adi-nwu.

Timoteo 1 3:8

Na baƒɔtaadine kasala bebunkune ni, ama lɛnɔ ɔlɛka babla bekyuli bani nda udu buni, na bada kabla kammɔ lɛnɔ kpakplaa. Na badi bekyuli bani naaani ntɛ teekpi, na anumi elégyie-ma na egulabi lɛlɔ.

Timoteo 1 1:2

Na líti muute awɔ Timoteo. Agyi ka ubi na adi-mi na bɔƒɔtaadi kemmo. Na muuvele Unwoti Katɔti ku Blɔti Yesu nnii bana lɛƒɔndia lɛsiaku-ɔ na banu-ɔ kɔnyana na bete-ɔ keyi buɛɛ.

Timoteo 1 1:10

Na badi bekyuli bani mɔɔdi kɔsɔnɔ ku banana bani mɔɔtɛnku lɛlɔ. Badi bekyuli bani muuyú bekyuli teetéye ku ɔkɔ banyine ku ama bani mɔɔnyi ɔkɔ taakpali ala. Na ama bani ƒui naaasiaku ala bɔtina bɔbuni kama ni, ama na bébo ɔda ɔmɛni béte.

Timoteo 1 1:14

Mina tati tati ɔ́ya na lɛ́du-nwu kaƒɔ, na ɔ́ya na lɛ́nu Kristo Yesu lɛ́ti na lɛ́ƒɔ-nwu lɛ́di na lɛ́blaku-nwu unwi. Ɔmɛni ɔsu na ami lɛnɔ mɔɔyɔ́ bekyuli.

Timoteo 1 5:1

Tadɔnku ukyuli ɔni nábi lɛlɔ utulo-ɔ momoomo. Mmomu die ala kalɔ te-nwu ku kayi buɛɛ aani ƒula ɔti kalɛ. Na ada bakloƒu aani banwani kalɛ.