Tito 2:11 - Katɔti Ɔku Kedee

¹¹ Ɔsika Katɔti údie nwuna lɛƒɔndia ɔ́tina-bu na ngba bɔƒɔ bɔni na ubo ute bekyuli bayawine ɔsu.

Tito 2:11 Referans Kwoze

Timoteo 1 2:4

Ɔsika ɔɔwia ka ukyuli biala ɔnu nwuna litemi geen lɛmmɔ ɔti kalɛ na ɔƒɔ-nwu ngba.

Eƒesoƒuɔ 2:8

Ɔsika Katɔti lɛƒɔndia ɔsu na bɛ́kɛ ngba bɔƒɔ. Na útasi amii alati kudɔ. Mmomu ɔ́si Katɔti bɔƒɔtaadi litela lɛni na úte-mii ɔsu.

Yesaia 45:22

“Bɛlɔ kayawi bekyuli ƒui na bebo-mi kudɔ na bakɛ ngba bɔƒɔ. Ami lɛti kani ndi Katɔti! Na badi baasɔ baaadi lɛla geen lɛdi.

Hebriƒuɔ 2:9

Nsu bɔɔnu Yesu ɔni na úbenye kenyekɔ kani náyu kalɔ blii kétulo batu bammɔ kadi ka uukeye na bekyuli baabu-nwu ɔƒɛni, ɔsika úbo kukpi abi. Na Katɔti úte-nwu ɔyikun ka ukpi na bekyuli ƒui lili.

Eƒesoƒuɔ 2:5

uwi ɔni na búkpi na kɔyu kemmo ɔ́si bula alaekpidi bɔbla ɔsu ni, Katɔti ɔ́ya na bɔ́sɔ búnwini búbo bulie ngba ku Kristo. Na ɔkɛnku Katɔti lɛƒɔndia ɔsu na bɔ́kɛ ngba bɔƒɔ bɔmɛni.

Tesalonikaƒuɔ 2 2:16

Na buuvele kebunku taasiku Blɔti Yesu Kristo ku bula Unwoti Katɔti kudɔ ɔni mɔɔyɔ́-bu, na úti kayi buse ku lɛnunsia úte-bu ɔ́si nwuna lɛƒɔndia ɔsu.

Romaƒuɔ 5:15

Nsu ni, bana inyɔ beeese unwi. Ɔsika Katɔti lɛƒɔndia lɛni na ukyuli ɔmɛni ɔdanku liiise aani ala ani na Adam bɔƒiɔ bɔmmɔ bɔdanku. Adam ɔdi ukyuli unwi ɔni bɔƒiɔ ɔsu na bekyuli pii békpi. Nsu Katɔti ɔdubɔya na ngba bɔƒɔ lɛƒɔndia lɛni nkɛnku Yesu unwi ɔmmɔ lɛlɔ libo lite bekyuli pii litulo na nwuna kaƒɔ buni ɔsu.

Yohane 1:14

Na Katɔti Litemi lɛmɛni líbo aani ukyuli ɔyawine, na úlie kalɔ lɛlɔ mɛni na bula akɔ. Na Katɔti lɛƒɔndia ku litemi geen lɛ́ƒɔ-nwu lɛlɔ kemmo ƒui. Na abu bɔ́nu kalɛ na uukeye ka ɔdi Katɔti ubidi unwi pɛ ɔsu.

Yesaia 52:10

Unwoti údie nwuna ɔyikun bonwu keyi ɔ́tina kadi bekyuli ƒui. Na ɔƒaani ni, ukyuli biala ɔdubɔnu ɔti bula Unwoti Katɔti ɔni mɔɔƒɔ́ ukyuli ngba.

Kɔgya 84:11

Ɔsika Unwoti Katɔti uukeye aani ɔƒɛ na anwu mɔɔgyumana-bu. Anwuɔsu na uute-bu kusɛ kusɛ na ɔɔbla-bu lɛƒɔndia na ɔɔyá na bɔɔƒɔ́ lɛnyi na ulaya na bekyuli bani nse siin baayaki lɛla lɛbuni lɛdi uwi ɔdi.

Batalane Kabla 11:23

Ka útéduo mmɔ na ɔ́nu kalɛ na Katɔti úbunku-ma ni, ebiti áda-nwu geen na ɔ́kya-ma ogya úbu ɔnii benye Blɔti kama kpakplaa ku bana kayi ƒui.

Batalane Kabla 20:24

Nsu ɔmmɔ ɔɔɔdi-mi lɛla lɛdi. Ɔsika si ńtakana na lɛbla lɛla lɛni na Blɔti Yesu ɔ́tala-mi ɔnii mbabla ni, mina ngba buuubo-mi kɔsia kɔdi. Lɛla lɛni na Yesu ɔ́tala-mi ɔnii mbabla ndi ka lɛsu bekyuli Blɔti litemi buni ku kalɛ na Katɔti ɔɔnu-bu kɔnyana.

Luka 3:6

Mmɔ na bekyuli ƒui badubɔnu Ɔƒɔne ɔni na ɔ́tala!’ ”

Timoteo 1 1:14

Mina tati tati ɔ́ya na lɛ́du-nwu kaƒɔ, na ɔ́ya na lɛ́nu Kristo Yesu lɛ́ti na lɛ́ƒɔ-nwu lɛ́di na lɛ́blaku-nwu unwi. Ɔmɛni ɔsu na ami lɛnɔ mɔɔyɔ́ bekyuli.

Romaƒuɔ 5:2

Na ka bɔ́ƒɔ Kristo bɔ́di ɔsu ni, ɔ́ya na bɔ́kɛ Katɔti lɛƒɔndia lɛni kemmo na bɔkya ɔƒɛni. Na lɛlɔ lɛɛyɔ́-bu geen, ɔsika bubo lɛnunsia ka bɔdubulieku Kristo na Katɔti lɛgadi bukeye bɔmmɔ kemmo.

Sakaria 12:10

“Ami Unwoti ndubɔya na Yerusalem bebi ku bawɔ ƒui beduo kɔnyana bonwu kɔdi kemmo na bakpali-mi bevele uwi ɔni na bánu ukyuli ɔni na bátu lɛtula lɛdi. Na badubo-nwu buwulo aani kalɛ na bawɔne badi beewulo bana ubi unwi pɛ ɔni na báwɔ na úkpi iye ubi udeedi ɔni na báyila.

Kɔgya 96:10

Na bɛsu na kadi ƒui bekyuli akɔ bɛnini, “Unwoti Katɔti mɔɔdi lɛga.” Na kalɔ kemodi kammɔ kenye kana lɛgba lɛlɔ kpi na kalákunku kudii. Ɔdubɔtɛku bekyuli ƒui litemi na ulu siin lɛlɔ.

Koloseƒuɔ 1:6

Litemi buni lɛmɛni ala abuni amu aalɛ́ku bekyuli na liigyingya na kayawi ekpo ƒui aani kalɛ na ɔ́lɛku-mii uwi ɔni na bínu Katɔti kɔnyana bɔnu litemi geen lɛmmɔ kudeedi, na bɛ́nu bɛ́ti kalɛ na Katɔti ɔɔyɔ́-mii.

Galatiƒuɔ 2:21

Lɛɛɛdubo Katɔti kɔnyana kɔni na ɔɔnu bekyuli kama bɔlɛ kudii. Ɔsika si ɔda bubo bɔkukudi bɔmmɔ lɛlɔ na Katɔti ɔɔsɔku anwu ku ukyuli ntɛ taaklibi ni, na Kristo úkpi keeke.”

Korintoƒuɔ 2 6:1

Ka bunye bɔɔblaku Katɔti kabla ɔsu ni, buuvele-mii bɔnii bitebile Katɔti kɔnyana bɔnu.

Batalane Kabla 13:47

Ɔmɛni ndi bɔkada bɔni na Katɔti úti úte-bu ɔnii, “ ‘Lɛ́bla-mii aani bukeye líte bani naaadi Yudaƒuɔ kalɛ na biti bɔƒɔ biboku kayawi ɔkɔkɔ biala.’ ”

Batalane Kabla 13:43

Na ka bégyingya ni, Yudaƒuɔ pii ku bani nénwini Yudaƒuɔ na baayia Katɔti na kasalakɔ mmɔ básiaku Paulo ku Barnaba, na bákɛ beenú batalane bamɛni bɔlɛ ka benye lɛƒɔndia lɛni na Katɔti úti uute-ma mɛni kemmo kpakplaa.

Yohane 1:9

Na uwi ɔmmɔ kemmo ni, bukeye geen bɔni muuti bukeye teete ukyuli biala bɔ́si bɔdubo kayawi.

Luka 24:47

Na nwuna basiakune badubɔkɔ lɛsa na nwuna lɛnyi kemmo bete kalɔ ƒui bekyuli banii benwini kayi kalɛ na Katɔti uti bana ekpidi ɔkyiɛ-ma. Na lɛsa bɔkɔ bɔmmɔ bɔdubuse kalɔ bɔsi Yerusalem.

Marko 16:15

Ɔ́su-ma ɔnini, “Biteesie kayawi ƒui na bitákɔ Katɔti litemi buni lɛmɛni lɛsa na bekyuli ƒui akɔ.

Mateo 28:19

Anwuɔsu biteesie kayawi kadi biala bekyuli akɔ na bɛtina-ma ala kalɛ na benwini mina batɛyane. Na bɛkpila-ma ntu na Ati ku Ubi ku Katɔti Kɔyu lɛnyi kemmo.

Sakaria 4:7

“Na kɔbi kɔni na aanu na ƒula anumi mmɔ ni, badubo-ku bɔbwɛ búwi kalɔ kpɛtɛ kpɛtɛ. Na edie kakpakɔ lɛtabi lɛni náƒɔ kuye geen litulo ƒui mmɔ alɛku, na bɛdububo kudu momoomo bɛnini, ‘Unwoti ɔ́bla-bu lɛƒɔndia, na lɛtabi lɛmmɔ lɛdia geen!’ ”

Yesaia 49:6

Unwoti ɔ́su-mi ɔnini, “Ndubo-ɔ kabla kenengudi kɔnu bɔkya butulo ka akpanku Yakob adua ammɔ ƒui ku Israelƒuɔ bani nébu eboku-mi kani. Mmomu ndubɔbla-a na enwini bukeye ete kadi bamba bekyuli ƒui kalɛ na bayawine ƒui bakɛ ngba bɔƒɔ.”

Hebriƒuɔ 12:15

Bɛnu kaduɛ kalɛ na ɔdi ulayii Katɔti lɛƒɔndia ulu ɔmmɔ, kalɛ na ulénwini ligyukui likpidi ulakya bakladi akɔ na weboku ɔgbankpi na webile bekyuli pii.

Timoteo 2 4:17

Nsu ni, Blɔti únyeku-mi na ɔ́kya-mi ɔyikun na lɛ́kana lɛ́su Blɔti litemi lɛmmɔ kaduɛ lite bani naaadi Yudaƒuɔ na mmɔ. Na Blɔti údie-mi kukpi kemmo.

Koloseƒuɔ 1:23

Anwuɔsu ɔdi ka binye kpakplaa na bina bɔƒɔtaadi kemmo, na bitaya na enu aƒɛ-mii na bɛyila lɛnunsia lɛni bibo ɔ́si uwi ɔni na bínu litemi buni lɛmmɔ. Na ɔdi litemi buni lɛni lɛsa na lɛ́kɔ líte bayawine ƒui. Na ani ɔsu na ami Paulo ḿbenwini Katɔti kabla ɔblane.

Romaƒuɔ 10:18

Nsu lɛla lɛni muuye ɔƒɛni ndi ka ni, bunu na Yudaƒuɔ bétenu Katɔti litemi lɛmmɔ? Oowo! Bénu-ni aani kalɛ na Bunweni Kedee Ɔku ɔ́su ɔnini, “Bénu-ma kɔku na kayawi ekpo ƒui, na bana etemila égyingya ésie kayawi kawɔlɔkɔ ƒui.”

Kɔgya 67:2

Na aya na bekyuli ƒui banu ƒula lɛƒɔyɔ bati. Na banu bati lɛnɔ kalɛ na aaƒɔ́ teete bekyuli na kayawi ƒui.

Batalane Kabla 17:30

Na ɔ́si kalɔ kesekɔ úti úbedu uwi ɔmɛni kemmo ni, Katɔti útani bekyuli kɔtu ɔsika bátati-nwu. Nsu ɔƒaani ni, úbo-bu ɔda ɔnii bɔda anumi budie ala amɛni bene lɛlɔ na bunwini anumi buboku-nwu kudɔ.

Timoteo 2 1:10

Nsu ɔƒɛni na Katɔti údie ɔmɛni ɔ́tina-bu nwaa na Ɔƒɔne Yesu Kristo ɔmɛni bubo kemmo. Anwu nádi kukpi ɔyikun lɛlɔ. Na ɔkɛ nwuna litemi buni lɛlɔ ni, údie ngba bɔni nsɔ naaadubo bɔsa kudii keyi.