Tito 1:6 - Katɔti Ɔku Kedee

⁶ Ɔƒɔtaadine unengu ni, útalɛka litemi lɛdi lɛda-nwu. Na ɔdi ukyuli ɔni na úti uleku unwi. Na nwuna bebi lɛnɔ badi bebi bani nda bɔƒɔtaadi kaduɛ, na beeebo atuɔkplu, na baabu bana bawɔne.

Tito 1:6 Referans Kwoze

Timoteo 1 3:12

Bɛnu ka bebunkune bamɛni ɔdi biala úti uleku unwi, na ɔɔnu nwuna bebi ku kaduli bekyuli ƒui lɛlɔ kaduɛ.

Tito 1:10

Ɔsika bekyuli pii bakya baatɔ́lɔ bekyuli na baata teenye litemi lɛmmɔ lɛlɔ ku bana kɔdɔlɔ ala. Na bani mɔɔbla ala ammɔ ketulodikɔ badi Yudaƒuɔ.

Eƒesoƒuɔ 5:18

Bitekpi ntɛ, ɔsika ɔmɛni mɔɔyá na bɛɛyii udu. Mmomu Katɔti Kɔyu kɔƒɔ-mii lɛlɔ kemmo ƒui.

Esekiel 44:22

“Útalɛ ka ɔkpane uti uleku ɔni na ukyuli ɔdi úuti ɔ́nyonu. Adagyaa kani na ɔdi uti ɔsiku Israel kadi bekyuli akɔ iye ɔkpane bamba ukpinele.

Lewiƒuɔ Ɔda Bubo 21:7

“ ‘Útalɛka bakpane beti beleku bani nébile lɛlɔ na badi bayalɛ iye beti beleku bani nányonu bana bagya, ɔsika bakpane badi bekyuli kedee bete bana Katɔti.

Tesalonikaƒuɔ 1 5:14

Lɛnɔ ni, banwa, bɔɔwia kpakplaa ka bɛkɛ litemi bɛsu bakɔsɔne. Na bɛkya bani na liƒu lɛɛda ɔkplu. Na bibunku bani mɔɔwia kebunku. Na bɛkɛ kayi buɛɛ bite ukyuli biala.

Luka 1:5

Uwi ɔni na Herode ɔɔdi lɛga na Yudea kalɔ lɛlɔ ni, Katɔti ɔkpane ɔdi ɔkya ɔni baalɔ Sakaria. Ɔ́si ɔkpane bɔdi ulu ɔni nkɛ ɔkpane ɔni baalɔ Abia ulu lɛlɔ. Sakaria ɔmɛni ulekudi baalɔ Elisabet na anwu lɛnɔ ɔ́si Katɔti ɔkpane ɔni baalɔ Aaron kaba kemmo.

Agba 28:7

Ukyuli ɔni mɔɔdi ɔda bubo lɛlɔ ɔdi ubi ɔni mɔɔdá anu. Nsu ubi ɔni mɔɔdiku bakpana bekpidi ku badivone kɔkpana ni, ɔɔkya ɔti kɔƒa.

Samuel 1 2:22

Na Eli lɛnɔ ɔ́ɔbi geen na uunú lɛnɔ kalɛ na nwuna bebi bamɛni baabla Israel kadi bekyuli ƒui. Na Adi Kevo kani kemmo baasiáku Katɔti kenye, baatɛnku beleku bani mɔɔbla kabla mmɔ.

Samuel 1 2:11

Ɔmmɔ kama ni, Elkana únwini úsie nwuna ɔma na Rama. Na ubidi ɔnanabi ɔmmɔ ɔ́sɔ ɔ́kya Eli kudɔ na Katɔti kakpakɔ mmɔ útaabla kabla.

Lewiƒuɔ Ɔda Bubo 21:14

Na ɔɔɔdi ukpinele iye uleku ɔni béti bányonu iye uleku ɔyalɛ. Ɔnu ka adagyaa ɔni na ɔdubo buti mmɔ ɔ́si nwuna kaba kemmo

Ala Kalɔ Buse 18:19

Ɔsika ami náƒuna-nwu kalɛ na ɔtina nwuna bebi kavikɔ na nwuna kadi bekyuli bani masia-nwu kama ƒui basia ulu ɔni na mɔɔyɔ́ lɛlɔ. Na bataabla ala ani ndia na akɛ ulu lɛlɔ. Na ɔkɛnku ɔmmɔ lɛlɔ na ndubuti lɛla lɛni na lɛ́su líse ka mete Abraham lite-nwu.”

Malakai 2:15

Budie na Katɔti údie awɔ ku ƒ'ulekudi ka bɛbla aani ukyuli unwi. Na bi ɔsu na ɔ́bla lɛni? Ɔdi ka bɛwɔ bebi na bɛtɔnku-ma na benwini Katɔti bekyuli. Anwuɔsu bɛda bina ngba kaduɛ, na bitalɛ bina lɛkloƒu uwi uleku kama kudii.

Timoteo 1 1:9

Na ɔlɛka buteenyimo lɛnɔ ka ni, ɔɔɔdi bekyuli babuni na bébo ɔda béte, mmomu batuɔkplune bani mɔɔƒiɔ́ Katɔti ɔda bubo ku bakantankpine ku bana udu bani ngba néyi ku ekpidi bɔbla. Badi bekyuli bani naaasiaku bɔƒɔtaadi bɔdi kama ku bani mɔɔdú bana bati ku beni ku bekyuli badune babambadi lɛnɔ.