Tito 1:13 - Katɔti Ɔku Kedee

¹³ Lɛla lɛni na kenye udiene ɔmmɔ ɔ́su ɔdi sɔsɔ. Anwuɔsu bɔku-ma na bada udu ɔmɛni baya kalɛ na bakɛ bɔƒɔtaadi geen bɔmmɔ.

Tito 1:13 Referans Kwoze

Tito 2:2

Tina benengu bammɔ ƒui anii ɔdi ka babla anumi ku kasusu nwaa uwi biala. Na bada lɛlɔ kaduɛ ku bana bɔƒɔtaadi, na bataayɔ lɛlɔ, na bataakya ɔkplu lɛnɔ.

Timoteo 1 5:20

Na bekyuli bani nli nte ekpidi bɔbla ni, ɔlɛka edie alɛ-ma na adɔnku-ma na baƒɔtaadine ƒui anumi. Na ɔmɛni ɔdubɔkya bakladi liƒu.

Tito 2:15

Tina ala amɛni ku kenyekɔ kani na Katɔti úte-ɔ, na akya bekyuli bani ƒui muunú-ɔ litemi ɔkplu, na abɔku bani naaabla taasiaku ulu lɛlɔ lɛnɔ. Na taya na ɔdi ɔnu-ɔ ɔnii ásɔ.

Timoteo 2 4:2

si bebo kɔnu o-o, iye beeebo kɔnu o-o ni, die litemi buni lɛmmɔ kenye. Klibi-ma, na adɔnku-ma, na akya-ma ogya. Na si eedie ala kalɔ taatina-ma ni, na ewi lɛlɔ na akɛku-ma kayi geen.

Korintoƒuɔ 2 13:10

Muunweni-mii ɔku ɔmɛni uwi ɔni na liiibo-mii kudɔ mɛni, kalɛ na si líbo ḿbeduo-mii kudɔ ni, na naaani-mii kɔtu kpakplaa na kenyekɔ kani na Blɔti úte-mi kenye. Úte-mi kenyekɔ kamɛni kalɛ na bina bɔƒɔtaadi bɔkɔ katɔ bubu, na ɔɔɔdi kani maya na bɔyu kalɔ.

Timoteo 1 4:6

Si átina ƒula banwa ala amɛni ni, mmɔ na adubɔbla Yesu Kristo kabla ubunkune buni. Na bɔƒɔtaadi etemila amɛni ku bula ala bɔtina bɔni kama na asia ni, anya muute-ɔ kenyekɔ kamɛni.

Agba 27:5

Si édie lɛla lɛdi álɛ ukyuli kɔnakunwi ni, ɔdia utulo si anii aayɔ́ ukyuli na bɔbɛ kemmo.

Kɔgya 141:5

Taya na lini ka ukyuli ɔni nse siin ɔni-mi kɔtu iye ɔdɔnku-mi. Ɔsika ɔmmɔ ɔdubunwini lɛƒɔndia mmomu ute-mi. Taya na lɛƒɔ bumwi bɔdi lɛsiku bekyuli bekpidi kudɔ aani kalɛ na beewi ukyuli lili nnɔmii, ɔsika mɔɔkpali katɔ uwi biala nnii utatɛ utete bekyuli bani mbo likyulikpi.

Kɔgya 119:80

Ya na mina kayi kasia ulu siin lɛlɔ na ntasia ƒula litemi kama kalɛ na kɔƒa kulékpo-mi.

Lewiƒuɔ Ɔda Bubo 19:17

“ ‘Ɔdi uteti ɔnwani litemi utakya kayi kemmo na uteekisi-nwu. Dɔnku ƒula ɔkpana ulu lɛlɔ nwaa kalɛ na nwuna likpidi lɛdi lilasia-a lɛlɔ.

Timoteo 1 1:10

Na badi bekyuli bani mɔɔdi kɔsɔnɔ ku banana bani mɔɔtɛnku lɛlɔ. Badi bekyuli bani muuyú bekyuli teetéye ku ɔkɔ banyine ku ama bani mɔɔnyi ɔkɔ taakpali ala. Na ama bani ƒui naaasiaku ala bɔtina bɔbuni kama ni, ama na bébo ɔda ɔmɛni béte.