Timoteo 1 4:4 - Katɔti Ɔku Kedee

⁴ Na sɔsɔ ni, lɛla biala na Katɔti údie ni, lɛdia. Anwuɔsu útalɛka bekyuli beni lɛdila lɛdi. Mmomu ɔlɛka baka Katɔti enu bɔgya na ana lili.

Timoteo 1 4:4 Referans Kwoze

Romaƒuɔ 14:20

Bitebile Katɔti kabla na adila ɔsu. Lɛdila biala lise sɛɛn, nsu ɔɔɔdia si lɛla lɛni na aadi lɛdubɔya na ukyuli ɔdi utulo na ubuli uduo ɔgbankpi kemmo.

Korintoƒuɔ 1 10:25

Ebo kuƒi na eye lɛna lɛdi biala na beeyé na kuye na akun. Na ɔɔɔdi ka eye lɛla lɛdi enu na ati si lɛna lɛmmɔ lise kedee iye liiise.

Romaƒuɔ 14:14

Ka nliku Blɔti Yesu ɔsu ni, ngyi geen na mina kayi kemmo ka adila adi eeebo na eesé lɛlɔ na anya alati udu kemmo. Nsu si ɔdi ɔ́nu lɛla lɛdi aani lɛla lɛni muusé lɛlɔ ni, lɛla lɛmmɔ lɛdubuse-nwu lɛlɔ.

Korintoƒuɔ 1 10:23

Bubo lɛsugba banii, “Kuƒi kɔtɛ na bɔbla lɛla biala.” Sɔsɔ na ɔdi. Nsu ɔɔɔdi lɛla biala ndia. Kuƒi kɔtɛ na bɔbla lɛla biala, nsu ɔɔɔdi lɛla biala mbo kɔsia lite-bu.

Batalane Kabla 21:25

Na ama bani naaadi Yudaƒuɔ na bénwini baƒɔtaadine ni, búnweni-ma ɔku na bɔ́su-ma ka ni, bada ala ani na béti bákpa béte baƒiɔ bɔdi baya ku ubugya bɔni baya, na batakun bebuo bani na bélii-ma amɔ bádu, na batadi kɔsɔnɔ.”

Timoteo 1 4:3

Na baatina banii utalɛka bekyuli beti beleku. Na baasu banii batadi adila lidu lɛdi bene lɛnɔ. Nsu Katɔti nédie adila ƒui úse kalɛ na bani náƒɔ-nwu litemi geen bádi na basiaku-nwu kama ni, badi-nya ku linugya.

Ala Kalɔ Buse 1:31

Katɔti ɔ́nu ala ani ƒui na ɔ́bla na adia-nwu sɔsɔ. Na useyi údu na kadi kégye na limeyi lɛkundi lɛ́vi.

Lɛkpa Ulu 32:4

Na Unwoti ndi bina lɛtakpɛ lɛni na bíkpo kama, na nwuna ablala ƒui ese siin, na bɔƒiɔ bɔdi buuubo-nwu kemmo. Bina Unwoti ablala ƒui adi sɔsɔ, na ɔɔbla ala ani nse siin na akɛ ulu lɛlɔ.

Batalane Kabla 15:29

Bini ala ani na béti bákpa béte baƒiɔ ku ubugya bɔni ku bebuo bani na bélii-ma amɔ bádu bɔkun ku kɔsɔnɔ bɔdi. Si bɛda lɛlɔ lɛni ni, keyi kadubɔyɔku-mii. Bɛkya kpoo.

Batalane Kabla 10:15

Lɛdi lɛmɛni lɛ́sɔ lɛ́su-nwu lɛnini, “Lɛla lɛni lɛlɔ na Katɔti úveli ɔ́bla kede kede ni, tasu anii liisé lɛlɔ!”

Romaƒuɔ 14:6

Ukyuli ɔni mɔɔbu limeyi lɛdi ni, Blɔti na uute ɔbu. Na ukyuli ɔni na adila adi lɛnɔ na ɔɔdi ni, Blɔti na uute ɔbu, ɔsika ɔ́gya Katɔti enu na ana lili. Na ukyuli ɔni néni na uládi adila adi lɛnɔ ni, ɔɔbla lɛni teeti taabu Blɔti. Na ɔɔgyá Katɔti enu.

Korintoƒuɔ 1 10:26

Ɔsika Bunweni Kedee Ɔku ɔɔsu ɔnii, “Kalɔ ku kana ala ani nkya-nya kemmo ƒui ni, adi Blɔti adi.”

Korintoƒuɔ 1 10:30

Si lɛ́gya Katɔti enu na lɛdila lɛni na úte-mi ɔsu ni, bi ɔsu na ukyuli ɔdi ɔnu ɔnii lɛ́ƒiɔ na ɔmɛni lɛlɔ ka lɛ́ɛgya Katɔti enu?”