Timoteo 1 4:16 - Katɔti Ɔku Kedee

¹⁶ Da lɛlɔ kaduɛ ku ala ani na aatina. Nye kabla kammɔ lɛlɔ kpakplaa. Ɔsika si ábla lɛni ni, adubudie awɔ ku bekyuli bani ƒui muunú ƒula litemi lɛmmɔ alɛku kɔtu bɔni kemmo.

Timoteo 1 4:16 Referans Kwoze

Tito 1:9

Ɔdi ka uƒie litemi geen lɛmmɔ ɔda kpakplaa aani kalɛ na bɔƒɔtaadi ulu ɔmmɔ ɔɔtina. Na ulu ɔmɛni lɛlɔ kani na ɔdubɔkana bɔsia na ɔkya bekyuli bamba lɛnɔ ogya na udie bani mɔɔta teenye litemi lɛmɛni lɛlɔ bɔƒiɔ ɔtina-ma.

Tito 2:7

Na ala amɛni ƒui kemmo ni, awɔ ɔlati ɔlɛka enwini ukyuli ɔni na ɔlɛka banu batɛya. Na enye momoomo na atina ala kaduɛ.

Ala Alɛdi 1 28:10

Awɔ na Unwoti ɔ́ƒuna ka atu kakpakɔ na bekyuli bataakpa-nwu. Nye kpakplaa na abla kabla kani na bákya-a kɔnu.”

Timoteo 2 4:2

si bebo kɔnu o-o, iye beeebo kɔnu o-o ni, die litemi buni lɛmmɔ kenye. Klibi-ma, na adɔnku-ma, na akya-ma ogya. Na si eedie ala kalɔ taatina-ma ni, na ewi lɛlɔ na akɛku-ma kayi geen.

Eƒesoƒuɔ 4:14

Na bɔsɔ bulése aani banamu bani kasusu bada baatu teenwini na ala bɔtina biala kemmo ɔkɛnku ala ani na ɔkɔ ala batinane bánwi na beeti bekyuli taatákya likpidi kemmo ɔkɛ bana kakwɛ kekpidi kani na bada ɔsu.

Hebriƒuɔ 13:9

Bitaƒɔ lɛla bamba lɛni na ukyuli ɔdi watina-mii bitadi. Katɔti lɛƒɔndia mɔɔyá na bɛɛkya kayi ɔkplu, na ɔɔɔdi ɔda bubo bɔni ndanku adila bɔdi kama bɔsia. Bekyuli bani mɔɔsia ala ammɔ kama ni, balakɛ kɔsia kɔdi.

Hebriƒuɔ 12:15

Bɛnu kaduɛ kalɛ na ɔdi ulayii Katɔti lɛƒɔndia ulu ɔmmɔ, kalɛ na ulénwini ligyukui likpidi ulakya bakladi akɔ na weboku ɔgbankpi na webile bekyuli pii.

Timoteo 2 3:14

Nsu awɔ ni, mɔɔwia ka enye ala ani na atɛya na áƒɔ ádi lɛnɔ lɛlɔ kpakplaa. Ɔsika agyi bekyuli bani kudɔ na átɛya-nya.

Luka 21:34

“Bɛnu kaduɛ na bileti bina uwi bilete bɔdi ku bɔni ebiti sɔɔn. Na ɔdi uléteekpoku nwuna lɛlɔ na kayawi kamɛni ala lɛlɔ. Si ɔɔɔdi lɛni ni, limeyi lɛmmɔ lɛdubo-mii buyu bɔtu.

Yesaia 55:11

Lɛni na mina etemila ese na si lɛ́su lɛla lɛdi ni, etemila ammɔ alásɔ teenwini teebo-mi kudɔ na lɛla lɛmmɔ lilebo-nwu kemmo kalɛ na lɛ́su-ni.

Timoteo 1 4:6

Si átina ƒula banwa ala amɛni ni, mmɔ na adubɔbla Yesu Kristo kabla ubunkune buni. Na bɔƒɔtaadi etemila amɛni ku bula ala bɔtina bɔni kama na asia ni, anya muute-ɔ kenyekɔ kamɛni.

Timoteo 1 1:3

Na ɔƒɛni ni, mɔɔwia ka asɔ akya Eƒeso mmɔ aani kalɛ na lɛ́su-ɔ uwi ɔni na lɛ́si mmɔ lísela Makedonia. Ɔsika agyi ka bekyuli badi bakya bani mɔɔtina ala ani muuƒú bula ala bɔtina na Kristo bɔƒɔtaadi lɛlɔ. Ɔlɛka abɔku bekyuli bamɛni na bada udu ɔmmɔ baya.

Romaƒuɔ 16:17

Banwa, mɔɔlɛ-mii kpakplaa nnii binye kagyumana na bekyuli bani muuti bule taakya bekyuli ntɛ lɛlɔ. Na beeti ala bamba ani náta énye bula ala ani na bɔɔtina lɛlɔ teetile-mii kuƒi. Bɛda lɛlɔ bɛmami-ma lɛlɔ.

Timoteo 2 2:10

Ɔmɛni ɔsu na mɔɔƒɔ́ lɛla biala teebweli na Katɔti bekyuli baƒunadi ɔsu, kalɛ na ama lɛnɔ bakɛ bɔƒɔ bɔni na Yesu Kristo lɛlɔ kani na bɔɔsia na buuti ngba ƒui lɛlɔ bɔyɔ teete-bu.

Korintoƒuɔ 1 9:27

Lɛ́ya na lɛvu lɛma-mi kalɛ na mina ɔlɔna ɔkana na ɔƒɔ lɛbibo biala. Ɔsika si lɛ́kɔ litemi buni lɛmɛni lɛsa líte bekyuli bamba na búbasa bɔnii bɔɔkɔ́ku lɛlɔ ni, naaawia ka bada-mi bedie na lɛyuƒɔla lɛmmɔ kenye!

Marko 13:9

“Ɔlɛka amii alati binye kagyumana. Badubuƒie-mii na beti-mii besienku litemi katɛkɔ. Badububo-mii na kasalakɔ. Na ami ɔsu ni, bɛdubunye baga ku lɛlɔ badine anumi, na bɛdubɔsu-ma Katɔti litemi buni lɛmɛni.

Yeremia 23:22

Si bɔkya na bákya katɔ mmɔ na mina kelisa kasusu betine akɔ ni, nka badubɔsu amii Yudaƒuɔ na binwini kama bɛkya bina ekpidi na binwini bibo-mi kudɔ.

Tito 2:15

Tina ala amɛni ku kenyekɔ kani na Katɔti úte-ɔ, na akya bekyuli bani ƒui muunú-ɔ litemi ɔkplu, na abɔku bani naaabla taasiaku ulu lɛlɔ lɛnɔ. Na taya na ɔdi ɔnu-ɔ ɔnii ásɔ.

Koloseƒuɔ 4:17

Na bɛsu Arkipo ka ɔkya ɔkplu na ɔwɔlɔ Blɔti kabla kani na úti ɔ́kya-nwu enu kemmo mmɔ.

Korintoƒuɔ 1 9:22

Si nkya bani na bana bɔƒɔtaadi buse kpɛtɛ kpɛtɛ akɔ ni, mɔɔbla lɛlɔ aani ama kani kalɛ na lɛkana lɛƒɔ-ma lite Blɔti. Ɔmɛni ɔsu lɛ́manku-ma na línwini bekyuli ƒui ɔkpana kalɛ na lɛsia ulu biala lɛlɔ na lɛƒɔ bekyuli badi lite Blɔti.

Romaƒuɔ 11:14

Na nsia lɛnu ɔkɛnku ɔmɛni lɛlɔ ka ni, anumi adubugyie mina bekyuli, na badi bakɛ ngba bɔƒɔ.

Romaƒuɔ 2:7

Bekyuli bani mɔɔkya lɛbuni bɔbla ɔkplu na basiaku bukeye ku bumwi ku ngba bɔnii nsɔ naaadubo bɔsa kudii kama ni, Katɔti ɔdubɔya na bakɛ ngba ƒui bɔmmɔ.

Batalane Kabla 26:22

Nsu ni, Katɔti údie-mi na bana enu kemmo. Anwuɔsu na mmu nli ngba muudie ɔmɛni kenye taatina amii benengu ku bekyuli ƒui lɛnɔ. Lɛla lɛni na mɔɔsu mɛni ni, ani kani na Katɔti kenye bediene ku Mose bene ƒui básu ka lɛdubɔlɛ.

Ala Alɛdi 2 19:6

na ɔ́su-ma ɔnini, “Bɛnu lɛlɔ kemmo kaduɛ si uwi ɔni na bɛɛlɛ bina etemila adi ugyii na bina litemi katɛkɔ. Ɔsika Unwoti kadi bekyuli na badi mɛni. Na lɛla biala na bɛ́lɛ ugyii ni, lɛdi lɛɛɛdubo-nwu bɔbɛ.

Ƒilemon 1:19

Ami Paulo ɔlati néti mina kɔnu línweni ɔmɛni. Na ndubɔƒɔ kayu biala nkya. Nsu ni, ɔɔɔdi bɔsu nda-a nnii awɔ ada-mi ƒula ngba kayu na Kristo kemmo.

Tesalonikaƒuɔ 1 2:16

Béti básia lɛlɔ banii butasu bani naaadi Yudaƒuɔ litemi buni lɛmɛni kalɛ na bakɛ ngba ƒui. Na baatɛ ekpidi etila taasia ekpidi kama teete lɛlɔ ani nédu kesii kani na Katɔti kɔtu bɔni bubo-ma lɛlɔ.

Israelƒuɔ Bɔlɛ 23:13

“Bɛsia anumi na bɛdi ɔda biala na líbo-mii lɛlɔ. Bitakpali baƒiɔ biala bitawia bana kebunku, na bitalɔ ɔdi lɛnyi muedi.

Korintoƒuɔ 1 1:21

Katɔti ɔkɛnku nwuna lɛnunda lɛlɔ na ɔ́bla bekyuli lɛni kalɛ na balasia bana kayawi lɛnunda lɛlɔ na bati-nwu. Na nwuna litemi lɛni lɛsa na bɔɔkɔ́ mɛni lɛdi badi adɔlɔla. Nsu Katɔti ɔɔsia-ni lɛlɔ na ɔɔƒɔ́ bekyuli bani na báƒɔ bádi ngba.

Timoteo 1 4:15

Ya na ƒula kasusu kasia ɔmɛni lɛlɔ, na ataabla-nya taasia kama kalɛ na bekyuli ƒui banu ƒula ngba buni bulie lɛtɔtɔ busie bati.