Timoteo 1 4:10 - Katɔti Ɔku Kedee

¹⁰ Ɔmɛni ɔsu na bunye kabla lɛlɔ kpakplaa na buubó abi. Ɔsika bula anu asia ngba ƒui Katɔti ɔni ndi bekyuli ƒui Ɔƒɔne lɛlɔ. Na bani geen na ɔdubo bɔƒɔ ndi bani náƒɔ-nwu bádi.

Timoteo 1 4:10 Referans Kwoze

Timoteo 1 2:4

Ɔsika ɔɔwia ka ukyuli biala ɔnu nwuna litemi geen lɛmmɔ ɔti kalɛ na ɔƒɔ-nwu ngba.

Yohane 1 2:2

Na Kristo ɔmmɔ ɔlati úti nwuna ngba ɔ́kpa na bula lili, kalɛ na ɔklibi abu ku Katɔti ntɛ. Nsu ɔɔɔdi abu lɛti ekpidi lili, mmomu ku bayawine ƒui ekpidi lili.

Timoteo 1 2:6

Anwu néti lɛlɔ ɔ́kpa na bayawine ƒui lili. Na Yesu ɔ́bla ɔmɛni na uwi ɔni lɛlɔ geen na Katɔti úse ka udie nwuna bekyuli bɔƒɔ keyi ɔtina bayawine ƒui.

Yohane 1:29

Kadi kégye ni, Yohane ɔ́nu ka Yesu ɔ́si ɔdubo. Amu na ɔ́su bani nnye-nwu kudɔ mmɔ ɔnini, “Bɛnu! Ɔmɛni ndi Katɔti Lɛkpa Koƒonu Ubi ɔni ndubo bayawine ekpidi buni budie-ma lɛlɔ.

Yohane 1 4:14

Bɔ́nu bɔ́ti nwaa na buudie kenye ka Katɔti ɔ́tala Ubidi ka ubedie bayawine ɔlɛku ekpidi kemmo.

Yohane 4:42

Kama ni, bekyuli bammɔ básu uleku ɔmmɔ banini, “Ɔƒɛni bɔdaku bɔƒɔ taadi, ɔsika abu alati búnu nwuna etemila, na ɔɔɔdi lɛla lɛni na ásu lɛti pɛ ɔsu. Sɔsɔ na ɔdi, bɔ́ti ka anwu ndi bekyuli bayawine Ɔƒɔne.”

Yohane 5:24

“Na mɔɔsu-mii geen ka ni, ukyuli ɔni muunú-mi litemi na ɔɔƒɔ́ Katɔti ɔni nátala-mi taadi ni, uli ngba bɔni nsɔ naaadubo bɔsa kudii. Na Katɔti uládu-nwu kɔtɔ na nwuna ekpidi ɔsu. Mmomu ɔ́ɔvia kukpi ntu úduo ngba bɔwɔdi kemmo.

Kɔgya 84:12

O Unwoti Ɔyikune Ƒui, ukyuli ɔni mbo lɛnunsia na ƒula lɛlɔ ni, anwu na lɛlɔ lɛdubo bɔyɔ.

Hebriƒuɔ 13:13

Anwuɔsu ni, bɛya na busie butásiaku-nwu na kabanye mmɔ na bakya-bu kɔƒa kɔni bákya anwu lɛnɔ.

Yesaia 12:2

Sɔsɔ geen na ɔdi ka Unwoti úbo ɔnii ubaƒɔ-mi ngba. Ndubuti mina anu ƒui bɔsia-nwu lɛlɔ na lɛɛɛdubo bɔyia. Unwoti Katɔti ndi ukyuli ɔni mɔɔkya-mi ɔyikun, na anwu ndi ɔnu ɔni ndubɔkya-mi kenye uwi ƒui ka anwu ndi-mi ngba bɔƒɔ.”

Kɔgya 118:8

Ɔdia ka ukyuli ukeli utátamiku Unwoti utulo ka asia ukyuli ɔdi lɛnu.

Kɔgya 52:8

Nsu ami ni, nse aani kɔdingyii kɔni evete neeewile kudii na nnye Katɔti kaduli. Na mina anu asia-nwu bɔyɔ bɔni naaavumana kudii lɛlɔ.

Petro 1 1:21

Na ɔkɛnku Kristo ɔmɛni lɛlɔ ɔsu na bɛ́ƒɔ Katɔti bɛ́di. Na anwu nágyila-nwu ɔ́lɛku kekpine na úte-nwu keliekɔ kenengudi geen. Ɔmmɔ geen ɔsu na bɛ́ƒɔ Katɔti bɛ́di na bɛsia-nwu anu.

Hebriƒuɔ 11:26

Ɔ́nu ka si bákya-nwu kɔƒa na Ukyuli Ɔƒunadi ɔni lɛlɔ na nwuna anu asia lɛlɔ ni, ɔ́ƒɔ-nwu kuye utulo ka ɔsiaku Egyipteƒuɔ akɛla kama. Ɔsika unye ɔɔnu ulu ute lɛyuƒɔla lɛni na Katɔti ɔdubute-nwu.

Timoteo 1 6:17

Su ama bani mbo kayawi ala pii anii batatalaku lɛlɔ katɔ na beteti bana anu batasia ala ani udu naaakana-ma bɔƒɔ lɛlɔ. Mmomu beti bana anu basia Katɔti lɛlɔ. Anwu muute-bu lɛla biala ku kaƒɔ ƒaa kalɛ na bɔkɛ lɛlɔyɔ.

Mateo 27:43

Ɔ́sia Katɔti anu, na ɔɔlɔ lɛlɔ ɔnii Katɔti Ubidi. Na si Katɔti ɔɔyɔ́ ni, ɔdubɔƒɔ-nwu ɔƒɛni kani bɔnu!”

Nahum 1:7

Unwoti ɔdia, na ɔɔgyumana bekyuli bani néti bana anu básia-nwu lɛlɔ, na uudie-ma na lɛbibo uwi.

Daniel 3:28

Amu na Ɔga Nebukadnesar ɔ́su ɔnini, “Bemwi bakloƒu bamɛni Katɔti ka úmene nwuna katɔ batu na bébedie nwuna kabla bablane! Báƒɔ bana Katɔti bádi, na béni ka badi mina ɔda bubo lɛlɔ. Sɔsɔ ni, báƒuna ka bekpi betulo ka bemwi iye bakya lili kalɔ bete baƒiɔ badi amu ntu bana Katɔti lɛti.

Yeremia 17:7

“Na bani néti bana anu básia-mi lɛlɔ ni, ndubute-ma kusɛ kusɛ.

Yesaia 50:10

Bina ɔdi biala ulábu Unwoti litemi, na bilenu nwuna kabla ɔblane litemi lɛnɔ. Na lɛdisa akɔ ala bɔbla na bɛɛyɔ́ teetulo ka bɛvi na bukeye kemmo. Na bítaƒɔ Unwoti bina Katɔti litemi lɛnɔ bítadi.

Kɔgya 107:2

Na amii bani ƒui na ɔ́ƒɔ-mii ngba na údie-mii ɔ́lɛku bina bekisine enu kemmo ni, biti bumwi bite-nwu.

Kɔgya 37:40

Na Unwoti ɔdubo-ma bubunku na udie-ma na balɛ ukyuli ukpidi enu kemmo na bakɛ bɔnwuna. Ɔsika Unwoti ndi bana katamikukɔ.

Kɔgya 36:6

Kalɛ na ese siin ɔ́da lidu kalɔ utulo abi ani nnye na bɔɔnu. Na kalɛ na aatɛ litemi taasiaku ulu lɛlɔ utulo kalɛ na ɛpu kemmo kágyu. Na awɔ kani mɔɔnu bekyuli ku bebuo ƒui lɛlɔ.

Mateo 16:16

Mmɔ na Simon Petro údie kenye ɔnini, “Awɔ ndi Ukyuli Ɔƒunadi ɔmmɔ. Na adi Katɔti ɔni nli ngba uwi ƒui Ubidi.”

Korintoƒuɔ 1 15:10

Nsu ɔkɛnku Katɔti lɛƒɔndia ɔsu ni, ndi ukyuli ɔni ndi ɔƒɛni. Na nwuna kaƒɔbuni ala ani na úte-mi ni, ánwu ebi. Na lɛ́bla kabla kpakplaa lítulo batalane bakladi ɔni na bekyuli baaasia anu ina ka ɔɔɔdi ami ɔlati ɔyikun kemmo na ɔdi. Mmomu Katɔti ɔyikun nkɛ-mi lɛlɔ na lɛ́bla ɔmɛni.

Korintoƒuɔ 2 1:10

Údie-bu ɔ́lɛku kukpi ɔgbankpi ɔmmɔ kemmo. Na ɔdubudie-bu lɛnɔ. Sɔsɔ ni, nwuna lɛlɔ na bɔɔsia anu ka ɔdubo-bu buteedie lɛnɔ.

Timoteo 1 2:3

Katɔ bɔkpali bɔmɛni mɔɔyɔ́ bula Ɔƒɔne Katɔti kaƒɔ.