Timoteo 1 1:16 - Katɔti Ɔku Kedee

¹⁶ Ɔmɛni ɔsu geen na Katɔti ɔ́nu-mi kɔnyana kalɛ na ɔkɛnku ami ɔni ntulo-ma akɔ ƒui lɛlɔ ni, Kristo Yesu ɔdubɔya na bekyuli banu kalɛ na ubo bɔyɔ bɔni muuti taakyiɛ ute ekpidi bablane bani maƒɔ-nwu madi. Na ɔdubute-ma ngba bɔni nsɔ naaadubo bɔsa lɛnɔ kudii.

Timoteo 1 1:16 Referans Kwoze

Timoteo 1 1:13

Ina ka líkpoku-nwu na lɛ́tɛmi enyekpi ku edumi na nwuna lɛlɔ dii asa na ḿbenwini kayi ni, Katɔti ɔ́nu-mi kɔnyana. Ɔsika uwi ɔmmɔ kemmo ni, ńtaƒɔ-nwu tɔ ńtadi na ńtati lɛla lɛni lɛnɔ na ńtaabla.

Eƒesoƒuɔ 2:7

Katɔti ɔ́bla ɔmɛni úti ɔ́tina bekyuli na uwi ɔni ndububo ƒui kemmo kalɛ na banu nwuna lɛƒɔndia lɛni na ubo ute-bu ka liiibo bɔkɔku bɔdi ɔkɛnku bɔyɔ bɔni na ɔɔyɔ́-bu na Yesu Kristo ɔsu.

Luka 7:47

Anwuɔsu mɔɔsu-ɔ ka ni, na bɔyɔ bɔni na údie ɔ́tina-mi ɔsu ni, ɔ́kɛ nwuna ekpidi pii ani na ɔ́bla ƒui buti taakyiɛ. Na ukyuli ɔni na blii na béti bákyiɛ-nwu ni, nwuna bɔyɔ lɛnɔ buse blii.”

Petro 2 3:15

Na bɛbu bɛnu kalɛ na Katɔti ɔɔkɛ́ku-mii kayi. Ɔmmɔ ndi kuƒi kɔni na úte-bu ka bɔkɛ ngba bɔƒɔ. Lɛni kani na Ɔnwa Paulo ɔkɛnku lɛlati lɛni na Katɔti úte-nwu kenye únweni ɔku úte-mii.

Petro 2 3:9

Katɔti uuuse nyɔɔ ka ɔbla lɛla lɛni kenye na ɔ́su úse aani kalɛ na badi baakali. Mmomu ni, ɔɔkɛ́ kayi teete-bu. Ɔsika ulayɔ ɔnii ɔdi ɔyii. Mmomu ɔɔyɔ́ ka bula ƒui bɔda bula ekpidi bɔbla bɔya.

Kɔgya 25:11

Unwoti, ɔkɛnku ƒula lɛnyi ɔsu ni, ti mina bɔƒiɔ ƒui kyiɛ-mi ina ka bumomo na babu-ɔ.

Petro 1 3:20

Ama ndi bani nétenu Katɔti bɔlɛ uwi ɔni na ɔ́kɛku-ma kayi na Noa ɔkya ɔɔnwí nwuna ɔkɔlɔ ubendi ɔmmɔ. Nkyuli ɛlɛɛ bani bumomo mabla aani nkyuli maane kani nákɛ ngba na ntu búteti-ma.

Yohane 20:31

Na amɛni kani na línweni líse kalɛ na bɛƒɔ bɛdi ka Yesu ndi Ukyuli Ɔƒunadi ɔmmɔ. Na anwu ndi Katɔti Ubidi ɔni na si bɛ́ƒɔ-nwu bɛ́di ni, na ɔya na bilie ngba na nwuna ɔyikun kemmo.

Yohane 3:36

“Na ukyuli biala ɔni mɔɔƒɔ́ Ubidi ɔmɛni taadi ni, ubo ngba bɔni nsɔ naaadubo bɔsa kudii. Na ukyuli ɔni muuní ka ɔdi Ubidi litemi lɛlɔ ni, ulákɛ ngba bɔmmɔ. Mmomu Katɔti kɔnyi kɔdubo butaasiaku-nwu.”

Romaƒuɔ 6:23

Ɔsika likpidi lɛyuƒɔla ndi kukpi. Nsu Katɔti lɛƒɔndia lɛni na úte-bu ndi ngba bɔni naaadubo bɔsa kudii ɔkɛnku abu ku Kristo Yesu ɔni ndi Blɔti unwi bɔbla ɔsu.

Batalane Kabla 13:39

Ukyuli biala ɔni náƒɔ Yesu ɔ́di ni, Katɔti ɔdubute-nwu ubo. Ɔmɛni ndi lɛla lɛni na Mose ɔda bubo bútakana bɔbla kudii.

Yohane 6:54

Ukyuli ɔni mɔɔdi mina ɔlɔna na ɔɔní mina ubugya ni, anwu muulie ngba bɔni nsɔ naaadubo bɔsa kudii. Na ndubɔgyila-nwu na limeyi likplodi lɛlɔ.

Yohane 6:40

Ɔsika lɛla lɛni na mina Ɔti ɔɔwia ndi ka ukyuli biala ɔni muuti anu taasia ami Katɔti Ubidi lɛlɔ na ɔ́ƒɔ-mi ɔ́di ni, ɔdubɔkɛ ngba bɔni nsɔ naaadubo bɔsa kudii na lɛgyila-nwu na limeyi likplodi lɛmmɔ lɛlɔ na ɔsɔ ubelie ngba.”

Yesaia 55:7

Bɛda bina kalala ku likyulikpi ala bɔbla bɛya, na binwini kama bɛkya-nya na Unwoti ɔdubuti-nya ƒui ɔkyiɛ-mii.

Yesaia 43:25

“Nsu na ukyuli ɔni na ndi ɔsu ni, mɔɔƒɔ bina ekpidi teedie-mii lɛlɔ uwi biala. Anwuɔsu ndubo bina ekpidi ani ƒui na bɛ́bla bɛ́ƒiɔ-mi bɔyiƒala.

Yesaia 1:18

Unwoti ɔnini, “Bibo na bɔdi kasusu bɔsala, na bɔwia ala kemmo bɔnu. Ina dɛ na bina alaekpidi áya na bɛ́nwu aani aƒɛ muedi ni, ndubɔkana na lidie-nya bina lɛlɔ. Na lɛya biteekeye aani etubankɛ. Na si ina dɛ na ekpidi ammɔ áya na bígyie dɛ muedi ni, ndubɔƒɔ-mii lɛlɔ na bɛƒuala aani unwo.

Hebriƒuɔ 7:25

Anwuɔsu ni, ukyuli biala ɔni muubo Katɔti kudɔ ɔkɛnku-nwu lɛlɔ ni, Yesu ɔmmɔ ɔɔkana na ɔɔƒɔ́-ma ngba uwi ƒui ɔsika ɔdubo buteevele teete-ma na Katɔti kudɔ.

Tesalonikaƒuɔ 2 1:10

Ala amɛni adubɔlɛ na limeyi libendi lɛni lɛlɔ na Yesu wasɔ webo. Na limeyi lɛmmɔ lɛlɔ ni, nwuna baƒɔtaadine ƒui badubɔsiaku-nwu ku bumwi kudu. Na amii lɛnɔ bɛdubɔkya-ma akɔ, ɔsika bɛ́ƒɔ nwuna litemi buni lɛni bɔ́su-mii mmɔ bɛ́di.

Eƒesoƒuɔ 1:12

Ɔmɛni ɔsu ni, bɛya na abu bani ndi bekyuli bedeedi bani nákɛ lɛnunsia na Kristo kemmo mɛni ni, bumwi Katɔti ka ɔdia geen ɔsu.

Eƒesoƒuɔ 1:6

Anwuɔsu bɛya na bumwi Katɔti na nwuna lɛƒɔndia libendi lɛni na ɔ́bla úte-bu ɔkɛnku Ubidi ɔni na ɔɔyɔ́ geen lɛlɔ ɔsu.

Korintoƒuɔ 2 4:1

Katɔti ɔ́nu-bu kɔnyana na úti kabla kamɛni ɔ́kya-bu enu kemmo. Ɔmmɔ ɔsu na enu aláƒɛ-bu.

Romaƒuɔ 15:4

Na ala ani ƒui na bénweni bése uwi ɔni návi kemmo ni, bénweni-nya bése kalɛ na batina-bu ala, kalɛ na si búnye lɛbibo biala kenye kpakplaa ɔkɛnku Bunweni Kedee ogya ɔni na ɔɔkya-bu lɛlɔ ni, na bɔkɛ lɛnunsia.

Yohane 6:37

Bekyuli bani ƒui na Ati úte-mi ni, badubo-mi kudɔ. Na bani muubo-mi kudɔ mmɔ ni, lɛɛɛdubo-ma buni.

Yohane 5:24

“Na mɔɔsu-mii geen ka ni, ukyuli ɔni muunú-mi litemi na ɔɔƒɔ́ Katɔti ɔni nátala-mi taadi ni, uli ngba bɔni nsɔ naaadubo bɔsa kudii. Na Katɔti uládu-nwu kɔtɔ na nwuna ekpidi ɔsu. Mmomu ɔ́ɔvia kukpi ntu úduo ngba bɔwɔdi kemmo.

Luka 23:43

Mmɔ na Yesu ɔ́su-nwu ɔnini, “Mɔɔsu-ɔ geen nnii ɔmwi ɔmɛni kani ni, ami ku awɔ ƒui bɔdubo buduo Paradiso kemmo.”

Luka 15:10

Na mɔɔsu-mii geen ka ni, lɛni kani na Katɔti batu lɛnɔ baakɛ́ ebiti na alaekpidi ɔblane unwi ɔni nénwini kayi ɔsu.”

Ala Alɛdi 2 33:19

Kenye udiene Hosai únweni ala pii ɔ́siku Manase lɛlɔ úbunku kalɛ na útaakpali Katɔti ku kalɛ na Katɔti únu-nwu bɔkpali. Nsu ala ekpidi ani na ɔ́bla lɛnɔ asa na ɔdubɔsɔ unwini kayi ni, únweni ana ƒui. Na únweni ala ɔ́siku kesii kani bene na ɔ́tu kadi bamba baƒiɔ ku aƒiodu ɔ́lɛ ku kesii kani na ɔ́ya na bátaakpa Asera baƒiɔ beledi bammɔ.

Bumomo Bɔka 23:3

Amu na Bileam ɔ́su Balak ɔnini, “Sɔ nye ƒula akpala amɛni kudɔ na ami nteesie kesii bamba. Ngyi ka uwi ɔni lisela ni, Unwoti ɔdubɔsiaku-mi ulu lɛlɔ. Na lɛla biala wedie watina-mi ni, ndubɔsu-ɔ.” Mmɔ na Bileam ɔ́tɔlɔ úsie kɔbi kɔdi lɛlɔ.

Israelƒuɔ Bɔlɛ 34:8

Amu na Mose úboku lɛlɔ kalɔ na úmwi Unwoti.

Korintoƒuɔ 1 7:25

Ɔƒɛni na lɛla lɛni na bíye na bakinsi lɛlɔ ni, ńtaƒɔ ɔda bubo bɔdi ńtasiku Blɔti kudɔ. Nsu ka Blɔti ɔ́nu-mi kɔnyana na ndi ukyuli ɔni na lɛ́manku ɔsu ni, mina kasusu ndi kamɛni.