Timoteo 1 1:15 - Katɔti Ɔku Kedee

¹⁵ Kenye kani na ndubo bɔsu mɛni kadi litemi geen, na ɔlɛka ukyuli biala ɔƒɔ-ka ɔdi. Yesu ɔni ndi Ukyuli Ɔƒunadi úbo kayawi kamɛni kemmo ɔnii ubedie bekyuli ɔlɛku bana ekpidi ani na baabla kemmo. Na ala ekpidi bablane bammɔ ƒui akɔ ni, ami ntulo.

Timoteo 1 1:15 Referans Kwoze

Marko 2:17

Ka Yesu únu litemi lɛni na badaku bɔsu ni, ɔ́su-ma ɔnini, “Balɛne mɔɔwia kuvo ɔblane, na ɔɔɔdi bekyuli bani mbo lɛlɔ ɔkplu. Ńtebo nnii mbalɔ bekyuli babuni na benwini kayi, mmomu líbo na bekyuli bani ngyi ka alaekpidi bablane badi ɔsu.”

Luka 19:10

Na ami, Ukyuli Ɔyawine Ubi, líbo nnii mbedie bekyuli bani ƒui náyii ulu geen ɔmmɔ.”

Yohane 12:47

“Si ukyuli ɔdi uunú litemi lɛni na mɔɔsu nsu uládi-ni lɛlɔ ni, lɛɛɛdubo-nwu kɔtɔ bɔdu. Ɔsika ńtebo nnii mbadu kayawi bekyuli kɔtɔ. Mmomu líbo nnii mbaƒɔ-ma ngba.

Yohane 1:12

Nsu ɛlɛɛ badi báƒɔ-nwu. Na bani ƒui náƒɔ-nwu mmɔ aani Katɔti Ukyuli Ɔƒunadi ɔmmɔ ni, úte-ma ɔyikun ɔni náya na benwini Katɔti bebi.

Luka 5:32

Ɔɔɔdi bekyuli bani nse siin na líbo mbalɔ nnii benwini kayi, mmomu alaekpidi bablane.”

Yohane 1 3:5

Na bɛgyi ka Kristo úbo kalɛ na ubada-bu udie ekpidi kemmo. Na anwu ni, likpidi lɛdi lɛɛɛma-nwu lɛlɔ.

Timoteo 1 1:13

Ina ka líkpoku-nwu na lɛ́tɛmi enyekpi ku edumi na nwuna lɛlɔ dii asa na ḿbenwini kayi ni, Katɔti ɔ́nu-mi kɔnyana. Ɔsika uwi ɔmmɔ kemmo ni, ńtaƒɔ-nwu tɔ ńtadi na ńtati lɛla lɛni lɛnɔ na ńtaabla.

Mateo 20:28

Lɛni na ami Ukyuli Ɔyawine Ubi lɛ́bla. Ńtebo nnii babla mina kabla. Mmomu líbo mbabla kabla na liti mina ngba lɛƒɔ bekyuli pii lili kayu.”

Korintoƒuɔ 1 15:9

Ɔsika ami ndi batalane bammɔ akɔ ubliidi ƒui. Na ńtamanku ka balɔ-mi banii ɔtalane muedi, ɔsika ami líkpoku Katɔti baƒɔtaadine lɛkpa lɛmmɔ.

Yohane 1:29

Kadi kégye ni, Yohane ɔ́nu ka Yesu ɔ́si ɔdubo. Amu na ɔ́su bani nnye-nwu kudɔ mmɔ ɔnini, “Bɛnu! Ɔmɛni ndi Katɔti Lɛkpa Koƒonu Ubi ɔni ndubo bayawine ekpidi buni budie-ma lɛlɔ.

Mateo 9:13

Bitáwia lɛla lɛni nkya Bunweni Kedee Ɔku kemmo kalɔ binu ka ni, ‘Lɛƒɔndia na Katɔti ɔɔwia, na ɔɔɔdi bebuo buti taakpa.’ Ńtebo nnii mbawia bekyuli babuni, mmomu bekyuli bekpidi ɔsu na líbo.”

Mateo 1:21

Na ɔdubɔwɔ ɔnanabi. Na awɔ Yoseƒ asia-nwu lɛnyi anii Yesu, ɔsika anwu ndubudie nwuna bekyuli ɔlɛku bana ekpidi kemmo.”

Hebriƒuɔ 7:25

Anwuɔsu ni, ukyuli biala ɔni muubo Katɔti kudɔ ɔkɛnku-nwu lɛlɔ ni, Yesu ɔmmɔ ɔɔkana na ɔɔƒɔ́-ma ngba uwi ƒui ɔsika ɔdubo buteevele teete-ma na Katɔti kudɔ.

Timoteo 1 4:9

Ɔmɛni ɔdi litemi geen lɛni na ɔlɛka ukyuli biala ɔƒɔ ɔdi.

Romaƒuɔ 5:6

Uwi ɔni na bulakana lɛlɔ bubunku ni, Kristo úbekpi na bekyuli bekpidi lili. Na ɔ́lɛ lɛni na uwi ɔni kemmo na Katɔti ɔlati ɔ́lɛ ugyii úse lɛlɔ.

Yohane 1 3:8

Ukyuli ɔni muulie taabla likpidi ni, ɔdi Satan ɔdi. Ɔsika Satan nli mɔɔbla likpidi ɔ́si kayawi kalɔ kesekɔ. Na lɛla lɛni ɔsu na Katɔti Ubidi ɔmmɔ úbo ni, ani ndi ka ɔyila Satan ablala.

Timoteo 1 3:1

Lɛsugba lɛmɛni lɛdi litemi geen ka ni, si ukyuli ɔdi ɔɔwia ka unwini baƒɔtaadine ɔtɔnkune ni, ɔɔwia kabla kabuni.

Eƒesoƒuɔ 3:8

Ami ɔni ndi Katɔti baƒɔtaadine ƒui akɔ ubliidi ni, Katɔti úti litela lɛmɛni úte-mi ka lɛkɔ litemi buni lɛmmɔ lɛsa na lɛƒɔndia bonwu lɛni na bekyuli badubɔkɛ ɔkɛnku Kristo lɛlɔ lite bani naaadi Yudaƒuɔ.

Budie Taatina 22:6

Amu na Katɔti ɔtu ɔmmɔ ɔ́su-mi ɔnini, “Etemila amɛni adi ukyuli kama kekpokɔ na adi etemila geen. Na Unwoti Katɔti ɔni muuti nwuna Kɔyu teete nwuna kenye bediene ni, anwu nátala nwuna ɔtu ɔnii ubatina nwuna kabla ɔblane ala ani ndubo abalɛ na uwi klukui kemmo.”

Budie Taatina 5:9

Bédie ɔnu ɔwɔdi ɔdi banini, “Awɔ námanku ka aƒɔ kakunkɛ kammɔ na amami kɔma kɔmmɔ. Ɔsika awɔ na bádu. Na ɔkɛnku ƒula ubugya akpala ɔsu ni, áƒɔ bekyuli lili kayu, na ásɔku-ma éte Katɔti. Awɔ náƒɔ-ma ásiku kadi ƒui bekyuli ku adi lidu biala batɛmine ku bekyuli lidu ƒui akɔ na kalɔ biala lɛlɔ.

Tito 3:8

Litemi lɛmmɔ lɛdi litemi geen. Na mɔɔwia ka asia-ni lɛkpuna. Na bekyuli bani náƒɔ Katɔti bádi ni, ɔdi ka beti bana uwi bete na bataabla lɛbuni lɛni malɛ kɔsia mete bekyuli ƒui.

Timoteo 2 2:11

Kenye kamɛni kadi litemi geen ka ni, “Si bɔ́bla unwi ku Blɔti na nwuna kukpi kemmo ni, bɔdubɔsɔ bɔta buliku-nwu ngba.

Batalane Kabla 3:26

Anwuɔsu ka Katɔti údie nwuna kabla ɔblane keyi ni, ɔ́tala-nwu ɔnii ɔka-mii kudɔ bubo bubebunku-mii kalɛ na bɛkana kama bunwini bɔkya bina ekpidi.”

Yohane 3:36

“Na ukyuli biala ɔni mɔɔƒɔ́ Ubidi ɔmɛni taadi ni, ubo ngba bɔni nsɔ naaadubo bɔsa kudii. Na ukyuli ɔni muuní ka ɔdi Ubidi litemi lɛlɔ ni, ulákɛ ngba bɔmmɔ. Mmomu Katɔti kɔnyi kɔdubo butaasiaku-nwu.”

Budie Taatina 21:5

Amu na anwu ɔni nlie lɛgaboku lɛmmɔ lɛlɔ ɔ́su ɔnini, “Bɛnu! Lɛ́sɔku ala ƒui lɛ́bla ɔwɔdi.” Na ɔ́sɔ ɔ́su-mi ɔnini, “Nweni ala amɛni se, ɔsika adi etemila ani ndi ukyuli kama kekpokɔ, na adi etemila geen.”

Yohane 1 5:11

Na kenye budie bɔni na bubo ni, amu ndi ka Katɔti úte-bu ngba bɔni nsɔ naaadubo bɔsa kudii. Na uute-bu ngba bɔmɛni ɔkɛnku Ubidi kudɔ.

Timoteo 1 1:19

Da ƒula bɔƒɔtaadi kaduɛ kalɛ na ƒula kayi kaládu-ɔ kɔtɔ. Ɔsika bekyuli bani na bétenu bana kayi bɔlɛ ni, bayii bana bɔƒɔtaadi ulu.

Mateo 18:10

“Bɛnu kaduɛ kalɛ na bilanu banamu wɛlɛ wɛlɛ bamɛni ɔdi bɛnii ɔɔɔdi lɛla lɛdi na bina akɔ. Ɔsika mɔɔsu-mii nwaa nnii bebo Katɔti batu bani nnye mina Ɔti anumi na katɔ uwi biala.

Batalane Kabla 11:18

Uwi ɔni na bénu etemila amɛni ni, báda bana unyeƒi báya na bése kalɔ beemwi Unwoti. Na básu banini, “Sɔsɔ ni, Katɔti úte bekyuli bamba lɛnɔ kuƒi ka benwini bebo-nwu kudɔ na bakɛ ngba.”

Batalane Kabla 11:1

Uwi útetu asa na batalane ku baƒɔtaadine bakladi na Yudea bénu ka kadi bamba bani naaadi Yudaƒuɔ lɛnɔ báƒɔ Blɔti litemi lɛmmɔ.

Esekiel 16:63

Ndubuti lɛla biala lɛkyiɛ-ɔ, nsu adubɔkali ala ani na ábla anu na kɔƒa kukpo-ɔ kɔvili ka asu lɛla lɛdi muedi. Ami Unwoti násu.’ ”

Hiob 42:6

Ɔmmɔ ɔsu na mina lɛlɔ lɛ́bɔ-mi na líbo nli ɔtumu ku ntɔ akɔ mɛni. Na mɔɔtina kalɛ na mina lɛlɔ libo kɔnyana.”

Luka 15:2

Mmɔ na Ƒarisiƒuɔ ku ɔda bubo ala batinane bése kalɔ beetemi teewi-nwu na bana lɛlɔ kemmo banii, “Ukyuli ɔmɛni ɔɔƒɔ́ alaekpidi bablane na anwu ku-ma baadi muedi!”

Romaƒuɔ 11:14

Na nsia lɛnu ɔkɛnku ɔmɛni lɛlɔ ka ni, anumi adubugyie mina bekyuli, na badi bakɛ ngba bɔƒɔ.

Timoteo 1 6:13

Na Katɔti ɔni nédie lɛla biala ku Yesu Kristo ɔnii nése kayi na údie nwuna bɔƒɔtaadi keyi na Pontio Pilato anumi muudie-mi kenye ka muute-ɔ ɔda bubo bɔmɛni.

Mateo 18:11

Ɔsika Ukyuli Ɔyawine Ubi úbo ɔnii ubaƒɔ bekyuli bani náyii ngba geen ulu ɔmmɔ.