Samuel 1 7:12 - Katɔti Ɔku Kedee

¹² Ɔmmɔ kama ni, Samuel ɔ́lɛ likpose lɛtabi lɛdi na Mispa ku Sen lɛma ntɛ na ɔ́sia-ni lɛnyi ɔnii Eben-Eser, na nwuna kalɔ ndi bɔƒɔ lɛtabi. Na ɔ́su ɔnini, “Ɔmɛni mɔɔtina kesii kani na Unwoti úbunku-bu úbedu.”

Samuel 1 7:12 Referans Kwoze

Korintoƒuɔ 2 1:10

Údie-bu ɔ́lɛku kukpi ɔgbankpi ɔmmɔ kemmo. Na ɔdubudie-bu lɛnɔ. Sɔsɔ ni, nwuna lɛlɔ na bɔɔsia anu ka ɔdubo-bu buteedie lɛnɔ.

Yosua 4:9

Na Yosua ɔ́la atakpɛ leevu-anyɔ ani bála mmɔ na ɔ́tɛ-nya ɔsala na atakpɛ ammɔ amu alɛ mmɔ úbedu ɔmwi.

Batalane Kabla 26:22

Nsu ni, Katɔti údie-mi na bana enu kemmo. Anwuɔsu na mmu nli ngba muudie ɔmɛni kenye taatina amii benengu ku bekyuli ƒui lɛnɔ. Lɛla lɛni na mɔɔsu mɛni ni, ani kani na Katɔti kenye bediene ku Mose bene ƒui básu ka lɛdubɔlɛ.

Ala Kalɔ Buse 22:14

Ɔmmɔ ɔsu ni, Abraham ɔ́lɔ kesii kammɔ ɔnii Katɔti Ɔdubute. Na úti úbedu ku ɔmwi limeyi lɛmɛni lɛlɔ ni, ɔdi lɛsugba lɛdi na baasu banii, “Na Unwoti kɔbi lɛlɔ ni, anwu ɔlati ɔdubute lɛla lɛni bɔɔwia.”

Ala Kalɔ Buse 35:14

Ɔmmɔ kama ni, Yakob úti lɛtabi lɛdi únyene aani lɛkpa lɛdi ute Unwoti Katɔti na kesii kammɔ kalɛ na utaakali lɛla lɛni nálɛ mmɔ. Na úti ntɛ bɔdi úwi lɛtabi lɛmmɔ lɛlɔ. Lɛni kani na úti nnɔmii bɔdi úwi-ni lɛlɔ.

Samuel 1 5:1

Ka Ƒilistiƒuɔ béƒie Bunyimi Adaka ɔmmɔ báƒɔ ni, béti-nwu básiku Eben-Eser bésienku Asdod.

Yesaia 19:19

Na batu lɛkpabi na Egyipte kalɔ kemmo ntɛntɛ, na balɛ likpose lɛkpa lɛdi na lɛkpabi lɛmmɔ kɔmadɔ na ɔmii lɛlɔ.

Kɔgya 71:17

O Katɔti, awɔ mɔɔtina-mi ala ɔ́si lɛnamu uwi ƒui. Na ńtada ƒula akɔla ala budie taatina kudu bubo ńtaya.

Kɔgya 71:6

Ɔ́si ɔni na báwɔ-mi ni, ƒula lɛlɔ na lɛ́kada líkpo. Na awɔ nédie-mi álɛku mina uni kaƒɔ kemmo. Na awɔ na ndubo buteemwi uwi ndi uwi.

Samuel 1 4:1

Na uwi ɔmmɔ kemmo ni, Israelƒuɔ báta banii betékpoku Ƒilistiƒuɔ. Na bátábla kakyakɔ na kesii kani baalɔ Eben-Eser. Na Ƒilistiƒuɔ bábla kakyakɔ na Aƒek.

Israelƒuɔ Bɔlɛ 17:15

Mmɔ na Mose ɔ́tu lɛkpabi na ɔ́sia-ni lɛnyi ɔnii, “Unwoti mɔɔyá na mɔɔdi lɛlɔ.”

Samuel 1 7:11

Na Israelƒuɔ bammɔ lɛnɔ bábi básiaku-ma ɔ́si Mispa mmɔ. Na bádu Ƒilistiƒuɔ bammɔ ukpone biala na ulu lɛlɔ laa útédu kesii kani baalɔ bani Bet-Kar.

Samuel 1 14:35

Na usien ɔmmɔ ni, Saul ɔ́tu lɛkpabi na bábla akpala béte Unwoti na mmɔ. Na ɔmmɔ ndi kudeedi ka Saul ɔ́bla lɛni.