Samuel 1 22:2 - Katɔti Ɔku Kedee

² Bekyuli bamba lɛnɔ bébebunku-ma. Na bana badi ndi bekyuli bani na baanya taakya ku bayune ku bani nánu ka bana keliela kalátɛ-ma ƒui bébo bábasiaku Dawid ku anwu badi. Na Dawid únwini bana ɔtɔnkune ɔni na bana ƒui bumomo bɔbla aani nkyuli eti maane.

Samuel 1 22:2 Referans Kwoze

Mateo 11:28

“Amii bani nti etila bonwu na lɛlɔ líitu-mii ni, bibo-mi kudɔ na ndubɔya na bɛnwuna.

Samuel 1 30:6

Na kayi kébo kaakpulu Dawid geen, ɔsika nwuna bekpone bammɔ baasu ka badububo-nwu atabi na livoƒi ku ɔƒɛ ɔni mɔɔdá-ma na bana bebi bananabi ku belekubi ɔsu. Nsu ɔ́kɛ ɔyikun ɔ́siku Unwoti, nwuna Katɔti kudɔ.

Samuel 1 25:13

Mmɔ kani na Dawid ɔ́bala nwuna kewii na ɔ́su nwuna bekpone aani eti maane ɔnini, “Bɛbala bina kuwii na bɔyu ulu.” Na bekpone bani nébu na bana ala kudɔ babla aani nkyuli eti ene.

Samuel 1 23:13

Anwuɔsu Dawid ku nwuna bekpone aani nkyuli eti leevu-anyɔ bátɔlɔ Keila kalɔ lɛlɔ mmɔ na bakɛ beelie taata na bana ulu busie kemmo. Na ka Saul únu ka Dawid ku nwuna bekyuli bátɔlɔ Keila ni, ɔ́sɔ útesie mmɔ.

Samuel 1 9:16

Na ɔ́su-nwu ɔnini, “Kɔnaadi aani uwi ɔni kemmo na mɔɔtɛmiku-ɔ mɛni ni, ndubɔya na ɔnana ɔdi ubo-ɔ kudɔ. Na ɔnana ɔmmɔ ɔ́si Benyamin kalɔ kemmo. Wi-nwu lili nnɔmii na ese-nwu likpo na unwini ɔtɔnkune ute mina kadi bekyuli Israelƒuɔ. Anwu ndubo-ma bɔtɔnku na lɛƒɔ-ma na Ƒilistiƒuɔ enu kemmo. Ɔsika lɛla lɛni na bévele-mi ni, línu-ma bɔkpali.”

Samuel 1 1:10

Mmɔ ni, Hana ɔ́nu lɛlɔ na nwuna lɛlɔ lɛ́bla-nwu kɔnyana na úse kalɔ uuwulo na ɔɔkpali Katɔti ku keku.

Litemi Batɛne 11:3

Anwuɔsu Yeƒta ɔ́tɔlɔ nwuna banwani kudɔ na útáda keliekɔ na Tob kalɔ lɛlɔ na kesii kani na ulu besiene badi báƒɔ lɛlɔ bakya. Na anwu ku-ma beesié taavi.

Hebriƒuɔ 2:10

Ɔdi lɛla lɛni na Katɔti ɔni nédie ala ƒui na ɔɔnu-nya lɛlɔ ɔ́nu ka lɛdia ka ukyuli ɔni mɔɔtɔnku bekyuli pii teeduoku bukeye kemmo ni, ɔka abi bubo kalɛ na ɔwɔlɔ nwuna kabla na ɔƒɔ-ma.

Mateo 11:12

Na ɔ́si Ntu Ɔkpilane Yohane uwi úbalɛ ɔmwi ni, bekyuli pii báta ku lɛnungyie batáwia Katɔ Ɔga Ɔma ɔmmɔ beduo. Nsu bekyuli bani anumi egyie-ma geen lɛti na baanwanɛ lɛlɔ ni, ama ndubuduo mmɔ.

Agba 31:6

Nyonu ntɛ te bani néedu kaƒiɔtɔ kɔtu, ama mɔɔní ntɛ ku bani na kayi kaakpulu-ma geen.

Baga 2 20:5

“Sɔ nwini sie Hesekia, mina kadi bekyuli ɔtɔnkune kudɔ na asu-nwu anii, ‘Lɛni na Unwoti, ƒula ɔti Dawid Katɔti, ɔɔsu. Línu ƒula bɔkpali ku keku kani na éwulo ku imii, na ndubo-ɔ bɔbwi. Ɔ́si ɔmwi útédu limeyi lɛtɛdi lɛlɔ ni, adubo bɔta busie Unwoti kakpakɔ.

Samuel 2 17:8

Ɔsika agyi ka ƒ'ɔti ku nwuna bekyuli badi bekpone geen na bebo ogya aani eƒiebuo ɔni na béƒie-nwu bebi. Na ɔni ntulo ndi ka ƒ'ɔti ɔgyi kekpo kɔkwɛ geen, Na ulakya bekpone bammɔ akɔ usien ɔmɛni.

Samuel 2 5:2

Na kukuuku ƒui uwi ɔni na Saul ɔdi bula ɔga ni, awɔ kani nákpanku bula Israelƒuɔ bekpone ésienku kekpokɔ. Na Unwoti ɔ́su-ɔ ɔnini, ‘Awɔ ndubo mina kadi bekyuli bɔda aani baƒonu ɔdane kalɛ, na awɔ ndubɔdi bana ɔga.’ ”

Litemi Batɛne 18:25

Na Danƒuɔ bamɛni básu Mika banini, “Takyaku-bu unyeƒi ɔdi. Si ɔɔɔdi lɛni ni, bekyuli badi badubo kɔnyi bɔkɛ na bekpoku-ɔ. Na ƒula kaduli bekyuli badubɔyila bana ngba.”

Samuel 1 22:3

Na uwi klukui ɔdi kama ni, Dawid ɔ́tɔlɔ kesii kani na ɔkya mmɔ úsie ɔma ɔni baalɔ Mispa na Moabƒuɔ kalɔ lɛlɔ. Mmɔ na úvele ɔga ɔmmɔ kuƒi ɔnini, “Adubɔtuna na ami ku mina ɔti ku uni ƒui bubelie ƒula kalɔ lɛlɔ, wetédu ka lɛ́nu lɛla lɛni na Katɔti ɔɔwia ka lɛbla lɛti?”

Baga 2 4:1

Ukpinele ɔdi na nka ɔgyani ɔ́kya kenye bediene lɛkpa kemmo úsie Elisa kudɔ na ɔ́su-nwu ɔnini, “Ati, mina ɔgyani úkpi. Na aani kalɛ na agyi ni, ɔdi ukyuli ɔni mɔɔyia Katɔti geen. Na mina ɔgyani ukyuli ɔni na ɔda kayu ɔdubo ubeti mina bebi bananabi inyɔ ɔtɔlɔku na bátátaabla-nwu kabla.”