Samuel 1 2:8 - Katɔti Ɔku Kedee

⁸ Anwu mɔɔtalaku bawabane katɔ na baalɛ́ ɔtumu akɔ, na bani mɔɔyaki ala mmɔ baata ntɔ kewikɔ, na beelie kuliekɔ kunengudi kɔni bagabi beelie. Unwoti nése kalɔ kammɔ ƒui lɛtabi ɔka kalɔ. Na nwuna lɛlɔ na ɔ́tu kayawi ƒui ɔ́lɛ na kadi nwuna kadi.

Samuel 1 2:8 Referans Kwoze

Daniel 2:48

Ɔmmɔ kama ni, ɔga ɔmmɔ úte Daniel ala pii na ɔ́kɔliku-nwu kenyekɔ, na únwini aban ɔgadine unengu na Babilon kalɔ kammɔ lɛlɔ, na úti-nwu únwini banundane bakladi ƒui lɛlɔ ɔnune.

Yakobo 2:5

Banwa, binu! Bɛgyi geen ka Katɔti ɔ́ƒuna kayawi kamɛni bawabane ka babla nwuna badi. Na ka báƒɔ Blɔti Yesu Kristo bádi ɔsu ni, bénwini kɔyu kemmo ala bakɛne. Na ama ndubuduo Katɔ Ɔga Ɔma aani kalɛ na Katɔti ɔ́su bekyuli bani mɔɔyɔ́-nwu úse.

Daniel 6:3

Na Daniel ɔ́bla nwuna kabla kaduɛ geen útulo bagadine bammɔ ku bakutine bani na benye-ma kenye mmɔ lɛnɔ. Anwuɔsu ɔga ɔmmɔ ɔ́bla kasusu ka Daniel utaadi lɛga kadikɔ kemodi kammɔ ƒui lɛlɔ.

Budie Taatina 1:6

Na ɔ́bla-bu baga ku bakpane bani mɔɔkpanku bekyuli teeboku Ɔti ɔni ndi Katɔti. Uukeye, na ubo ɔyikun ɔ́si ɔƒɛni úsela ƒui! Ɔsia lɛni.

Etemila 4:14

Na okloƒu ɔmmɔ udu ni, ina aban ɔtɔ katɛkɔ na ɔ́si úbo iye bawabane kaduli na báwɔ-nwu bákya na baaadi baga liku bekyuli muedi ni, ɔkana na unwini ɔga.

Samuel 1 15:17

Mmɔ na Samuel úsie anumi ɔnini, “Uwi ɔni na awɔ ɔlati muedi átanu tɔ lɛlɔ átati ka adi lɛla lɛdi ni, Unwoti úse-ɔ likpo na énwini ɔga na Israel kadi bekyuli adua pii ammɔ ƒui lɛlɔ.

Budie Taatina 22:5

Lɛdisa lɛsɔ lilakya mmɔ. Na baláwia bukeye bɔdi taasiku asogya iye ɔƒɛ kudɔ, ɔsika Unwoti Katɔti ɔlati ndi bana bukeye na badubɔdi lɛga usela uwi ƒui.

Budie Taatina 5:10

Awɔ nábla-ma bénwini baga ku bakpane bani mɔɔkpanku bekyuli teeboku bula Katɔti. Na badubɔdi lɛga na kalɔ lɛlɔ.”

Samuel 2 7:8

“Na ɔƒɛni ni, su mina kabla ɔblane Dawid anii ami Unwoti Ɔyikune Ƒui nnii, ‘Asa na ndubɔƒuna-a na enwini mina kadi Israel ɔtɔnkune ni, na nka baƒonu kani na aakpanku teesienku kadikɔ.

Budie Taatina 3:21

“Anwu ɔni madi ekpidi lɛlɔ ni, ndubute-nwu kuƒi na ulie-mi kudɔ na lɛgaboku lɛlɔ aani kalɛ na lɛ́di lɛlɔ na nli mina Ɔti kudɔ na lɛgaboku lɛlɔ.

Hebriƒuɔ 1:3

Ubi ɔmmɔ ndi Katɔti bukeye bɔni mɔɔsí Katɔti ɔni nse kede kede lɛlɔ. Na ɔdi Katɔti ukyuli udu ɔmmɔ geen. Na ɔkɛnku nwuna litemi lɛni mbo ɔyikun lɛlɔ ɔsu na lɛla biala linye nina kenyekɔ na kayawi. Na uwi ɔni na úti lɛlɔ ɔ́kpa kalɛ na Katɔti uti bayawine ekpidi ɔkyiɛ-ma ni, úsie útélie keliekɔ kenengudi ƒui na Katɔti kɔdianu kakɛ.

Kɔgya 104:5

Awɔ nákya kalɔ kamɛni ƒui awodu ɔka kalɔ ɔni na lɛla biala likana-ka bɔkunku.

Kɔgya 102:25

Na kalɔ kesekɔ ni, awɔ nédie kayawi kamɛni ƒui, na éti ƒula enu ábla kayaa.

Kɔgya 24:2

Ɛpu bonwu ku ntukpa bɔni nkya kalɔ kemmo mmɔ lɛlɔ na ɔ́tu kayawi kammɔ ɔ́sia.

Ala Kalɔ Buse 41:14

Amu ka Ƒarao únu lɛni ni, ɔ́ya na bátálɔ Yoseƒ béboku kɔnakunwi ɔ́siku ubu ɔni kemmo na bákya-nwu mmɔ. Na ɔ́kpi ntu na ɔ́kpɛ ukwi na ɔklibi lɛlɔ kaduɛ asa na ɔ́da úbalɛ Ƒarao anumi.

Hiob 2:8

Ɔmmɔ ɔsu kebu na Hiob úsie ulie ku kɔnyana. Na ɔda kubuikɛ kɔdi uukuo nwuna alɛbi na ntɔ akɔ mmɔ.

Ala Kalɔ Buse 41:40

Awɔ ndubo mina lɛga kadikɔ kamɛni lɛlɔ butaanu. Na bekyuli bakladi ƒui badubo ƒula kalɔ bɔkya na bataadi ƒula ɔda bubo lɛlɔ. Na lɛgaboku lɛnyi lɛni na mɔɔdi kani na ami ndubuti litulo-ɔ.”

Daniel 4:17

“ ‘Na Katɔti batu kedee bammɔ nédie lɛdi asa na lɛtuni lɛmmɔ líbo ukyuli ɔmmɔ lɛlɔ. Na ɔmmɔ ɔdubunwini ala bɔtɛya ute bekyuli bani ƒui nli ngba ka Unwoti Katɔti Ɔni Ntulo Ƒui mɔɔdi lɛga kadikɔ biala lɛlɔ, na anwu kani mɔɔƒuna ɔtɔnkune ɔni na uuubo kenyekɔ bonwu kadi na bekyuli anumi na uunwíni ɔga.’

Baga 1 16:2

“Nka ukyuli keeke kani na adi. Na ami lɛ́bla-a ɔtɔnkune líte mina bekyuli Israelƒuɔ. Na ɔƒɛni ábla likpidi aani Yerobeam kalɛ. Na ákpanku mina bekyuli átákya likpidi kemmo. Na áya na bana likpidi lɛmmɔ lɛgyila mina kɔnyi.

Baga 2 9:6

Ɔmmɔ kama Yehu ɔ́ta na bétéduo ɔtɔ ɔdi kemmo. Na okloƒu ɔmɛni úwi Yehu nnɔmii bɔmmɔ lili na ɔ́su-nwu ɔnini, “Lɛni na Unwoti ɔni ndi Israelƒuɔ Katɔti ɔɔsu. ‘Muuwi-ɔ nnɔmii bɔmɛni lili ka énwini Unwoti kadi bekyuli Israelƒuɔ ɔga.

Hiob 1:21

Mmɔ na ɔ́su ɔnini, “Kasɔngya na mina uni ɔ́wɔ-mi ɔ́lɛku nwuna kaƒɔ kemmo, na kasɔngya kani na ndubɔsɔ linwini. Unwoti néte, na Unwoti násɔ ɔ́ƒɔ. Bemwi Unwoti lɛnyi!”

Kɔgya 75:3

Ina dɛ na lɛlɔ lɛɛtɔ́ kayawi ala ediedi ƒui na kalɔ kemodi kammɔ kaakunku dɛ ni, ndubɔda-ka linyene kana ɔka lɛlɔ na kalɔ kemmo lɛtabi kpakplaa lɛlɔ.

Kɔgya 75:7

Mmomu Katɔti ɔmmɔ ɔlati ndubɔtɛ litemi na ɔkɔliku badi katɔ na uboku badi kalɔ.

Kɔgya 107:41

Nsu bani muubó abi na baayaki ala ni, uudie-ma taalɛku bana lɛbibo kemmo na baasɔ taawɔ teeyile bana kɔduli aani baƒonu kalɛ.

Yesaia 22:23

Na ndubo-nwu bubo bɔlɛ kalɔ kpakplaa aani liwele. Na use aani lɛgaboku lɛni mbo lɛnyi ku ɔbu ute ɔti kaduli.

Kɔgya 75:4

Na ndubɔsu bani mɔɔtalaku lɛlɔ katɔ mmɔ ka bada bana lɛmɛnɛ bɔkun baya.