Samuel 1 19:4 - Katɔti Ɔku Kedee

⁴ Yonatan úmwi Dawid úte ɔti Saul ɔnini, “Si átati kalɛ na ábla lɛla lɛdi áƒiɔ Dawid ni, adubɔbla likpidi bonwu geen. Ɔsika Dawid útabla-a likpidi lɛdi. Na ala ani na Dawid ɔ́bla ni, álɛ kɔsia geen éte-ɔ mmomu.

Samuel 1 19:4 Referans Kwoze

Yeremia 18:20

Lɛ́sia ulu biala lɛlɔ ka libunku-ma, nsu kayu kani na ama baaƒɔ-mi ndi ka bakɛ beekú-mi kalɔ ka lɛnu liduo bana kakpagyuɛ ubu ɔni na béku báva-mi kemmo. Na lívele-ɔ muedi nnii tani-ma kɔtu.

Ala Kalɔ Buse 42:22

Amu Ruben úye nwuna banwani bakladi ɔnini, “Ńtasu-mii nnii bitaya na bɔbla likpidi bɔƒiɔ ɔnamu ɔmɛni, na bítenuku-mi kalɔ? Ɔƒɛni bula ɔti ubi na ɔdi, na bɔdi ubugya unwi. Bɛɛnu ka nwuna ubugya lɛlɔ kɔtu na baaní-bu ɔmwi.”

Agba 17:13

Si éti likpidi áƒɔ lɛbuni lɛni na ukyuli ɔdi ɔ́bla-a kayu ni, ɔgbankpi ulása-a kaduli kudii.

Samuel 1 20:32

Nsu Yonatan údie kenye buɛɛ na úye ɔti ɔnini, “Bi ɔsu na ɔdi ka Dawid ukpi, na bi likpidi na ɔ́bla?”

Kɔgya 35:12

Na béti likpidi báƒɔ-mi na lɛbuni lɛni na lɛ́bla kayu kalɛ na bedie-mi lɛti ku kɔnyana.

Samuel 1 22:14

Amu na Ahimelek údie lɛlɔ kenye na ɔ́su Ɔga Saul ɔnini, “Ati, Dawid ni, awɔ ɔlati ƒula ɔnamu na ɔdi. Na ulakana lɛla lɛni na aasu mɛni udu bɔbla na ƒula lɛlɔ kudii. Na ɔdi ƒ'ubidi ɔgyani. Na ɔni ntulo lɛnɔ ndi ka anwu ndi ƒula bekpone bani mɔɔgyumana-a ƒui unengu. Na ƒula bekpone benengu bamba ku kabla bablane ƒui lɛnɔ baabu-nwu geen.

Korintoƒuɔ 1 8:12

Si úbo lɛni ni, na aabla likpidi taaƒiɔ ƒula baƒɔtaadine bakpana. Na áya na bani bɔƒɔtaadi neeebo ɔkplu bɔdubo-ma buteekpoku na bana kɔyi kemmo. Na si úbo lɛni ni, aabla likpidi taaƒiɔ Kristo.

Ala Alɛdi 2 6:22

“Si banii ukyuli ɔdi ɔ́da ɔkpanadi kenye ka ɔ́bla likpidi bonwu lɛdi na úbo úte ka ukyuli ɔni kenye na báda mmɔ unye lɛkpabi lɛmɛni anumi na ƒula kakpakɔ kamɛni kemmo na ɔ́su ɔnii, ‘Lɛ́kanku ka lɛɛɛgyi lɛla lɛdi’ ni,

Samuel 1 2:25

Si ukyuli ɔdi ɔ́bla nwuna ɔkpana lɛla lɛdi ni, Katɔti ɔɔkana na ɔɔklibi bana ntɛ litemi na unwi bɔbla bubo. Nsu si Unwoti ɔmmɔ ɔlati na áƒiɔ bɔƒiɔ bonwu bɔdi udu ni, ɔma ndubɔkana awɔ ku Unwoti ntɛ buduo na uvele ute-ɔ?” Nsu ɔmɛni ƒui ni, bebi bammɔ bétenu bana ɔti bɔdɔnku ku bɔlɛ. Ɔsika Unwoti ɔ́ɔlɛ ugyii ka ɔyila-ma udu.

Ala Kalɔ Buse 9:6

“Ukyuli biala ɔni mewi nwuna ɔkpana ubugya kalɔ ni, anwu lɛnɔ ukyuli ndubo-nwu ubugya kalɔ buwi. Ɔsika Katɔti udu kenye na Katɔti údie ukyuli.

Yohane 1 3:15

Na ukyuli ɔni muukisi nwuna ukyulikpana ni, ɔdi bekyuli ɔdune. Na amii alati bɛgyi ka ukyuli biala ɔni mɔɔdú bekyuli ni, uuubo ngba bɔni naaadubo bɔsa kudii.

Kɔgya 59:4

Ɔɔɔdi mina likpidi lɛdi ɔsu na bakɛ beekeli taada-mi. O Katɔti, nu lɛla lɛni mɔɔlɛ́ na ata ku kɔnyi na ebo ebedie-mi.