Samuel 1 10:10 - Katɔti Ɔku Kedee

¹⁰ Na sɔsɔ ka bédu Gibea ni, Katɔti kenye bediene badi bábasiaku Saul. Na Katɔti kɔyu kɔ́ƒɔ-nwu lɛlɔ kemmo ƒui. Na anwu lɛnɔ úduo-ma akɔ na uubó kudu bana kalɛ.

Samuel 1 10:10 Referans Kwoze

Samuel 1 2:35

Na ndubudie ɔkpane bamba ɔni mabla mina kayi ku kasusu lɛyɔla. Ndubɔya na nwuna ɔtɔ kemmo bekyuli benye kpakplaa na ɔbla-mi kabla uwi biala uti ubunku ɔga ɔni na lɛ́ƒuna.

Samuel 1 11:6

Ka Saul únu kenye kamɛni ni, Katɔti kɔyu kɔ́ƒɔ-nwu lɛlɔ kemmo kɔnakunwi na ɔ́kɛ kɔnyi geen.

Litemi Batɛne 3:10

Na Unwoti Kɔyu kɔ́ƒɔ Otniel ɔmɛni lɛlɔ kemmo, anwuɔsu úbenwini Israelƒuɔ litemi ɔtɛne, na ɔ́tɔnku-ma na bétekpoku Kusan-Resataim ɔni ndi Aramƒuɔ ɔga. Na Unwoti ɔ́nyonu ɔga ɔmmɔ ɔ́kya Otniel enu kemmo, na ɔ́ya na bádi-nwu lɛlɔ.

Litemi Batɛne 15:14

Na uwi ɔni na badaku Lehi budu ni, Ƒilistiƒuɔ bálɛ bébo ku kɔvanu. Mmɔ na Unwoti Kɔyu kɔ́ƒɔ Simson lɛlɔ kemmo ku ɔyikun. Na kɔbuli kɔni béti bényimi-nwu enu mmɔ kɔ́bla aani kɔbuli kɔni ogya ɔ́kyula-ku. Na kɔ́lɛ-nwu enu kemmo kúwi kalɔ.

Samuel 1 16:13

Amu na Samuel úwilimi nnɔmii bɔmmɔ úwi Dawid lili na nwuna banwani anumi. Na uwi ɔmmɔ kemmo kani na Katɔti Kɔyu kúbo na kɔ́ƒɔ Dawid lɛlɔ kemmo ƒui ku ɔyikun. Na Samuel lɛnɔ únwini úsie Rama.