Samuel 1 10:1 - Katɔti Ɔku Kedee

¹ Ɔmmɔ kama ni, Samuel úti ɔsii ɔdi na nnɔmii buwi-nwu kemmo na úwilimi nnɔmii bɔmmɔ úwi Saul lili na ɔ́kya-nwu kɔgbu na ɔ́su-nwu ɔnini, “Geen geen ni, Katɔti ɔ́ƒuna-a ka enwini nwuna kadi bekyuli Israelƒuɔ ɔga.

Samuel 1 10:1 Referans Kwoze

Samuel 1 16:13

Amu na Samuel úwilimi nnɔmii bɔmmɔ úwi Dawid lili na nwuna banwani anumi. Na uwi ɔmmɔ kemmo kani na Katɔti Kɔyu kúbo na kɔ́ƒɔ Dawid lɛlɔ kemmo ƒui ku ɔyikun. Na Samuel lɛnɔ únwini úsie Rama.

Kɔgya 78:71

na ubataanu Yakob kaba bebi bani ndi Israel nwuna bekyuli baƒunadi lɛlɔ.

Samuel 1 9:16

Na ɔ́su-nwu ɔnini, “Kɔnaadi aani uwi ɔni kemmo na mɔɔtɛmiku-ɔ mɛni ni, ndubɔya na ɔnana ɔdi ubo-ɔ kudɔ. Na ɔnana ɔmmɔ ɔ́si Benyamin kalɔ kemmo. Wi-nwu lili nnɔmii na ese-nwu likpo na unwini ɔtɔnkune ute mina kadi bekyuli Israelƒuɔ. Anwu ndubo-ma bɔtɔnku na lɛƒɔ-ma na Ƒilistiƒuɔ enu kemmo. Ɔsika lɛla lɛni na bévele-mi ni, línu-ma bɔkpali.”

Kɔgya 2:12

Na biboku eli kalɔ bite-nwu. Na si ɔɔɔdi lɛni ni, Unwoti ɔdubɔkɛku-mii kɔnyi geen na ɔyila-mii udu kɔnakunwi. Nsu lɛlɔ litaayɔ bekyuli bani muukeli teesie-nwu kudɔ ka ɔgyumana-ma.

Batalane Kabla 13:21

Amu na bévele-nwu banii use ɔga ute-ma. Na Katɔti úte-ma Kis ubidi Saul ɔni nási Benyamin kaba kemmo, na ɔ́di lɛga akwa aavlene.

Samuel 1 26:11

Nsu ami muuvele nnii Unwoti utaya na liti mina kɔnu lituku nwuna ɔga lɛbla-nwu lɛla lɛdi. Awɔ, ƒɔ lɛtula ku ntu ɔsii ɔni nde-nwu lili mmɔ na bɔtɔlɔ.”

Lɛkpa Ulu 32:9

Ɔsika Unwoti ɔlati néti Israelƒuɔ bani ndi Yakob bebi ɔ́bla nwuna badi.

Baga 2 20:5

“Sɔ nwini sie Hesekia, mina kadi bekyuli ɔtɔnkune kudɔ na asu-nwu anii, ‘Lɛni na Unwoti, ƒula ɔti Dawid Katɔti, ɔɔsu. Línu ƒula bɔkpali ku keku kani na éwulo ku imii, na ndubo-ɔ bɔbwi. Ɔ́si ɔmwi útédu limeyi lɛtɛdi lɛlɔ ni, adubo bɔta busie Unwoti kakpakɔ.

Baga 2 9:1

Uwi ɔdi ni, Kenye Udiene Elisa ɔ́lɔ okloƒu ɔdi ɔ́siku kenye bediene kasala akɔ na ɔ́su-nwu ɔnini, “Ti kabuli da ƒula kavobi, na eteesie Ramot-Gilead. Na si ésela ni, na eti ɔsii ɔni na nnɔmii buwi-nwu kemmo mɛni ada.

Budie Taatina 5:8

Na uwi ɔni na Koƒonu Ubi ɔmɛni ɔɔƒɔ́ kakunkɛ kamɛni ni, ngba batu ine bammɔ ku benengu aavlanyɔ-ine bammɔ báyu bébi kalɔ na Koƒonu Ubi ɔmmɔ anumi. Ɔdi biala ɔda agyala ani béti kɔbuli bábla na baagyá taatu lɛnu. Na ɔdi biala ɔda sika ugyiedi kɔlaku kɔni néyi ku oloƒui. Na oloƒui ɔmɛni unye ute Katɔti bekyuli katɔ bɔkpali.

Hebriƒuɔ 2:10

Ɔdi lɛla lɛni na Katɔti ɔni nédie ala ƒui na ɔɔnu-nya lɛlɔ ɔ́nu ka lɛdia ka ukyuli ɔni mɔɔtɔnku bekyuli pii teeduoku bukeye kemmo ni, ɔka abi bubo kalɛ na ɔwɔlɔ nwuna kabla na ɔƒɔ-ma.

Tesalonikaƒuɔ 1 5:26

Bɛkya lɛlɔ kɔgbu na bigyele lɛlɔ ku kaƒɔ ƒaa.

Hosea 13:2

Na ɔƒaani ni, bɛmu binye likpidi lɛmmɔ kani bɔbla lɛlɔ, na bíti sika ɔƒualadi bɛ́vɔ ɔmantɛ bakɔ bebi udu baƒiɔ bíte lɛlɔ, na básu-mii banii bitaakyula akpala teete-nwu na bɛɛkya-ma kɔgbu taaƒuƒuɛ muedi.

Yeremia 10:16

Nsu awɔ Israel Katɔti ni, eeese lɛni, awɔ nédie ala ƒui na áƒuna Israel kadi bekyuli na badi awɔ badi geen. Ƒula lɛnyi ndi Unwoti Ɔyikune Ƒui.

Kɔgya 135:4

Unwoti Katɔti ɔlati náƒuna Yakob úte lɛlɔ. Na ɔ́ƒuna Israel kadi ka babla nwuna bekyuli.

Baga 1 19:18

Nsu lídie Israelƒuɔ bekyuli mpim maatɛ bani nátalɛ akɔnkɔ bétete Baal iye bakya-nwu kɔgbu.”

Samuel 2 19:39

Ɔmmɔ ɔsu bekyuli bammɔ ƒui bávia Yordan Ketu, na ɔmmɔ kama Ɔga Dawid lɛnɔ ɔ́via. Na ka bávia ni, ɔga ɔ́kya Barsilai kɔgbu na úte-nwu kusɛ kusɛ, na Barsilai ɔ́sɔ únwini úsie ɔma.

Samuel 2 5:2

Na kukuuku ƒui uwi ɔni na Saul ɔdi bula ɔga ni, awɔ kani nákpanku bula Israelƒuɔ bekpone ésienku kekpokɔ. Na Unwoti ɔ́su-ɔ ɔnini, ‘Awɔ ndubo mina kadi bekyuli bɔda aani baƒonu ɔdane kalɛ, na awɔ ndubɔdi bana ɔga.’ ”

Samuel 1 24:6

Amu na ɔ́su nwuna bekpone ɔnini, “Unwoti utaya na ubo-nwu kemmo lɛni munu munu ka lɛbla lɛla lɛni na lise lɛni udu ku mina ɔga ɔni na Unwoti uwi-nwu lili nnɔmii iye ɔya na liti mina kɔnu lituku-nwu, ɔsika ɔdi Unwoti ukyuli ɔni na úwi nnɔmii lili.”

Samuel 1 13:14

Nsu ɔƒaani ni, ƒula lɛgadi lɛsɔ lilenye uwi ƒui. Ɔsika Unwoti ɔ́ɔƒuna ukyuli bamba ɔni na nwuna kayi kaayɔ́ ka ɔtɔnku nwuna kadi bekyuli. Ɔsika awɔ átadi nwuna ɔda bubo lɛlɔ.”

Samuel 1 8:19

Nsu ɔmɛni ƒui kama ni, bekyuli bammɔ béni na básu banini, “Oowo! Bɔɔwia ɔga bute lɛlɔ.

Samuel 1 8:9

Ɔƒaani ni, awɔ nu lɛla lɛni na baasu-ɔ. Mmomu tɛmiku-ma kpakplaa na aya na bati bese kalɛ na ukyuli ɔni ndubo-ma lɛlɔ bɔdi ɔdubo buse.”

Samuel 1 2:10

Na bani muukpóku Unwoti ni, ɔdubɔkɔ-ma lɛlɔ ɔvi na babwɛ kpɛtɛ kpɛtɛ. Na kayaa kadubɔbwɛ ogya kebewi-ma lɛlɔ. Unwoti ɔdubɔtɛku bayawine ƒui litemi utédu kalɔ kammɔ ƒui kawɔkɔ. Ɔga ɔni na úse ni, ɔdubɔkya-nwu ɔyikun na ɔya na nwuna lili lɛlɛ aani ebuo lise. Ɔsika anwu na úwi nnɔmii lili úse likpo.”

Israelƒuɔ Bɔlɛ 30:23

“Wia nnɔmii bɔni nse kede kede lɛkyami linwi ku ala ani muunwenyi ƒɛƒɛɛ te ukyuli ɔni ngyi bɔsala kabla kaduɛ, na uti mira ɔɔƒɛɛ unwi ku sinamon ɔɔƒɛɛ kakɛ ku kalamus ɔɔƒɛɛ kakɛ ku kasia ɔɔƒɛɛ unwi ɔsala-mu. Nnɔmii bɔmɛni bɔdubɔbla likposela nnɔmii sɛsɛɛ.

Samuel 1 9:27

Bésie bétédu ɔma kabanye. Na mmɔ ni, Samuel ɔ́su Saul ɔnini, “Su ƒula kabla ɔblane na ɔgyu utaatɔ-bu anumi blii.” Saul lɛnɔ ɔ́ya na nwuna kabla ɔblane ɔ́ti na ɔ́gyu ɔ́tɔ sɔsɔ. Amu na Samuel ɔ́su Saul ɔnini, “Kywɛ-mi blii na lɛsu-ɔ lɛla lɛni na Katɔti ɔ́su-mi ɔ́siku-ɔ lɛlɔ.”

Samuel 1 12:3

Na bɛɛnu kalɛ na nnye-mii anumi ɔmwi. Na ɔni na bunye Unwoti ku bina ɔga ɔƒunadi anumi mɛni ni, ɔdi ɔdubɔkana na udie ɔtina likpidi lɛni na lɛ́bla-nwu? Bina akɔ ɔmani ɔmantɛ akɔ iye ebuo ala utine na líƒie lɛ́ƒɔ? Munuu ɔdi ɔkya-mii akɔ ɔni na lɛ́nya-nwu lɛ́kya na ulu ɔdi lɛlɔ? Iye ni, líti etila adi lɛ́sia ɔdi lɛlɔ? Iye lɛ́bɛ lɛ́ƒɔ lɛla lɛdi lɛ́siku ɔdi kudɔ lɛ́di, na lɛ́du ɔbambadi kalala kɔtɔ na líte anwu ubo? Na si ɔdi ɔ́kana na údie kenye ka ala amɛni ɔdi use lɛni ni, bɛsu bɛlɛku na lɛƒɔ kayu kammɔ na lɛla lɛmmɔ lili.”

Samuel 1 15:1

Na uwi ɔmmɔ kemmo ni, Samuel ɔ́su Saul ɔnini, “Ami na Unwoti ɔ́tala na ḿbese-ɔ likpo na énwini ɔga éte mina kadi bekyuli Israelƒuɔ. Na ɔƒaani ni, nu kenye kani nási Unwoti kudɔ.

Samuel 1 16:1

Na uwi ɔmmɔ kemmo ni, Unwoti úye Samuel ɔnini, “Uwi ɛlɛ na adubo bulie buteewulo kɔnyana na Saul lɛlɔ butálɛ? Líni nnii ɔsɔ utadi lɛga na Israel. Ta na eyile ƒula lise ku nnɔmii na ayu ulu eteesie Betlehem ɔma kemmo na ɔnana ɔni baalɔ banii Yisai kesii. Nwuna bebi akɔ na lɛ́ɛƒuna ukyuli ɔni madi mina ɔga líse.”

Samuel 1 26:9

Nsu Dawid ɔ́su Abisai ɔnini, “Tadu-nwu! Ɔsika ukyuli biala madu ɔga ɔni na Unwoti ɔlati ɔ́ƒuna ni, Unwoti ɔmmɔ ɔdubo-nwu kɔtu bɔni.”

Samuel 2 1:14

Dawid úye-nwu ɔnini, “Bi ɔsu na átayia ka adu ukyuli ɔni na Unwoti úwi-nwu lili nnɔmii?”

Baga 1 1:34

Na mmɔ ni, bɛya ɔkpane Sadok ku Kenye Udiene Natan bewi-nwu lili nnɔmii na bese-nwu likpo ka anwu ndi Israelƒuɔ ɔga. Na bavwi kɔkpɛɛ na bebo kudu momoomo basu banii, ‘Ɔga Salomo ulie ngba gyɔlɔɔ!’

Esekiel 16:13

Na ƒula asɛɛ ebi adi sika ugyiedi ku ɔƒualadi sɔɔn. Na linwo lɛbunidi ƒui na béti bédi ƒula adala na béti adi kpɛtɛ kpɛtɛ ani muukeye na adia geen bekpo-nya atu. Ɔlaaƒɔ ɔbuni ƒui na béti béƒi ƒula bodobodo. Na uwɔ ku nnɔ ala na aadi na aadia bɔnu geen aani uleku ɔga.

Samuel 1 15:17

Mmɔ na Samuel úsie anumi ɔnini, “Uwi ɔni na awɔ ɔlati muedi átanu tɔ lɛlɔ átati ka adi lɛla lɛdi ni, Unwoti úse-ɔ likpo na énwini ɔga na Israel kadi bekyuli adua pii ammɔ ƒui lɛlɔ.

Samuel 2 20:19

Abu ndanku keyi buɛɛ na bɔɔdi litemi lɛlɔ siin na Israel kalɔ kemodi lɛlɔ. Nsu awɔ aawia ka ebile ɔma unengudi ɔni ndi Israelƒuɔ ƒui uni. Bi ɔsu na aayɔ́ ka ebile lɛla lɛni ndi Unwoti kese?”

Baga 2 9:12

Amu na bekyuli bammɔ bedie kenye banini, “Oowo, bɔɔɔgyi! Su-bu lɛla lɛni na úbasu-ɔ ɛ-ɛ!” Amu na Yehu ɔ́su-ma ɔnini, “Unwoti uubó-mi lɛlɔ kudu ka úwi-mi nnɔmii lili ka línwini Israelƒuɔ ɔga.”