Samuel 1 1:9 - Katɔti Ɔku Kedee

⁹ Limeyi lɛdi ka bésie Silo mmɔ na báwɔlɔ bɔdi ku bɔni ni, Hana ɔ́ta únye. Na uwi ɔmmɔ ni, Katɔti Ɔkpane Eli ulie kalɔ na kakpakɔ kayakun kenye, na liboku lɛdi lɛlɔ.

Samuel 1 1:9 Referans Kwoze

Samuel 1 3:3

Na ka Samuel ɔ́wɔlɔ nwuna kabla ni, ɔ́yu ɔ́tɛ ɔnii utaalɛɛ na kakpakɔ mmɔ kesii kani na Unwoti Bunyimi Adaka ɔmmɔ ɔlɛ kudɔ na asogya ɔma ɔɔda.

Kɔgya 27:4

Mmomu lɛla linwi pɛ kani na muuvele mina Unwoti kpakplaa nnii ɔya na lɛkɛ keliekɔ na nwuna ɔtɔ kemmo. Na lɛsɔ lilie mmɔ mina ngba emeyi ƒui kemmo na ntaanu Unwoti bɔdia na nteevele-nwu kasusu taasiku nwuna kakpakɔ mmɔ.

Kɔgya 5:7

Nsu ami ni, Ati, ɔ́si bɔyɔ bɔni na aayɔ́-mi geen ɔsu ni, ndubɔkana na liduo lisie ƒula ɔtɔ kemmo na liboku lɛlɔ kalɔ lite-ɔ ku ɔbu. Na ndubɔkana na lɛ́kpa-a na ƒula kakpakɔ kedee mmɔ.

Samuel 2 7:2

Ɔmmɔ kama ni, ɔ́su Katɔti Kenye Udiene Natan ɔnini, “Ami nli ɔga lɛgbanya lɛni na béti egyii ani na áƒɔ kuye geen bátu. Nsu Unwoti Bunyimi Adaka ɔmmɔ anwu ɔlɛ kevo kemmo.”

Samuel 1 3:15

Nwuna kama ni, Samuel úsie útátɛ ɔ́lɛɛ laa na kadi kegye asa na ɔ́ta ɔ́lɛmi kakpakɔ mmɔ. Na lɛla lɛni na Unwoti údie ɔ́tina-nwu ni, ɔɔyia ka udie-ni ɔsu Eli.

Kɔgya 29:9

Unwoti lɛdi lɛɛyá egyii enengudi ammɔ eelii lɛlɔ na evete eewile-nya eli ƒui na lɛku lɛ́bla ƒue. Na bani ƒui nkya nwuna ɔtɔ mmɔ beemwi kalɛ na úbomo na uukeye.

Israelƒuɔ Bɔlɛ 21:6

na nwuna unwoti ɔkpanku-nwu usienku Katɔti kakpakɔ na Katɔti anumi, na ɔya na uténye kakpakɔ kammɔ kayakun iye nwuna kayakun ugyii lɛlɔ na baƒuaala-nwu kɔtu. Na ɔ́si ɔmmɔ kama ɔdubɔbla ukyuli ɔni ndubutaabla kabla teete-ɔ nwuna akwa ƒui.

Samuel 1 1:10

Mmɔ ni, Hana ɔ́nu lɛlɔ na nwuna lɛlɔ lɛ́bla-nwu kɔnyana na úse kalɔ uuwulo na ɔɔkpali Katɔti ku keku.

Samuel 1 4:13

Na ka ɔ́da úbalɛ ni, Eli uli nwuna liboku lɛlɔ na ulu kɔtu ɔɔnu ulu, ɔsika Katɔti Bunyimi Adaka ɔmmɔ lɛlɔ kani na nwuna anu asia. Ɔƒɛni ka ɔnana ɔmmɔ úduo ɔma kemmo na ɔ́su bekyuli lɛla lɛni nálɛ ni, ɔma ɔmmɔ ƒui lɛsɛ ku kɔvanu kani nda.