Samuel 1 1:2 - Katɔti Ɔku Kedee

² Elkana úti beleku inyɔ. Unwi baalɔ Hana na unyɔdi baalɔ Penina. Na Penina ubo bebi, nsu Hana ɔdi udinkɔ.

Samuel 1 1:2 Referans Kwoze

Luka 1:7

Bekyuli bamɛni beeebo bebi badi, ɔsika Elisabet ɔdi udinkɔ. Na bana inyɔ lɛnɔ báabi lɛlɔ.

Mateo 19:8

Yesu údie kenye ɔnini, “Mose úte-mii kuƒi ɔnii bɛnyonu bina beleku na bina atu ɔkplu ɔsu. Nsu ɔ́si kalɔ kesekɔ ni, na uuuse lɛni.

Litemi Batɛne 13:2

Na okloƒu ɔdi ɔ́kya na ɔ́si Sora na ɔ́si Dan kɔdua kemmo na baalɔ-nwu banii Manoa, na ulekudi ɔdi udinkɔ.

Litemi Batɛne 8:30

Gideon úbo bebi bananabi liti ku aavlanyɔ, ɔsika úti beleku pii.

Ala Kalɔ Buse 29:31

Ka Unwoti Katɔti ɔ́nu ka Yakob ulayɔ Lea kaduɛ ɔsu ni, ɔ́lɛmi-nwu kaƒɔ mmomu na anwu mɔɔwɔ. Na Rahel anwu uláwɔ.

Ala Kalɔ Buse 25:21

Na Rebeka ɔmɛni ni, ɔdi udinkɔ. Anwuɔsu ni, Isak ɔ́kpali Katɔti na nwuna lili na nwuna tawɔ tawɔ ɔsu. Na Unwoti Katɔti lɛnɔ únu-nwu bɔkpali na ɔ́ya na ulekudi Rebeka úbada kaƒɔ.

Ala Kalɔ Buse 4:23

Limeyi lɛdi ni, Lamek ɔ́su nwuna beleku ɔnini, “Ada ku Sila, bise atu! Mina beleku, binu lɛla lɛni na ndubo-mii bɔsu! Lɛ́du ukyuli ɔdi ka ɔ́wia ka ɔdu-mi ɔsu. Okloƒu na ɔdi na lɛ́du, ka ɔ́ƒiɔ-mi ɔsu.

Luka 2:36

Amu na uleku ɔdi ɔni ndi Katɔti kenye udiene ɔkya mmɔ na baalɔ-nwu banii Hana. Na nwuna ɔti Ƒanuel ɔ́si Aser kaba kemmo. Akwa maatɛ kani na úlie kɔgya asa na ɔgyani úkpi. Na ɔdi ukpinele ɔni na ɔ́ɔbi lɛlɔ geen. Ɔbla akwa liti ku avlaatɛ-ine sɔɔn mɛni. Uusié Yudaƒuɔ kakpakɔ mmɔ uwi ndi uwi teetémwi Katɔti usien ku ɔƒɛ na ɔɔkpali katɔ na uulie kɔka lɛnɔ.

Ala Kalɔ Buse 4:19

Lamek úti beleku inyɔ. Unwi baalɔ Ada, na unyɔdi baalɔ Sila.

Ala Kalɔ Buse 11:30

Ɔƒɛni Sarai ni, ɔdi udinkɔ na útawɔ kudii.