Samuel 1 1:10 - Katɔti Ɔku Kedee

¹⁰ Mmɔ ni, Hana ɔ́nu lɛlɔ na nwuna lɛlɔ lɛ́bla-nwu kɔnyana na úse kalɔ uuwulo na ɔɔkpali Katɔti ku keku.

Samuel 1 1:10 Referans Kwoze

Hiob 7:11

“Anwuɔsu na lɛɛɛdubo kenye bubile bɔsɔ bulie kpoo, mmomu ndubo-ɔ bɔkpali na lɛsu-ɔ ala ani muukpóku-mi.

Luka 22:44

Na ɔ́sɔ ɔ́kpali katɔ úbu kpakplaa ɔni na únu ɔlɛ geen. Na ewulu ani nátuku-nwu ese aani ubugya na eedú teewi kalɔ.

Hiob 10:1

“Unwoti, lɛ́ɛnɔ ku mina ngba ɔƒɛni amu. Anwuɔsu na mɔɔkpali-ɔ taasiku mina kayi kemmo ƒui, ɔsika lɛ́yila lɛnunsia biala.

Kɔgya 91:15

Na si lɛla lɛdi liikpóku-nwu na ɔ́kpali-mi ni, ndubunu na lidie-nwu na lɛya na ɔƒɔ lɛnyi.

Hebriƒuɔ 5:7

Uwi ɔni na Yesu úlie ngba na kayawi kamɛni lɛlɔ ni, ɔ́kpali katɔ úvele Katɔti ɔni kani ndubɔkana na udie-nwu na kukpi kemmo ku kɔvanu momoomo ku imii. Na Katɔti únu-nwu bɔkpali, ɔsika úboku lɛlɔ kalɔ úte-nwu na ɔɔbu-nwu ɔsu.

Yesaia 54:6

Bina ala álɛ uleku ɔkɔdi ɔni na ɔgyani údie ɔda na úduo kɔnyana, na uuwulo keku ka úni-nwu ɔsu. Nsu Unwoti bina Katɔti ɔnii ndubɔya na bɛsɔ binwini bibo!

Litemi Batɛne 21:2

Na bekyuli bani nésie Betel ni, bétélie Katɔti anumi na beewulo momoomo ɔ́si ɔtanta útédu useyi uwi taasu banini,

Kɔnyana Buwulo 3:15

Katɔti ɔ́ya na mina ngba búnwini ɔdu ɔdu búte-mi.

Yeremia 22:10

Unwoti ɔnini, “Bitewulo Ɔga Yosia ɔni nékpi kɔnyana iye keku. Mmomu biwulo ubidi Ɔga Yehoahas ɔni na béƒie bátɔlɔku bésienku kaƒɔ na ɔsɔ ɔɔɔdubo bunwini bubo.

Yesaia 38:15

Bi na mbo na masu ka Unwoti ɔlati nábla ɔmɛni. Bɔkɛ kani na ndubɔkɛ nteekpuulo ku ɔlɛ bunu wetédu mina kawɔlɔkɔ, na mina kɔnyana kɔmɛni ɔsu.

Kɔgya 50:15

Na si bɛ́bla ɔmɛni na bɛ́kpali-mi na ɔgbankpi ɔdi uwi ni, ndubɔtuna bute-mii, na bɛya na mina lɛnyi lɛƒɔ kuye.

Hiob 9:18

Ɔɔɔdubo-mi bɔnwuna bɔdi bute, mmomu lɛbibo lɛdubɔƒɔ-mi ngba ƒui ku ɔdu.

Baga 2 20:3

“Unwoti nyimo ka lɛ́bla ala siin na ulu lɛlɔ na ƒula anumi. Na líti mina kayi lɛnɔ lɛ́sia awɔ lɛti lɛlɔ. Na lɛ́kya ɔkplu ka lɛ́bla lɛla lɛni na aayɔ́.” Ɔmmɔ kama úsie kalɔ uuwulo momoomo.

Rut Keliela Ɔku 1:20

Amu na Naomi ɔ́su-ma ɔnini, “Bitalɔ-mi Naomi. Mmomu bɛlɔ-mi Mara, ɔsika Katɔti útaya na keyi kayɔku-mi.

Yeremia 13:17

Na si bɛ́talaku lɛlɔ katɔ na bítenu-nwu litemi ni, ami lɛti ndubo buwulo uwi ɔni na badubuti Katɔti bekyuli batɔlɔku aani bekyuli batɔntɛne.

Samuel 2 13:36

Ka ɔ́wɔlɔ bɔtɛmi kani na baga bebi bammɔ béduo kaduli ku keku momoomo. Lɛni kani na ɔga ku nwuna kaduli bekyuli ƒui beewulo geen na kalɛ na lɛla lɛmmɔ liikpóku-ma ɔsu.

Ala Kalɔ Buse 50:10

Ka bédu ɔma ɔni baalɔ Atad na Yordan kudɔ na kesii kani bákwaa bésie na beewiile edula ni, béwulo momoomo geen. Na mmɔ ni, Yoseƒ ɔ́sɔ ɔ́bla ukpine buwulo ɔdi emeyi maatɛ úte ɔti.

Samuel 2 17:8

Ɔsika agyi ka ƒ'ɔti ku nwuna bekyuli badi bekpone geen na bebo ogya aani eƒiebuo ɔni na béƒie-nwu bebi. Na ɔni ntulo ndi ka ƒ'ɔti ɔgyi kekpo kɔkwɛ geen, Na ulakya bekpone bammɔ akɔ usien ɔmɛni.

Samuel 1 1:9

Limeyi lɛdi ka bésie Silo mmɔ na báwɔlɔ bɔdi ku bɔni ni, Hana ɔ́ta únye. Na uwi ɔmmɔ ni, Katɔti Ɔkpane Eli ulie kalɔ na kakpakɔ kayakun kenye, na liboku lɛdi lɛlɔ.

Samuel 1 1:11

Amu na ɔ́kpali ala úse kenye ɔnini, “O Unwoti Ɔyikune Ƒui, ƒula kabla ɔblane na ndi, nsu mina lɛlɔ libo kɔnyana. Taya na kɔnyana kɔdu-mi. Kɛ te-mi ubi ɔnanabi unwi pɛ na lɛwɔ. Na si énu-mi bɔkpali na ábla éte-mi lɛni ni, ndubɔsɔku ubi ɔmmɔ lite-ɔ kusɛ kusɛ nwuna ngba emeyi ƒui. Na ukyuli ɔdi ulékulo-nwu linwini kudii.”

Agba 14:10

Ukyuli biala ku kalɛ na lɛla lɛdi liikpóku-nwu kayi. Na ukyuli uláti kalɛ geen na lɛlɔ lɛɛyɔ́ ukyuli bamba na nwuna kayi kemmo.

Ala Kalɔ Buse 30:1

Ka Rahel ɔ́nu ka ɔɔɔdaku bebi badi bɔwɔ teete Yakob ni, úbo uukpóku ɔnwani Lea kogyulo. Anwuɔsu útásu Yakob ɔnini, “Te-mi bebi na lɛwɔ, amu ndubo bukpi!”