Sakaria 9:8 - Katɔti Ɔku Kedee

⁸ Katɔti ɔnini, “Ndubo lɛlɔ bɔklibi buse na lɛgyumana mina kakpakɔ na bekyuli bani muubo banii bebekpo babwɛ ɔtɔ ɔmmɔ ɔsu. Ngyi ala ani ƒui mɔɔlɛ́, na nsɔ lɛɛɛdubo kuƒi bute na ɔdi ubabla mina kadi bekyuli kalala kadi lɛnɔ.”

Sakaria 9:8 Referans Kwoze

Yesaia 54:14

Ndubɔya na bɛbla bekyuli bani nse siin, na baabla lɛla biala taasiaku ulu lɛlɔ, na bilie kalɔ kpi ɔni na bɛsɔ biláyia lɛla lɛdi, na ala ani muukpóku-mii ƒui adubusie kama ƒui na bina kudɔ.

Yesaia 60:18

Na basɔ belénu kekpo ku ala bubile kɔku na ƒula liku. Na ndubo-mii bɔgyumana aani kalɛ na awodu aaka taamana lɛla lɛdi na bimwi-mi ka lɛ́ƒɔ-mii ngba ɔsu.

Yesaia 52:1

Yerusalem, ta nye! Sion ɔma kedee, nye lɛgba lɛlɔ kpakplaa na ada lɛlɔ ku ƒula adala abuni ƒui. Ɔsika baƒɔ bani nébo bébebile ɔma kedee ɔmmɔ kemmo basɔ baaadubo keliekɔ kadi bɔkɛ na ƒula kemmo ɔƒɛni amu.

Yeremia 31:12

Mina bekyuli badubo-mi kudɔ na Sion Kɔbi lɛlɔ na babadi limeyi na bana anumi ekeye, ɔsika ndubute-ma kusɛ kusɛ. Na ndubute-ma antabi ku egyiibi ku nnɔ. Na lite-ma baƒonu ku ɔmantɛ bakɔ. Ala adubo-ma bɔdianku na balɛ lili aani kemo kani edula nákɛ ntu kaduɛ.

Amos 9:15

Ndubɔya na bidie lidu bisie ɔgyu aani kugyii kalɛ na bina kalɔ kani kemmo na bilie, na ɔdi ɔsɔ ulágyu-mii uledie bina kenyekɔ. Ami Unwoti Katɔti násu!”

Esekiel 39:29

Nsɔ lɛɛɛdubo kama bunwini bɔkya mina kadi bekyuli Israelƒuɔ kudii, na mina Kɔyu kɔdubo bulieku-ma. Ami Unwoti násu.”

Yesaia 52:12

Bitasu bɛnii biikeli, ɔsika ukyuli ɔdi ɔɔɔdubo-mii kama bɔsia. Israel Unwoti Katɔti ɔlati ɔdubo-mii bɔtɔnku na ɔgyumana-mii anumi ku kama ƒui ɔsiku bina bekisine bukpoku biala kudɔ.

Yesaia 31:5

Kalɛ na aasɛ uuveyi taaka taamana nwuna lɛyu taagyumana nwuna bebi ni, lɛni kani na ami Unwoti Ɔyikune Ƒui ndubo Yerusalem bɔgyumana na lidie-nwu.”

Kɔgya 72:4

Na unye kpakplaa ute bawabane na ubunku bani mɔɔyaki ala na ɔyila bani mɔɔnya bekyuli taakya ulikplu kemmo udu!

Kɔgya 34:7

Unwoti ɔtu ɔɔnu taamana bekyuli bani mɔɔyia Unwoti na uudie-ma.

Samuel 2 16:12

Ɔƒɛni kalɛ Unwoti ɔdubɔnu-mina lɛbibo na uti lɛbuni ɔƒɔ-mi kayu na ewida ammɔ kenye.”

Israelƒuɔ Bɔlɛ 3:9

Geen ni, línu keku kani na Israelƒuɔ beewulo na mɔɔnu kalɛ na Egyipteƒuɔ benye-ma lɛlɔ na baanya-ma taakya.

Budie Taatina 20:9

Otogyi ɔmɛni ɔkɛ ɔɔví kalɔ kammɔ ƒui lɛlɔ. Na úbo úbaka ɔ́mana ɔma ɔni na Katɔti ɔɔyɔ́ na nwuna bekyuli kedee belie-nwu kemmo mmɔ. Nsu ogya ɔ́si katɔ na úbo úbakyula-ma ƒui.

Batalane Kabla 7:34

Sɔsɔ ni, lɛ́nu lɛbibo lɛni kemmo na mina bekyuli bakya na Egyipte kalɔ lɛlɔ. Na muunú bana keku kani na beewulo taakpali-mi. Anwuɔsu lɛ́yu líbo nnii medie-ma. Bo, na lɛtala-a Egyipte.’

Sakaria 14:11

Na Yerusalem ɔdubunye kpakplaa na lɛla lɛdi lilétuku-nwu iye bebile lɛla lɛdi na mmɔ.

Sakaria 12:8

Ami Unwoti Katɔti ndubo Yerusalem bɔgyumana na ukyuli ɔni na use kpɛtɛ kpɛtɛ utulo ƒui muedi ni, ɔdubɔyu ɔkplu aani Dawid. Na Dawid ɔmmɔ ɔlati lɛga kadikɔ kadubɔbla aani si ami ɔlati mina ɔtu mɔɔdi kalɔ kammɔ lɛlɔ.

Yeremia 46:13

Uwi ɔni na Babilonƒuɔ Ɔga Nebukadnesar ɔkɛ ulu ka ubekpo Egyipteƒuɔ ni, Unwoti úbo-mi ɔda kpakplaa ɔdi ɔkɛnku Egyipte ɔma biala lɛlɔ, na bani ɔdi ntulo ƒui ndi Migdol ku Mimƒie ku Taƒanes lɛma lɛlɔ. Na ɔ́su-mi ɔnii nsu-ma ɔnini, “Bɛklibi lɛlɔ na binye kagyumana bite lɛlɔ! Bukpi kani na bekyuli beekpi na bina kalɔ kammɔ lɛlɔ kesii biala na kekpokɔ.

Yeremia 46:2

Uwi ɔni na Yehoiakim ɔɔdi lɛga na Yuda lɛkwa linedi kemmo ni, Babilonƒuɔ Ɔga Nebukadnesar ɔ́di Egyipteƒuɔ ɔga ɔni baalɔ Neko lɛlɔ na kekpokɔ na ɔma unengudi ɔni baalɔ Karkemis na mmɔ ude Euƒrate Ketu. Na lɛla lɛni na Unwoti ɔ́su-mi ɔnii nsu nsiku Egyipteƒuɔ bekpone lɛlɔ na bɛdubo bunu mɛni.

Yesaia 26:1

1Na limeyi lɛmmɔ lɛlɔ ni, badubɔtu kɔgya kɔmɛni na Yuda badubɔtu ɔnu bedie banini, “Ɔƒɛni amu bɔ́kɛ kagyumanakɔ ɔma unengudi kpakplaa. Na Katɔti ɔ́ya na awodu ku awodu akpa ani náka ámana-nwu adi ngba bɔƒɔ.

Yesaia 4:5

Na ɔmmɔ kama ni, Unwoti ɔdubɔya na liƒlukutu bonwu lɛdi lɛƒɔ Yerusalem ku bani ƒui na básala lɛlɔ na mmɔ na limeyi kemmo. Na usien ni, na ogya bonwu ɔdi utaada teekeye teewi kalɔ kammɔ ƒui lɛlɔ. Na Unwoti bukeye bubi-ma eli aani lɛkpɔtɔ.

Baga 2 24:1

Uwi ɔni na Yehoiakim ɔɔdi lɛga ni, Ɔga Nebukadnesar ɔni nási Babilon útáka Yuda ɔ́kya. Na únye Ɔga Yehoiakim lɛlɔ akwa atɛ sɔɔn na ɔɔƒɔ lɛlɔ bɔdi kayu teete-nwu. Na akwa atɛ amɛni kama ni, Ɔga Yehoiakim ɔ́ta únye ɔda bubo bɔmmɔ lɛlɔ.

Baga 2 23:29

Uwi ɔni Yosia ɔɔdi lɛga ni, Egyipteƒuɔ ɔga ɔ́kpanku nwuna bekpone na béténye Euƒrate Ketudɔ ka ubunku Asiriaƒuɔ ɔga kekpo. Na Ɔga Yosia ɔ́kya ɔkplu ka unye utile Egyipteƒuɔ bekpone bammɔ na Megido. Nsu úkpi na kekpo kammɔ kemmo.

Israelƒuɔ Bɔlɛ 3:7

Amu na Unwoti ɔ́su Mose ɔnini, “Lɛ́nu kalɛ na Egyipteƒuɔ bakya baanya Israelƒuɔ taakya ku kalɛ báya na beebó abi. Na muunú bana keku kani beewulo taawia ukyuli ɔni mekpo maƒɔ-ma malɛku bana lɛbibo kemmo.

Sakaria 9:7

Na Ƒilistiƒuɔ basɔ baaadubo lɛna ku ubugya bɔkun iye adila bamba ani muusé lɛlɔ. Mmomu badubunwini Yuda kakɛ kadi na basɔ balakun lɛna ku ubugya. Ama lɛnɔ badubunwini bula Katɔti bekyuli aani kɔdua na Yuda adua akladi akɔ. Na Katɔti ɔdubɔƒɔ Ekron ɔma bekyuli aani kalɛ na ɔ́bla Yebusiƒuɔ.

Baga 2 19:34

Na ndubɔgyumana na likpo lɛƒɔ ɔma ɔmmɔ, na mina lɛnyi ku mina kabla ɔblane Dawid ɔsu.’ ”

Agba 3:25

Tayia ɔgbankpi ɔni muuyú bekyuli taatu iye ala ani muubieku balalane.

Sakaria 12:4

Na ndubɔya na ɔtɔtɔ ɔgyu ɔpɔnkɔ biala na bana beliene lɛnɔ beƒu. Nsu na uwi ɔmmɔ kani lɛlɔ ni, ndubo Yuda lɛlɔ butaanu. Na ndubɔya na bekisine bammɔ bapɔnkɔ anumi abwɛ na basɔ balakana bɔnu.