Sakaria 9:5 - Katɔti Ɔku Kedee

⁵ Na Askelon ku Gasa lɛma ƒui litaatɔ kpakpaakpa na liƒu ɔsu. Na Ekron anwu ɔyila lɛnunsia biala. Badubɔdu Gasa ɔga na bayila Askelon bekyuli ƒui udu.

Sakaria 9:5 Referans Kwoze

Batalane Kabla 8:26

Nsu Ƒilipo anwu ni, Katɔti ɔtu ɔdi úbasu-nwu ɔnini, “Teesie na atásia ketele ulu ɔni nási Yerusalem ɔ́yu úsie Gasa mmɔ.”

Yeremia 47:1

Asa na Egyipteƒuɔ ɔga ɔdubukpo Gasa ɔma ni, Unwoti ɔ́su-mi ɔnii nsu Ƒilistiƒuɔ ɔnini,

Ƒilipiƒuɔ 1:20

Na lɛla lɛni mɔɔwia na mina anu lɛnɔ asia kpakplaa ndi ka kabla kani mɔɔbla mɛni ni, kɔƒa kulekpo-mi. Mmomu na uwi biala kemmo ku ɔƒɛni muedi ni, lɛkya ɔkplu na liti bumwi lite Kristo na mina ngba bulie ƒui kemmo. Si ina nli ngba iye líkpi.

Romaƒuɔ 5:5

Na lɛnunsia lɛmɛni liláya bula anumi ewi kalɔ. Ɔsika Katɔti ɔkɛnku nwuna Kɔyu kɔni na úte-bu lɛlɔ na ɔ́ya na nwuna bɔyɔ bɔ́ƒɔ-bu lɛlɔ kemmo ƒui.

Yoel 3:4

“Amii Tiro ku Sidon kadi bekyuli ku Ƒilistiƒuɔ, bi ɔsu na bɛɛkɔ́ku-mi na bɛɛbla ala amɛni udu, munuu lɛla lɛdi na lɛ́bla-mii na biidie-mi kasi? Bɔdubo bɔnu ɔni muudie ɔkpanadi kasi.

Amos 1:8

Na lɛyila Asdod ɔma udu ku Askelon ɔga na lɛdu Ekronƒuɔ na Ƒilistiƒuɔ ɔdi ɔ́sa. Ami Unwoti násu!”

Sakaria 9:4

Na ɔƒaani ni, Unwoti ɔdubɔni Tiro kɔtu na ɔya na kɔwaba kuƒie-nwu. Nwuna lɛkɔlɔ libendi lɛdubɔnu ntu na lɛdi lɛnɔ lɛda ogya.

Sakaria 9:6

Baƒɔ bebi badubɔsi ekpo ekpo bebeti Asdod ɔma ɔmmɔ benwini ama ɔdi. Na Unwoti ɔlati ɔdubukpeli Ƒilisti ubo na nwuna lɛlɔ katɔ bɔtalaku ɔsu.

Yesaia 14:28

Lɛkwa lɛni na Ɔga Ahas úkpi ni, anwu na Unwoti úti kenye kamɛni úte-mi.

Amos 1:6

Unwoti ɔ́sɔ ɔ́su ɔnini, “Ndubo Gasaƒuɔ kɔtu bɔni na bana ekpidi pii ɔsu na lɛɛɛdubo mina kasusu bɔvumana. Bétiku mina bekyuli ɔ́si ɔma útédu ɔma na béti-ma béye béte Edomƒuɔ aani bana kabla bablane.