Sakaria 9:10 - Katɔti Ɔku Kedee

¹⁰ Ami, Unwoti, ndubɔda kekpo kɛɛkɛ ku bana bapɔnkɔ lɛlɛku Israel kalɔ lɛlɔ. Na kɔtaminta kɔni na bényimi bése béte kekpo ni, ndubɔƒɛ-ku ƒui. Ndubuti keyi buɛɛ liboku kadi bekyuli. Na ƒula ɔga ɔdubɔdi lɛlɔ ɔ́si ɛpu ɔvi unwi úsie ɔvi ɔkladi. Na nwuna lɛga kadikɔ kadubɔsi Euƒrate Ketu bonwu kɔtu na kavia kalɔ ƒui lɛlɔ.

Sakaria 9:10 Referans Kwoze

Hosea 2:18

Na ndubɔtuna na ulie ku keyi buɛɛ. Na beƒiebuo ku baasɛ bekpidi basɔ baaadubo-nwu bukpoku iye badi basɔ bata ku ekpola bebekpoku-nwu lɛnɔ.

Hosea 1:7

Nsu ami ndi Yudaƒuɔ Unwoti Katɔti na ndubɔnu-ma kɔnyana na ndubudie-ma na libunku-ma ɔkɛnku ami ɔlati ɔyikun kemmo. Na ɔɔɔdi kekpo na badubo bukpo iye kɔtaminta iye kuwii kɔni na bekyuli bani muulie bapɔnkɔ lɛlɔ badubɔtu bekyuli ɔsu.”

Budie Taatina 11:15

Ɔmmɔ kama ni, Katɔti ɔtu maatɛdi ɔ́vwi nwuna kakpɛɛ. Na línu ka bekyuli pii báva na katɔ mmɔ básu banini, “Kayawi lɛga kadikɔ ƒui kénwini bula Unwoti Katɔti ku nwuna Ukyuli Ɔƒunadi kadi! Na ɔdubo lɛlɔ bɔdi ɔ́si ɔƒɛni úsela ƒui!”

Mika 5:4

Na lɛlɔ ɔdine ɔmɛni ɔdubɔtɔnku nwuna bekyuli ɔkɛnku Unwoti nwuna Katɔti ɔni lɛnyi muukeye lɛlɔ. Na ɔdubɔnu-ma lɛlɔ aani kalɛ na baƒonu ɔdane ɔɔnu nwuna baƒonu lɛlɔ. Na nwuna bekyuli badubulie ku atu bɔyɔ, na lɛla lɛdi lilékpoku-ma. Na kayawi kadi bekyuli ƒui badubɔnu kalɛ geen na úbomo.

Yesaia 60:12

Na lɛga kadikɔ iye kadi bani néni banii balakya-mii kalɔ na babla-mii kabla ni, badubɔyii udu na ɔdi ɔsɔ ulénu-ma kɔku.

Yesaia 49:6

Unwoti ɔ́su-mi ɔnini, “Ndubo-ɔ kabla kenengudi kɔnu bɔkya butulo ka akpanku Yakob adua ammɔ ƒui ku Israelƒuɔ bani nébu eboku-mi kani. Mmomu ndubɔbla-a na enwini bukeye ete kadi bamba bekyuli ƒui kalɛ na bayawine ƒui bakɛ ngba bɔƒɔ.”

Korintoƒuɔ 2 5:20

Na abu nnye Kristo kenye. Na Katɔti ɔlati nkɛ-bu lɛlɔ na ɔɔsu-mii lɛla lɛni geen na ɔɔwia taasiku-mii kudɔ. Ɔmɛni ɔsu bunye Kristo kenyekɔ buuvele-mii bɔnii bɛya na Katɔti ɔklibi amii ku-nwu ntɛ.

Korintoƒuɔ 2 5:18

Katɔti nábla ala amɛni ƒui. Na údie lɛla lɛni nébile abu ku-nwu ntɛ kalɛ na bɔblaku-nwu unwi ɔkɛnku Kristo lɛlɔ. Na anwu kani néti kabla kamɛni ɔ́kya-bu enu kemmo ɔnii bɔkpanku bekyuli bamba buboku na ɔklibi ama ku-nwu ntɛ.

Batalane Kabla 10:36

Lɛ́ƒɔ lɛ́di ka bínu litemi buni lɛni na básu béte Israelƒuɔ ka ni, ɔkɛ Yesu Kristo lɛlɔ ni, badubɔkɛ keyi buɛɛ. Na anwu ndi Ukyuli Ɔƒunadi ɔni lɛnɔ ndi bayawine ƒui Ɔti.

Hagai 2:22

Ndubo lɛga kɔdikɔ agaboku ammɔ budi bubo na lɛbwɛ kadi bakyuli bammɔ lɛga kɔdikɔ kɔmmɔ ƒui. Na lɛtu bana bapɔnkɔ kɛɛkɛ lɛmmɔ libi kalɔ na bapɔnkɔ bammɔ ku bana beliene bammɔ betébi kalɔ ɔni na ama alati ndubo bana banwa banwa lɛlɔ kuwii bɔtu bɔdu.’

Yesaia 11:10

Na limeyi lɛmmɔ lɛlɔ ni, Yese kugyii ugyiitu ɔdubɔlɛ unye aani ngba bɔƒɔ aƒlaga ute kayawi bekyuli ƒui. Na kadi ƒui bekyuli badubukeli bebo-nwu kudɔ na kesii kani na uli, ɔsika mmɔ kadubɔbla kesii kani muukeye na bekyuli baakɛ́ bɔnwuna.

Kɔgya 72:17

Ya na ƒula ɔga ɔƒɔ lɛnyi na lisie ɔgyu lɛkya bekyuli akɔ uwi ƒui kalɛ kani na ɔƒɛ ɔɔtu teekeye. Ala atɛnku kadi ƒui bekyuli na beteete ɔga kusɛ kusɛ.

Kɔgya 72:3

Ya na kalɔ kammɔ ƒui ku abi ammɔ adia edula ete ƒula kadi bekyuli na ɔtina kalɛ na ƒula ɔga ku bekyuli bammɔ baabla ala siin.

Lɛkpa Ulu 11:24

Na kesi kesii na bina lɛgba lɛɛnya ni, kalɔ kammɔ kadubɔbla bina kadi ɔ́si kalɔ kakwiidi kemmo na kada kakɛ úti útédu Lebanon na katɔ kakɛ na ɔ́si Euƒrate Ketudɔ na ɔƒɛ katukɔ úti utédu Mediterenia Ɛpu na ɔƒɛ kanukɔ.

Baga 1 4:21

Na Salomo ɔ́di kɔlɔ kɔmmɔ ƒui lɛlɔ. Ɔ́si Euƒrate Ketu ɔkɛ Ƒilisti útédu Egyipteƒuɔ ɔmii. Na kɔlɔ kɔmmɔ bekyuli beeyi kuyi teete Ɔga Salomo. Na bákya-nwu kalɔ nwuna ngba bulie uwi ƒui.

Kɔgya 85:8

Ndubuse atu na linu lɛla lɛni na Unwoti Katɔti ubo na wasu-mi. Ɔsika ɔ́su úse ka ɔdubute nwuna kadi bekyuli keyi buɛɛ si bátasɔ bétenwini bétesie bana kɔdɔlɔ ngba bulie kemmo.

Yesaia 2:4

Na Unwoti ɔdubɔtɛ litemi na ɔklibi kadi ku kadi unyeƒi ɔni nkya-ma ntɛ. Na bana kuwii ƒui ni, ama alati badubuti-ku bakywɛ anwami bonwu ani muunwíni kalɔ. Na beti bana atula bakywɛ asaaka. Na kadi ku kadi basɔ balata kekpo, na basɔ balatumini bekyuli belete kekpo lɛnɔ.

Mika 4:8

Sion Kɔbi na Yerusalem, awɔ ndi mina bekyuli lɛlɔ ɔnune na adubɔsɔ adi lɛga na mina bekyuli lɛlɔ.

Kɔgya 89:26

Ɔdubɔkpali-mi na ɔsu ɔnini, ‘Awɔ ndi mina Ati ku Katɔti, ɔni ndi mina lɛtakpɛ lɛni mɔɔyá na mɔɔkɛ́ ngba bɔƒɔ.’

Hosea 2:20

Na lɛɛɛdubo mina litemi kama bɔlɛ kudii. Na ɔmmɔ ɔdubɔya na ɔnu ami nwuna Unwoti ɔti.

Mika 5:9

Bekisine bamɛni balakana lɛlɔ bɔnwanɛ ulu biala lɛlɔ, mmomu badubɔyila-ma udu ƒui kede kede.