Sakaria 8:9 - Katɔti Ɔku Kedee

⁹ “Na enu ataƒɛ-mii, ɔsika Unwoti Ɔyikune Ƒui na ndi. Bɛbla kasusu bɛsiku etemila ani na mina kenye bediene básu-mii uwi ɔni na baakya mina kakpakɔ kowodu kalɔ ɔka.

Sakaria 8:9 Referans Kwoze

Yesaia 35:4

Na bɛsu bani na ɔtɔtɔ ɔɔgyú-ma bɛnini, “Bise kayi na bɛda bɔyia bɛya, ɔsika bina Katɔti ɔdubo na ubedie-mii na udie bina bekisine kasi ute-mii.”

Hagai 2:21

“Su aban ɔgadine unengudi Serubabel ku ɔkpane unegudi Yosua anini, ‘Ndubo katɔ ku kalɔ kammɔ bɔkunku.

Ala Alɛdi 1 22:13

Si ádi ɔda bubo bɔni na Unwoti úte Mose lɛlɔ ni, ala adubɔtɛ ete-ɔ. Nye kpakplaa na akya kayi na taya na enu áƒɛ-ɔ uwi ɔdi iye ayia lɛla lɛdi lɛnɔ.

Timoteo 2 2:1

Na awɔ, mina ubi, kya ɔkplu na bula unwi bɔbla ku Kristo na nwuna lɛƒɔndia lɛni na ubo ute-bu kemmo.

Eƒesoƒuɔ 6:10

Na kawɔlɔkɔ ni, bɛya na Katɔti ɔyikun ɔkya-mii ɔkplu.

Sakaria 8:18

Unwoti Ɔyikune Ƒui ɔ́su-mi ka nsu-mii nnini,

Sakaria 8:13

Amii Yuda ku Israel kadi bekyuli, bínwini lɛla lɛni na beewida taakya kadi ƒui bekyuli banii ɔdubɔlɛku-ma aani amii. Nsu ndubɔƒɔ-mii na binwini kusɛ kusɛ bite-ma ɔƒɛni amu. Anwuɔsu bitayila bina lɛnunsia na enu aƒɛ-mii.

Hagai 1:12

Ɔmmɔ kama ni, Serubabel ku Yosua ku bani ƒui nénwini bási Babilon kalɔ kesii kani na béƒie-ma bésienku bébo ni, bése kalɔ beenú Unwoti litemi na baadi-ni lɛlɔ aani kalɛ na Kenye Udiene Hagai ɔ́su-ma, na baabu Unwoti kalɛ na ɔ́manku.

Hagai 1:1

Unwoti ɔ́su Kenye Udiene Hagai kenye kadi ka utásu aban ɔgadine unengu na Yuda ku ɔkpane unengudi ɔmmɔ uwi ɔni na Ɔga Unengudi Dario ɔɔdi lɛga na Persia kalɔ lɛlɔ na lɛkwa linyɔdi kɔbuli kɔkundi kuna limeyi lideedi lɛlɔ. Amu na Hagai úsie Sealtiel ubidi ɔnanabi ɔni baalɔ Serubabel ɔni ndi aban ɔgadine unengu ku Yehosadak ubidi ɔnanabi ɔni baalɔ Yosua ɔni ndi ɔkpane unengudi ku kenye kammɔ.

Ala Alɛdi 1 28:20

Anwuɔsu sia anu na akya kayi na abla lɛla biala aani kalɛ na bɔtaa bɔmɛni bɔɔtina. Na tayia na enu lɛnɔ ataƒɛ-ɔ, ɔsika Unwoti mina Katɔti ɔdubo-ɔ bubunku na abla lɛla biala lɛni na ɔdi ka abla na eti awɔlɔ kakpakɔ kammɔ bɔtu kalɛ na bekyuli beteesie mmɔ taatákpa-nwu.

Yosua 1:8

Na tada ɔda bubo ɔku ɔmɛni kemmo etemila kalɔ budie teete bekyuli taya. Nu kaduɛ na eteeduo-nya kemmo usien ku ɔƒɛ. Kalɛ na eteenyimo na ataabla taasiaku etemila ani ƒui bénweni bákya ɔku ɔmmɔ kemmo. Na si aabla lɛni ni, ɔdubɔtɛku-ɔ na lɛla biala na aabla ni, lɛdubuse-ɔ kaduɛ.

Yosua 1:6

“Kya ɔkplu na taya na enu aƒɛ-ɔ. Ɔsika awɔ ndubo bekyuli bamɛni bɔtɔnku butéduo kalɔ kani na líse kenye ka meti mete bina bati kuuku.

Esra 6:14

Anwuɔsu Yudaƒuɔ benengu bésie anumi ku bana bɔtu kabla kammɔ na bálɛ lili geen ɔkɛnku kenye udiene Hagai ku Sakaria ɔni ndi Ido kaba kemmo ubi etemila kenye budie teete-ma ɔsu. Na báwɔlɔ kakpakɔ kammɔ bɔtu aani kalɛ na Israel Katɔti ɔ́tina ku Ɔga Kores ku Dario ku Artasasta bani ndi Persiaƒuɔ baga ɔda ɔni na bébo-ma ɔsu.

Hagai 2:18

Na ɔ́si ɔmwi kɔbuli yaalenwidi limeyi aavlanyɔ-linedi lɛmɛni lɛlɔ ɔni na bákya Unwoti kakpakɔ kowodu kalɔ ɔka mɛni úsela ni, bitaabla kasusu na biye lɛlɔ bɛnii,

Ala Alɛdi 2 15:7

“Anwuɔsu ɔlɛka bise kayi. Na bitete lili! Katɔti ɔlati ɔdubɔbu-mii na ɔkɔliku-mii katɔ si bɛɛdi nwuna ɔda bubo lɛlɔ.”

Yesaia 35:3

Bɛkya bekyuli bani na enu áƒɛ-ma na bábla kpɛtɛ kpɛtɛ ogya, na bani na bana akɔnkɔ áyɔ na aatɔ́ ayu ɔkplu.