Sakaria 8:16 - Katɔti Ɔku Kedee

¹⁶ Nsu bɛsu lɛlɔ litemi geen lɛmmɔ, na bɛnu ka bɛɛtɛ etemila na ulu lɛlɔ siin teete bekyuli kalɛ na uboku keyi buɛɛ.

Sakaria 8:16 Referans Kwoze

Eƒesoƒuɔ 4:25

Anwuɔsu bɛda ɔkɔ bɔnyi bɛya. Na ukyuli ɔdi biala ɔsu nwuna ɔkpanadi litemi geen. Ɔsika bula ƒui bɔdi Kristo lɛlɔ ekpo bute lɛlɔ.

Kɔgya 15:2

Ukyuli ɔni mɔɔdi Katɔti etemila ƒui lɛlɔ na nwuna ablala lɛnɔ ese siin ni, anwu kani ndubɔkɛ kuƒi kɔmmɔ. Nwuna etemila adi sɔsɔ na ɔkɔ ɔdi uuubo-nya kemmo.

Sakaria 8:19

“Amii Yuda kadi bekyuli, ami Unwoti mɔɔwia ka uwi biala na bɛnii biinyimi kenye na biti bɛkpali-mi ni, ɔlɛka uwi ɔmmɔ unwini limeyi bɔdi uwi. Kɔbuli kunedi kɔdi o-o, kɔbuli kɔlɔndi kɔdi o-o, kɔbuli maatɛdi o-o, leevudi kɔdi o-o ni, ɔlɛka bɛdi limeyi ku lɛlɔyɔ. Anwuɔsu bɛyɔ litemi geen kama bɔsia na bilieku lɛlɔ ku keyi buɛɛ.

Yesaia 9:7

Na nwuna lɛga kadikɔ kadubo katɔ butaakɔ ku keyi buɛɛ, na kaaadubo ulu bɔwɔ kudii. Na ɔdubulie Dawid lɛgaboku lɛlɔ utaadi lɛga lɛmmɔ, na nwuna lɛgadi lɛdubunye uwi ƒui. Na ɔdubɔtɛ litemi ulu lɛlɔ, na nwuna ablala ƒui adubuse siin. Na Katɔti ɔdubɔya na ɔmɛni ubo-nwu kemmo ɔkɛnku nwuna ɔyikun lɛlɔ!

Agba 12:19

Litemi geen liláyii udu uwi ɔdi kudii. Na likpidi lɛnɔ liiibo keyi bɔlɛ.

Agba 12:17

Ukyuli ɔni muudie lɛla lɛni na ɔ́nu kenye ulu lɛlɔ ni, ɔɔsu litemi geen lɛmmɔ. Nsu ukyuli ɔni muudie lɛla lɛni na útanu kenye ni, ɔdi ɔkɔ ɔnyine.

Budie Taatina 21:8

Nsu bekyuli bani mbo liƒu ku bani nátaƒɔ bátadi ku bani muusé lɛlɔ ku bekyuli badune ku bayalɛ ku evo baƒɛne ku bani mɔɔkpá baƒiɔ ku ɔkɔ banyine ku bana udu ƒui ni, badubuduo lɛgyavonku lɛni mɔɔda ku ogya atabi mmɔ kemmo. Na ɔmmɔ madi kukpi kunyɔdi kɔmmɔ.”

Tesalonikaƒuɔ 1 4:6

Ɔkɛnku ɔmɛni lɛlɔ ni, ɔdi biala lɛnumi litegyie na ɔnwani ulekudi lɛlɔ kalɛ na waƒiɔ-nwu. Bɔ́su-mii na bɔ́lɛ-mii na ɔmɛni lɛlɔ búse kpakplaa ka ni, Blɔti ɔdubɔni bani mɔɔbla ala amɛni kɔtu geen.

Eƒesoƒuɔ 4:17

Anwuɔsu mɔɔlɛ-mii na Blɔti lɛnyi kemmo nnii bɛsɔ bitelie ngba aani bekyuli bani naaagyi Katɔti na beeti kasusu kekpludi,

Mateo 5:9

Lɛlɔ litaayɔ bekyuli bani mɔɔklibi bekyuli ntɛ. Katɔti ɔdubɔlɔ-ma ɔnii nwuna bebi geen.

Mika 6:12

“Amii balakɛne bibo kalala na bina akɔ ɔdi biala ɔɔnyi ɔkɔ.

Mika 6:8

Unwoti ɔlati ɔ́su-bu lɛla lɛni na ɔlɛka bɔbla. Na lɛla lɛni na ɔɔwia ɔsiku-bu kudɔ ndi ka bɔbla ala ulu lɛlɔ, na butaayɔ bekyuli ku lɛƒɔndia, na buboku lɛlɔ kalɔ buɛɛ, na bɔsiaku-nwu kama siin.

Amos 5:24

Mmomu bɛya na litemi lɛlɔ bɔdi ku ala bɔbla ulu lɛlɔ siin unwini aani ketu na kataagba na bina keliela kemmo na kasɔ katakwii kudii.

Amos 5:15

Bini likpidi na bɛyɔ lɛbuni bɔbla. Na bɛya na litemi geen kama bɔsia bɔkya bina etemila katɛkɔ. Ɔƒɛni kalɛ Unwoti Katɔti Ɔyikune Ƒui ɔdubɔnu Yoseƒ kaba kemmo bebi bani nébu kanyana.

Lewiƒuɔ Ɔda Bubo 19:11

“ ‘Ɔdi uteyu. “ ‘Na ɔdi utanyi ɔkɔ. “ ‘Na bitataanyi ɔkɔ taatɔlɔ lɛlɔ.

Yeremia 22:3

Na Unwoti ɔnii nsu-ma nnini, “Ami ndi Unwoti, anwuɔsu bise atu na binu! Amii ni, bitete kuƒi na bekyuli bataanya bekpinebi ku bekpinele taakya na beteeyu-ma. Na bitaya na bakɛ kasiakɔ na baƒɔ bani nkya-mii kudɔ lɛlɔ. Na bekyuli bani nátabla likpidi lɛdi iye baaakɛ ku lɛla lɛnɔ ni, bɛgyumana-ma na bitaya na bekyuli bata benye na bekpoku-ma iye badu-ma muedi. Muubó-mii ɔda nnii bɛbla ala ulu lɛlɔ, na bɛnu ka bɛɛtɛ etemila siin. Na bidie bani na bánu anumi bátɛ-ma etemila na ulu ukpidi lɛlɔ.

Esekiel 18:8

Ulevo ala teete bekyuli na ɔƒɔ-ma lɛla lɛdi uye, iye ɔƒɔ kuvonsia kunengudi kɔdi. Na ulayɔ ka ɔbla ukyuli ɔdi likpidi lɛdi. Na si litemi líbo badi ntɛ ni, ɔɔtɛ-ma ntɛ litemi ulu siin lɛlɔ.

Esekiel 45:9

Unwoti Katɔti ɔnini, “Amii Israel batɔnkune, bíiyu na bɛ́nya mina kadi bekyuli bɛ́kya uwi útu! Na mɔɔwia ka bɛda ekpidi bɔbla bɛya na bise kalɔ bitaabla ala siin taasiaku ulu lɛlɔ. Na ɔ́sɔ útalɛka binye mina bekyuli lɛlɔ na bɛbɔku-ma na bavi balɛ bana kalɔ lɛlɔ. Ami Unwoti násu.

Seƒania 3:13

Israel kadi bekyuli bani nébu ni, badubulie ngba siin na beni ɔkɔ bɔnyi. Badubɔdi na batɛ banwuna, na balayia lɛla biala.”

Sakaria 8:3

“Ndubɔsɔ linwini lisie Yerusalem na ntélie Sion Kɔbi kedee lɛlɔ. Na bekyuli ƒui badubɔnu Yerusalem bati aani mina ɔma ɔni nsiaku-mi kama siin. Na basu ka Sion ndi mina kɔbi kedee.

Kɔgya 34:15

Unwoti ɔɔnu bekyuli bani nse siin lɛlɔ, na uunú bana bɔkpali.