Sakaria 8:12 - Katɔti Ɔku Kedee

¹² “Mmomu ni, ndubɔnu ka bɛkya bina edula ɔƒaamu na atu bɔyɔ kemmo, na bina adingyii mmo lɛnɔ adubɔbla kaduɛ na anwu ebi pii. Na bina katumalɔ kadubulie lɛmwi, na amii ayu ewi bina edula lɛlɔ.

Sakaria 8:12 Referans Kwoze

Lɛkpa Ulu 33:13

Na Yoseƒ kaba ama ni, ɔ́su-ma ɔnini, “Unwoti kusɛ kusɛ ɔsiaku-mii. Na ute-mii ntu bɔbuni ɔsiku katɔ ku kalɔ kemmo.

Ala Kalɔ Buse 27:28

Muuvele Unwoti Katɔti nnii nwuna katɔ kusɛ kusɛ uwi-ɔ lɛlɔ aani amii, na ute-ɔ kalɔ kani nélie lɛmwi. Na akɛ edula pii ku ntɛ bɔwɔdi.

Mateo 6:33

Mmomu anumi egyie-mii na Katɔ Ɔga ala lɛlɔ na kalɛ na bɛbla lɛlɔ siin utulo. Na Katɔti wabla ala abambadi ƒui lɛnɔ wete-mii.

Sakaria 8:6

Na bekyuli anumi ni, ɔmɛni ɔdi lɛla lɛni na baanu ka libo ɔkplu na liladia bɔbla. Nsu na ami Unwoti Ɔyikune Ƒui kudɔ ni, ese-mi kpɛtɛ kpɛtɛ.

Hagai 2:19

‘Edula adi asɔ ewi linwu? Na nnɔ egyii ku anwingyie ku adingyii egyii lidu lɛmmɔ ɔdi ɔ́nwu ɔsia?’ Oowo. “Nsu ɔ́si ɔmwi limeyi lɛmɛni lɛlɔ úsela ni, ndubute-mii kusɛ kusɛ.”

Hagai 1:10

Ɔmmɔ ɔsu na amii aláyu teemomo aani ɔnantu teewi bina edula lɛlɔ na eebie.

Yoel 2:22

Amii alakpi akɔ bebuo lɛnɔ ƒui bɛda bɔyia bɛya, ɔsika livo buni lɛ́sɔ línwini líbo liiwi bina kɔdikɔ ƒui. Na egyii ammɔ lɛnɔ ése kalɔ adaku bɔnwu ku anwingyie ammɔ ƒui ku adingyii lidu bamba ƒui ásɔ énwini ébo ana udu kenye.

Yakobo 3:18

Na bekyuli bani mɔɔklibi bekyuli ntɛ ni, kɔsia kɔdubɔlɛ bɔsiku unwi bɔbla ogya ɔni na baakya bekyuli kemmo, aani kalɛ na beedé edula buni na ebi ani na báva kemmo.

Korintoƒuɔ 1 3:21

Ɔmɛni ɔsu ni, utalɛka ukyuli ɔdi utaakun lɛmɛnɛ na lɛla lɛni na bekyuli bakana bɔbla lɛlɔ. Ɔsika geen geen ni, lɛla biala lise lite bina bɔdia.

Hosea 14:5

Na ndubuse lite-mii aani amii ani mɔɔyu na bɛlɛ lili aani egyii anwula ani muubimi na bidie ligyiitu aani kugyii kalɛ.

Esekiel 36:30

Bina adingyii adubɔnwu ebi pii na bina edula ani na bɛ́kya lɛnɔ adia geen, na kɔƒa kɔsɔ kɔɔɔdubo-mii bukpo kudii ka biiibo adila ani bɛdi ɔsu.

Yesaia 61:7

Na bana kɔƒa kenye ni, mina kadi bekyuli akɛla adubɔkɔ katɔ akpa anyɔ. Na kalɛ na béwi-ma anumi kalɔ kenye ni, lɛlɔ lɛdubɔyɔ-ma, na bana kadikɔ kani ndubo-ma budu ɔsu, na lɛlɔyɔ lɛmmɔ lɛdubuse buteesie uwi ƒui.

Yesaia 30:23

Na ɔdubɔya na ɔnantu ɔna uwi ɔbuni lɛlɔ na bina edula ani na bɛ́va adia na emomo geen. Na bina bebuo lɛnɔ bakɛ kadikɔ kabuni na kalɔ ƒiaa lɛlɔ.

Ala Kalɔ Buse 26:12

Ka edula ɔkyawi údu ni, Isak ɔ́kya edula. Na ka údu ana ɔƒɛwi ni, ɔ́ƒɛ edula liti liti ɔsia kama, ɔsika Katɔti úte-nwu kusɛ kusɛ na ɔ́ya na edula ádia-nwu geen.

Esekiel 36:12

“ ‘Ndubɔkpanku mina kadi bekyuli Israelƒuɔ liboku ɔma na bebelie bana abi ani ndi bana adi lɛlɔ. Na badubɔtuma na kɔlɔ kɔbuni kɔni néti kɔ́yu ɔkwalɛ ɔmmɔ lɛlɔ, na kɔka kɔsɔ kuládu-ma kudii.

Agba 19:12

Si ɔga úti kɔnyi ni, use aani kalɛ na gyata uubó lɛdi. Nsu nwuna lɛƒɔndia lise aani amii na livo lɛlɔ.

Kɔgya 72:3

Ya na kalɔ kammɔ ƒui ku abi ammɔ adia edula ete ƒula kadi bekyuli na ɔtina kalɛ na ƒula ɔga ku bekyuli bammɔ baabla ala siin.

Lɛkpa Ulu 33:28

Anwuɔsu Yakob bawɔ, bilie na atu bɔyɔ kemmo. Na bilie kpli na kalɔ kani Unwoti úti uute-mii mmɔ kaduɛ. Kalɔ kani nélie lɛmwi na edula ku adingyii ani beeti taabla ntɛ adubɔdia-ka lɛlɔ. Na Unwoti ɔɔyá na amii aasí katɔ teebewi-ka ntu.

Lɛkpa Ulu 32:2

Mina ala bɔtina adubɔyu aani kalɛ na ɔnantu ɔɔna na ubewi kalɔ aani amii. Mina etemila adubɔyu aani kalɛ na ɔnantu uuwi blii blii teewi edula ani na átalɛ tɔ lili lɛlɔ. Na adubɔyu ewi livo lɛni na ɔƒɛni na lɛɛkwɛ́ lɛlɔ blii blii.

Baga 1 17:1

Amu na kenye udiene ɔni baalɔ Elia na ɔ́si Tisbi na Gilead kalɛkɛ kemmo úsie útásu Ɔga Ahab ɔnini, “Mɔɔsu-ɔ na Unwoti Israel Katɔti ɔni kabla na mɔɔbla na uli ngba lɛnyi kemmo ka ni, na akwa alɛɛ adi kemmo ni, amii iye ɔnantu ɔsɔ ulana ulewi kalɔ si ɔɔɔdi ami násɔ lɛ́su nnii ɔna.”

Lewiƒuɔ Ɔda Bubo 26:3

“ ‘Si bɛ́di mina ɔda ɔni líbo-mii lɛlɔ na bɛ́sia mina bunyimi ƒui anu kaduɛ ni,

Kɔgya 85:12

Sɔsɔ na ɔdi ka Katɔti ɔdubute-bu ala abuni na ɔya na kalɔ kammɔ kadia edula pii kete-bu.

Hosea 13:3

Ɔmmɔ ɔsu na bɛdubo udu bɔyii ƒui kede kede aani kalɛ na ulɔyɔ ɔɔyii taakya, na amii aakwii na ala lɛlɔ, na ɔƒɛƒɛɛ uuti aƒaƒaa na kemo taatɔlɔku, na uyɔ lɛnɔ ɔɔyii taakya na asi kemmo.

Hagai 2:18

Na ɔ́si ɔmwi kɔbuli yaalenwidi limeyi aavlanyɔ-linedi lɛmɛni lɛlɔ ɔni na bákya Unwoti kakpakɔ kowodu kalɔ ɔka mɛni úsela ni, bitaabla kasusu na biye lɛlɔ bɛnii,

Yeremia 31:12

Mina bekyuli badubo-mi kudɔ na Sion Kɔbi lɛlɔ na babadi limeyi na bana anumi ekeye, ɔsika ndubute-ma kusɛ kusɛ. Na ndubute-ma antabi ku egyiibi ku nnɔ. Na lite-ma baƒonu ku ɔmantɛ bakɔ. Ala adubo-ma bɔdianku na balɛ lili aani kemo kani edula nákɛ ntu kaduɛ.

Esekiel 34:28

Kadi bamba bekyuli basɔ baaadubo-ma buyu. Na beƒiebuo lɛnɔ basɔ beleƒie-ma balakun. Na basɔ baaadubo lɛla lɛdi lɛnɔ bɔyia.

Esekiel 36:9

Ndubo bɔya na bɛtu kalɔ kabuni kani nwi káyu abi ɔkwalɛ mmɔ binwini ƒui na bɛkya edula na liti lɛnu-mii lɛlɔ.

Yoel 2:19

Unwoti údie kenye na ɔ́su nwuna bekyuli ɔnini, “Bɛnu, líti edula ku ntɛ ku nnɔ muumene-mii na ala ammɔ emo-mii. Na nsɔ lɛɛɛdubo bɔya na kadi bamba bekyuli beteedumi-mii taama.

Seƒania 3:13

Israel kadi bekyuli bani nébu ni, badubulie ngba siin na beni ɔkɔ bɔnyi. Badubɔdi na batɛ banwuna, na balayia lɛla biala.”

Malakai 3:11

Ndubutile baalɔlɔ kuƒi na basɔ belebile-mii ala na ada bɔnwu aya.