Sakaria 7:11 - Katɔti Ɔku Kedee

^11-12 “Nsu bekyuli bani ƒui nénu kenye bediene bammɔ ala bɔsu bábla atuɔkplu na béni litemi lɛmmɔ bunu. Mmomu bénwini kama bákya lɛla biala na mina kɔyu kɔ́tɔnku kenye bediene kuuku bammɔ na bákɔ-ni lɛsa béte bekyuli. Ɔmmɔ ɔsu na ami Unwoti lɛnɔ lɛ́kɛ kɔnyi geen!

Sakaria 7:11 Referans Kwoze

Nehemia 9:29

“Na ébo-ma ɔda ka benwini bebo na babataadi ƒula ɔda bubo lɛlɔ. Nsu bátakpete-ɔ, na béni ƒula ɔda bubo na bábla likpidi básiaku ƒula ɔda bubo bɔni na si nka ukyuli ɔ́di-nwu lɛlɔ ni, ɔdubulie ngba. Nsu na bana kɔdɔlɔ kemmo ni, kama mmomu bénwini bákya-a, na báyu atuɔkplu na béni ka bénu-ɔ litemi.

Hosea 4:16

Israelƒuɔ atu ebo ɔkplu aani ebuo ala utine ɔni mbo atuɔkplu na ulenu lɛla lɛdi kalɔ. Dɛ na Unwoti ɔdubɔkana bekyuli bamɛni adila buteete aani baƒonubi na kesii kani na livo lɛbuni lɛkya na bataakun?

Yeremia 8:5

Na bi ɔsu na amii bíni bɛnii bilasɔ bilénwini bilebo-mi kudɔ? Na bɛmu bɛsiaku bina baƒiɔ kpakplaa lɛni?

Batalane Kabla 7:57

Amu na báyoli momoomo na bétile bana atuƒi, na békeli bétéƒie-nwu.

Sakaria 1:4

Amii bitabla atu ɔkplu aani bina bati kuuku kalɛ. Kenye bediene bedeedi bani nélie bábavi bálɛ-ma kpakplaa geen ka bada bana ɔbladu buɛ baya na benwini bebo-mi kudɔ, nsu béni.

Esekiel 3:7

Nsu Israel kadi bekyuli badubo buni na belénu litemi, ɔsika béni na bétenu-mi litemi. Bana ƒui bebo atuɔkplu na kayi kétitili-ma,

Yeremia 35:15

Bíni bɛnii bilenu mina kenye bediene bani mɔɔsu-mii uwi ndi uwi banini, ‘Bɛda alaekpidi bɔbla bɛya na bɛda baƒiɔ lɛnɔ bɔkpa bɛya! Na bise kalɔ biteenu Unwoti litemi na bitaadi-ni lɛlɔ na ɔdubɔya na bilie kalɔ kani na úti úte bina bati kuuku mɛni lɛlɔ.’

Hebriƒuɔ 12:25

Bɛnu kaduɛ na biléni anwu ɔni mɔɔtɛmiku-mii. Ɔsika si bekyuli bani nénu anwu ɔni nálɛ-ma kpakplaa na kayawi kamɛni lɛlɔ batakana na bekeli bana kɔtu bɔni ni, bɛti ka ulése abu lɛnɔ buɛɛ uletulo ama si búni anwu ɔni nási katɔ úbalɛ-bu.

Batalane Kabla 7:51

Amu na Steƒano ɔ́sɔ ɔ́su-ma ɔnini, “Batuɔkplune geen bɛdi! Amii lɛnɔ bɛɛda atu teedie Katɔti litemi lɛlɔ aani kalɛ na bina bati bábla kalɛ. Uwi ndi uwi bɛɛta teenye Katɔti Kɔyu lɛlɔ.

Seƒania 3:2

Yerusalem úni ɔnii ulénu Unwoti Katɔti litemi na uti anu ɔsia-nwu lɛlɔ. Na bɔta kani na ɔɔta teenye-nwu lɛlɔ, na úni lɛnɔ ɔnii batalɛ-nwu na baklibi-nwu.

Daniel 9:5

Nsu bɔ́bla alaekpidi bonwu na bɔ́ƒiɔ-ɔ geen na bɔ́ta búnye-ɔ lɛlɔ, na búni ƒula ɔda bubo ku ala ani na átina-bu.

Yeremia 44:16

“Yeremia, bi nkɛ-bu si Unwoti lɛnyi kemmo na enye aatɛmi? Buni geen na búni bɔnii bulenu-ɔ litemi!

Yeremia 36:31

Awɔ ku ƒula bebi ku ƒula kabla bablane ƒui bibo likyulikpi. Anwuɔsu ndubo bina ƒui kɔtu bɔni. Lɛ́lɛ awɔ ku Yudaƒuɔ ku Yerusalemƒuɔ ƒui kpakplaa ka ɔgbankpi ɔdubo-mii lɛlɔ, nsu ɔdi útabu-mi litemi. Anwuɔsu ɔƒaani, amii ɔdi ɔ́sa!”

Yeremia 13:10

Yuda kadi bekyuli badi bekyuli bekpidi na bebo atuɔkplu na belenu litemi. Na baabla lɛla biala na ama baayɔ́ na baakpá baƒiɔ na mina litemi bunu kenye. Na si uwi ɔni na lɛ́wɔlɔ lɛla lɛni na nnii mɔɔblaku-ma ni, basɔ baaadubo lɛla lɛdi bɔdia bɔbla, ɔsika lɛni na badubo buse aani kalɛ na lɛwuku lɛmmɔ lise na aanu.

Yeremia 11:10

Ekpidi ani na bana bati kuuku bábla ni, ana lɛlɔ kani na ama lɛnɔ benye kpakplaa na ɔni na béni-mi na bésie baakpá baƒiɔ ɔsu. Lɛga kadikɔ kani nkya katɔ kakɛ na Israel kalɔ lɛlɔ ni, bébile bunyimi bɔni na línyimiku bina bati kuuku. Na ɔmmɔ lɛlɔ kani na Yuda lɛga kadikɔ kani na kalɔ kammɔ kada kakɛ badaku ɔƒɛni.

Yeremia 7:24

Nsu bina bati kuuku béni na bétenu-mi litemi. Bábla atuɔkplu. Na si ami líti-ma mɔɔsiaku ulu ɔdi ni, na ama beti ɔbambadi.

Yesaia 6:10

Geen ni, bana kɔyi kútili na bana atu áyu ɔkplu na bana anumi lɛnɔ ábwɛ. Si ɔɔɔdi lɛni ni, nka bana anumi adubɔnu nwaa na bana atu lɛnɔ adubunu na benu kalɔ na benwini bebo-mi kudɔ na lɛbwi-ma.”

Nehemia 9:26

“Nsu báyu atuɔkplu na báta bénye-ɔ lɛlɔ. Na béti ƒula ɔda bubo bábala bana kama. Na bádu ƒula kenye bediene bani bákya-ma ɔkplu ka nka benwini bebo-ɔ kudɔ. Na bétemi enyekpi ani mɔɔda lɛƒu béwi-ɔ.

Nehemia 9:17

Na béni ka benyimo ƒula akɔla lidu lidu ani na édie átina na bana akɔ. Na bana atuɔkplu ku bɔta bunye kemmo ni, bédie ɔtɔnkune ɔni nsɔ makpanku-ma matákya bana lɛbibo kabla kemmo. Nsu awɔ Katɔti aanu kɔnyana, na éyi ku bɔyɔ ku lɛƒɔndia, na éti bana ekpidi akyiɛ-ma. Ɔmmɔ ɔsu étenwini kama átakya-ma.

Ala Alɛdi 2 33:10

Unwoti ɔ́dɔnku Manase ku bekyuli bammɔ ƒui kɔlɛ kɔlɛ, nsu béni.

Israelƒuɔ Bɔlɛ 10:3

Anwuɔsu Mose ku Aaron báta na bésie Ƒarao kaduli na básu-nwu banini, “Hebriƒuɔ Katɔti ɔnii, ‘Kɔlɛ sɔɔn na adubuni ka eboku lɛlɔ kalɔ ete-mi? Ya na mina kadi bekyuli batɔlɔ na batákpa-mi.

Mateo 13:15

Ɔsika bekyuli bamɛni balábu lili kemmo taanu. Na bétile atu na bébile bana anumi. Si ɔɔɔdi lɛni ni, nka bana anumi adubɔnu nwaa. Na bana atu lɛnɔ adubunu na benu kalɔ na benwini bebo ami Katɔti kudɔ na lɛbwi-ma!’

Yesaia 46:12

Bise atu na binu, bina atu ebo ɔkplu geen, na kalɛ na bɛkana na bilie ƒaa ku atu bɔyɔ bɔ́gyunku-mii.

Yeremia 5:3

Mmɔ na lɛ́su nnini, “Geen ni, ngyi ka awɔ Unwoti aawia ka butaasu litemi geen. Na ɔkɔ bɔnyi bɔmmɔ ɔsu na áni ƒula bekyuli kɔtu, nsu ɔmɛni ƒui atu ɔkplu kani na baabla teebu na bébulo ka bani bede-ɔ.”

Yeremia 5:21

Bi ɔsu na bilenu ala kalɔ si mɔɔtɛmiku-mii, amii badɔlɔdi?

Yeremia 7:26

Nsu béni-mi na bébenwini batuɔkplune ku ekpidi bablane bétulo bana bati kuuku bammɔ muedi!”

Yeremia 17:27

Nsu si bɛɛgyú ala teeti taasia kɔyakun kɔmɛni taalɛ na Lɛnwunameyi lɛlɔ na bɛɛla ala nina lɛlɔ aani limeyi keeke bamba biala ni, ndubo ogya bɔtu bɔkya kɔyakun kɔmmɔ na lɛkyula ɔma unengudi ɔmmɔ ƒui ku kɔgyumanakɔ kɔmmɔ ƒui.”

Yeremia 42:21

Ɔsika ɔni na lɛ́su-mii lɛla lɛni na Unwoti ɔɔwia ka bɛbla ni, bíni na bɛnii bilenu-nwu litemi.

Esekiel 5:6

Nsu Yerusalemƒuɔ báta bénye-mi lɛlɔ na banii belenu-mi litemi. Béni mina ɔda bubo na bénwini alaekpidi bablane bonwu betulo kadi bamba bekyuli bani náka bámana-ma muedi.

Yesaia 28:12

Ɔsika anwu ɔlati ɔ́su-ma ka bekyuli bani ƒui na lɛla lɛdi liikpóku ni, bebo-nwu kudɔ na badubɔkɛ bɔnwuna, nsu béni na belenu.

Yesaia 65:12

ndubo-mii bɔnyonu bute na bɛkya eli kalɔ na bina bekisine badu-mii ƒui. Ɔsika lɛ́kpali-mii na bítatuna bítete-mi. Na lɛ́tɛmiku-mii na bítenu. Mmomu bɛ́bla likpidi na mina anumi na ala ani na alayɔ-mi kaƒɔ mmomu na bɛ́ƒuna ka bitaabla.

Yeremia 19:15

“Bina ɔdi biala use kɔtu na unu! Uwi ɔdi návi kemmo ni, Unwoti Ɔyikune Ƒui, Israel Katɔti, ɔ́su-mii kpakplaa ka ɔdubɔya na ɔgbankpi ubo Yerusalem lɛlɔ ku lɛma lɛni na amadɔ mmɔ ƒui. Nsu bɛbla atuɔkplu na bíbulo-nwu litemi bunu. Na ɔƒaani ni, Unwoti ɔdubo bɔya na ɔgbankpi ɔmmɔ ɔlɛ aani kalɛ na úse kenye úse.”

Esekiel 14:5

Na si bénu-mi kenye kamɛni ni, ɔƒɛni kalɛ badubo kasusu bɔsɔku bɔbla na bada baƒiɔ bammɔ bɔkpa baya na benwini bebo-mi kudɔ.’