Sakaria 7:10 - Katɔti Ɔku Kedee

¹⁰ Bɛsɔ bitabla bekpinele iye bekpinebi iye baƒɔ iye bawabane ulikplu. Na bɛsɔ bitelie bitataakya likpidi bɔbla kɔkwɛ na bina bakpana lɛlɔ ka bɛbla-ma kalala.

Sakaria 7:10 Referans Kwoze

Yeremia 5:28

na ala adianku-mii, nsu bíni na bilébunku bekyuli bamba. Na bɛɛbla bawabane lɛla lɛni na bɛɛkali ka lɛ́manku-ma.

Yohane 1 3:15

Na ukyuli ɔni muukisi nwuna ukyulikpana ni, ɔdi bekyuli ɔdune. Na amii alati bɛgyi ka ukyuli biala ɔni mɔɔdú bekyuli ni, uuubo ngba bɔni naaadubo bɔsa kudii.

Yakobo 5:4

Bɛnu! Kabla bablane bani nkya bina mmo ni, bíni na bítaƒɔ-ma kayu. Binu kalɛ na beewulo kɔnyana momoomo. Na bana keku kédu Katɔti, Bula Unwoti Ɔyikune Ƒui kudɔ.

Yesaia 1:23

Na ɔma umodi ɔmmɔ batɔnkune bénwini bekyuli bani mɔɔta teenye-mi lɛlɔ, na baadiku beyune kɔkpana, na baaƒɔ́ ala na bɔbɛ kemmo taasiku bekyuli kudɔ. Béni ka bekpo bete bekpinebi. Na bekpinele litemi ani lɛɛɛkɛ-ma munu munu.

Kɔgya 72:4

Na unye kpakplaa ute bawabane na ubunku bani mɔɔyaki ala na ɔyila bani mɔɔnya bekyuli taakya ulikplu kemmo udu!

Kɔgya 21:11

Ina béti kasusu ka babla-a likpidi ni, ulebo-nwu kemmo ulete-ma lɛni.

Mateo 23:13

“Bɔbuɛ muute amii Katɔti ɔda bubo ala batinane ku Ƒarisiƒuɔ! Anumi lɛlɔ bekyuli bɛdi! Bɛ́kalɛ Katɔ Ɔga Ɔma ulu bɛ́da bekyuli. Na amii alati biléduo, na biléte bekyuli bamba bani mɔɔkya ɔkplu lɛnɔ ulu na beduo.

Malakai 3:5

Unwoti Ɔyikune Ƒui ɔnini, “Lɛ́ɛsi ndubo mbatɛku-mii litemi na lɛdu kɔtɔ kɔnakunwi. Ama ndi bani mɔɔdú kabɔ, na baalɛ́ bana bagya ku bele kama, iye baanyi ɔkɔ na litemi katɛkɔ, iye beeyú bana kabla bablane na baláƒɔ-ma kayu ulu lɛlɔ, na baabla bekpinebi ku bekpinele kalala, iye beeyú baƒɔ bani nkya-ma kudɔ ala, na béni banii balabu-mi ƒui.

Sakaria 8:17

Bitakya likpidi kɔkwɛ na bina bakpana lɛlɔ kudii na bitakpali ala bitanyi ɔkɔ bitasia bina bekyulikpana. Ɔsika ami, Unwoti, nkisi ala ammɔ udu.”

Amos 4:1

“Amii Samariaƒuɔ beleku bise atu na binu! Bise aani Basan ɔmantɛ bakɔ bani nélie lɛmwi, ɔsika bana balati bánu-ma lɛlɔ kaduɛ. Biláda bawabane edu munu munu. Na bani mɔɔyaki ala ni, bísusu-ma geen kalɛ na bakpa bayii bakya. Na bɛɛwia ka bina bagya beteete-mii ntɛ na bitaani uwi biala.

Esekiel 22:29

Na bekyuli bammɔ beeyu ama alati bana lɛlɔ na baanya bekyuli taakya. Na beedumi bawabane na baanya bawabane ku baƒɔ taakya taakɛ-ma lɛlɔ kɔsia.

Esekiel 22:12

Bina badi bɛɛƒɔ́ egulabi ka bɛdu ukyuli. Na biivó egulabi teete bina Israelƒuɔ banwani taaƒɔ́ kuvonsia bonwu na bɛɛsia ɔmmɔ lɛlɔ taawia lɛkɛ teese lɛlɔ. Na ɔni nébie utulo ƒui ndi ka bɛ́yiƒala ami Unwoti Katɔti.

Esekiel 22:7

Bina akɔ ɔdi biala ulabu nwuna bawɔne. Na bɛɛnya bekyuli bani ndi baƒɔ lɛnɔ taakyaku bekpinebi ku bekpinele.

Yeremia 18:18

Bekyuli bammɔ badi básu banini, “Bɛya na bɔyila Yeremia udu! Na bakpane badubɔkya-bu kudɔ uwi ndi uwi na batina-bu Unwoti ɔda bubo. Na bɔdubɔkɛ banundane na balɛ-bu. Na bɔkɛ kenye bediene bani ndubɔsu-bu Unwoti kenye kani na ubo ute-bu. Anwuɔsu si ɔni na bɔsɔ buteenu Yeremia etemila bɔsu ɔsu ni, bɛya na bɔda-nwu kenye ka ɔ́bla likpidi bonwu lɛdi.”

Agba 6:18

ku kayi kani muulie taakya likpidi kakwɛ, ku lɛgba lɛni mɔɔta pla pla na likpidi lɛlɔ,

Agba 3:29

Awɔ ku ukyuli ɔdi bitasa lili likpidi na ƒula liku ɔkpana lɛlɔ, ka bilie bide ku ebiti.

Kɔgya 140:2

Likpidi bɔbla kakali kani na bekyuli bammɔ beeti. Na baakya kekpo uwi ndi uwi.

Lɛkpa Ulu 27:19

‘Ewida asiaku ukyuli ɔni mɔɔnya bekyuli bani naaadi Israelƒuɔ ku bekpinebi ku bekpinele taakya.’ Na ɔlɛka bekyuli batuna banii, ‘Ɔsia lɛni.’

Israelƒuɔ Bɔlɛ 23:9

“Na bitabla ɔƒɔ kalala, ɔsika amii alati bɛgyi ɔlɛ bunu bɔni nkya kaƒɔ bulie kemmo uwi ɔni na bɛ́kya Egyipte.

Kɔgya 36:4

Balásia lɛbuni bɔbla ulu biala lɛlɔ. Na si batɛ bana atɛla lɛlɔ muedi likpidi lɛlɔ kasusu kani na baatɛ teeti. Anwuɔsu lɛnɔ na béni ka bada bana alaekpidi bɔbla baya.

Yeremia 7:6

Bɛda kasiakɔ bɔkɛ na baƒɔ ku bekpinebi ku bekpinele lɛlɔ bɛya. Na bɛda bekyuli bani na bátabla-mii lɛla lɛdi bɔdu bɛya. Na bɛda baƒiɔ bɔkpa bɛya.

Yeremia 21:12

“Bɛnu ka kadi kawɔdi biala négye ni, bɛ́tɛ etemila siin bɛ́siaku ulu geen ɔmmɔ lɛlɔ na bɛ́ƒɔ bani ƒui na bekyuli beeyú-ma. Na si ɔɔɔdi lɛni ni, ndubo kɔnyi kpakplaa bɔkɛ bɔkya-mii na libile ala aani ogya ɔni mɔɔda na uléni.

Yeremia 49:11

Nsu bɛƒɔ-mi bɛdi ka ndubɔnu bina bekpinebi ku bekpinele ƒui lɛlɔ.

Esekiel 18:12

Na ɔɔnya bawabane taakya, na uuyú bekyuli. Ɔƒɛni lɛnɔ ni, ala ani na bekyuli béti bése lɛlɔ kama béte-nwu ni, ulásɔku teete-ma. Na ɔɔkpá baƒiɔ, na ɔɔbla ala ani muusé lɛlɔ.