Sakaria 6:6 - Katɔti Ɔku Kedee

⁶ Kɛɛkɛ ɔni na bapɔnkɔ batondi baaní ni, úti úsela katɔ kakɛ. Na kɛɛkɛ ɔni na bapɔnkɔ baƒualadi baaní ni, úti úsela ɔƒɛ kanukɔ. Na bani nse nwana nwana ni, ama lɛnɔ báni ama ɔdi bésela kada kakɛ.”

Sakaria 6:6 Referans Kwoze

Esekiel 1:4

Amu na lɛ́nu ka ɔƒɛƒɛɛ kpakplaa ɔdi úse kalɔ úkpo kpakplaa ɔ́si katɔ kakɛ ɔdubo. Na kayaa kaabwɛ ogya taasi liƒlukutu bonwu lɛdi kemmo na kayaa kana ƒui keekeye na ɔɔtu anumi. Na liƒlukutu lɛmmɔ ntɛ kesii kani na ogya ɔmɛni ɔɔbwɛ taasi ni, use aani lɛbuala lɛni na békuo-ni suɛlɛ suɛlɛ na uukeye geen.

Yeremia 51:48

Uwi ɔni na bekpone badubɔta basi katɔ kakɛ bebebile ala ni, katɔ ku kalɔ ku ana ala ani nkya-nya kemmo ƒui badubɔkɛ lɛlɔyɔ.

Yeremia 6:1

Unwoti ɔ́su ɔnini, “Amii Benyamin kɔdua bekyuli, bikeli bɛlɛ Yerusalem na bɛƒɔ bina ngba. Na bɛvwi lise na Tekoa ɔma kemmo na bɛsala ogya ɔni madi kati bute ogya na Bet-Hakerem. Uwi ɔsɔ uletu asa na ɔgbankpi ɔdubɔsi kalɔ kammɔ katɔ kakɛ ubeyu-mii ɔtu.

Yeremia 4:6

Biti anumi bɛtina Yerusalem iye ɔma bamba ɔni na bátu bámana-nwu kemmo! Yeremia, aya na bati ka ndubɔya na ɔgbankpi ɔsi kalɔ kammɔ katɔ kakɛ ubo-ma lɛlɔ.

Daniel 11:40

“Na kawɔlɔkɔ uwi ɔmmɔ lɛlɔ ni, ɔga ɔni nkya kada kakɛ ɔdubɔta na utékpoku ɔga ɔni nkya katɔ kakɛ. Nsu ɔga ɔmmɔ ɔdubɔlɛ ubasiaku-nwu aani ɔƒɛƒɛɛ ku nwuna kekpo kɛɛkɛ pii ku bekpone bapɔnkɔ beliene ku lɛkɔlɔ. Na geen ni, nwuna bekpone badubɔsia kɔlɔ kɔlɔ kemmo bɔlɛ aani kalɛ na ketu keeyi taagba na badi-ma lɛlɔ.

Yeremia 25:9

Na ɔƒaani ni, ndubo bɔya na kadi bekyuli bani nási kalɔ kammɔ katɔ kakɛ bebékpo-mii na ɔni ntulo ƒui ndi mina kabla ɔblane Nebukadnesar ɔni ndi Babilonƒuɔ ɔga. Amii ku bina liku bekyuli kɔlɔ lɛlɔ bekyuli ƒui bɛdubo bukpi na bina lɛma ku kɔlɔ ƒui kɔdubɔsɔ kuwi ukpludi na lɛla biala lɛyii udu. Na ɔtɔtɔ bonwu ɔdubɔgyu ukyuli biala manu ɔmɛni, nsu ɔmmɔ ƒui kama bɔma kani na badubo-mii na beteedumi-mii.

Daniel 11:9

Ɔga ɔni nkya katɔ kakɛ mɛni lɛnɔ ɔdubɔta ɔnii utéyu lɛga kadikɔ kani nkya kada kakɛ mmɔ ɔtu na ukpoku-ma, nsu badubo-nwu bɔbɔku na unwini kama usie nwuna kalɔ lɛlɔ.

Yeremia 46:10

Nsu Unwoti Ɔyikune Ƒui ɔdubo lɛlɔ bɔdi na kekpo kamɛni kemmo na udie nwuna bekisine kasi. Nwuna kewii kadubɔkɛ bɔdi na ɔni ubugya umo kaduɛ. Badubɔdu bekyuli bammɔ na kalɔ kammɔ katɔ kakɛ na Euƒrate Ketu kudɔ aani akpala bete Unwoti.

Budie Taatina 6:5

Ɔmɛni kama ni, Koƒonu Ubi ɔmmɔ ɔ́mami kɔma likpo lɛtɛdi. Mmɔ ni, línu ka ngba batu bammɔ akɔ ɔtɛdi ɔ́su ɔnini, “Bo!” Na ka mɔɔnu ni, lɛ́nu ɔpɔnkɔ totonto ɔdi ka unye. Na ukyuli ɔni nlie ɔpɔnkɔ ɔmmɔ lɛlɔ ɔda kakpagyuɛ kani na baakɔ́ku ala unu taanu.

Yesaia 43:6

Na ndubɔsu kɔlɔ kɔni na katɔ ku kada kakɛ bekyuli nnini, ‘Bɛnyonu mina bebi bananabi ku belekubi na benwini basi kalɔ ɔgyu ɔgyu mmɔ bebo.

Yesaia 30:6

Unwoti údie lɛla lɛdi ɔ́tina na kalɔ kakwiidi bebuo lɛlɔ ɔnini, “Kalɔ kani kemmo na bɔnɔ ku lɛbibo lɛkya, na bagyata bagyani ku beledi ku balakpi bekpidi baakya, na bebuo ala betine bebliidi ku benengudi bani mbo keƒu beti batu bammɔ akɛla na bésela kalɔ kani neeebo kɔsia kɔdi kuuute-ma kemmo.