Sakaria 6:1 - Katɔti Ɔku Kedee

¹ Kawɔlɔkɔ ni, lɛ́nu katɔ na lɛ́nu bapɔnkɔ kɛɛkɛ ine lɛdi ka lɛ́si lɛdubo na abuala egyiedi abi anyɔ adi ntɛ.

Sakaria 6:1 Referans Kwoze

Daniel 8:22

Na uwi ɔni na lise lɛmɛni lɛ́ƒɛ ni, lɛga kɔdikɔ ine bamba badubo, nsu ama baaadubo ɔyikun bɔkɛ aani udeedi kalɛ.

Eƒesoƒuɔ 1:11

Katɔti ɔ́bla ala ƒui na nwuna kasusu ku bɔyɔ kenye na abu ku Kristo unwi bɔbla ɔsu. Na Katɔti ɔ́ƒuna-bu ka bɔbla nwuna bebi ɔkɛnku nwuna kasusu kani na ɔ́bla úse kalɔ kesekɔ ƒui lɛlɔ.

Batalane Kabla 4:28

Nsu, awɔ, na ƒula ɔyikun ku lɛnunda kemmo ni, énye ánu na básala bábla ala ani na ásu ése.

Sakaria 6:5

Mmɔ na údie kalɔ ɔnini, “Ayu ene ani nási katɔ béti lɛlɔ atátina Unwoti ɔni mɔɔdi kalɔ kammɔ ƒui lɛlɔ asa na badubusie batávi na badi.

Sakaria 5:1

Ɔmmɔ kama ni, lɛ́nu ka ebuo ɔku kakunkɛ kadi kéveyi kaaví.

Daniel 4:35

Kalɔ lɛlɔ kadi bekyuli ƒui baaadi lɛla lɛdi na nwuna anumi. Lɛla lɛni mɔɔyɔ́-nwu kaƒɔ na ɔɔbla Ɔɔdi ayabi ku kayaa kammɔ ƒui lɛlɔ. Na ɔɔdi ukyuli biala lɛlɔ na kalɔ lɛlɔ. Na si Katɔti ɔ́bla lɛla lɛdi ni, bulakana-nwu bɔbala iye buye bɔnii, “Bi ndi lɛla lɛni na ábla mɛni?”

Daniel 4:15

Nsu ya na ligyukui lɛmmɔ lɛsɔ linye na kuna ligyiitu lɛda kalɔ na lɛku kemmo alakpi akɔ mmɔ. Ti abuala kpakplaa ku abuala egyiedi na ebo-nwu lɛkpu. “ ‘Sia anu na ɔnantu ku amii aƒɔ-nwu lɛlɔ ƒui na ulie ngba aani bebuo bamba kalɛ na alakpi akɔ mmɔ.

Yesaia 43:13

Ami ndi Katɔti ɔƒɛni ku uwi ɔni mebo lɛnɔ úsela ƒui. Ukyuli ɔdi ulakana-mii buƒie bɔƒɔ mina kudɔ na ɔdi lɛnɔ ulakana bunye bɔda-mi ulu lɛlɔ.

Agba 21:30

Kɔkwɛ kɔni na bekyuli baakya ƒui si ina dɛ na béti lɛnunda kemmo bákya-ku ni, kulakana Unwoti lɛlɔ bɔdi kudii.

Kɔgya 36:6

Kalɛ na ese siin ɔ́da lidu kalɔ utulo abi ani nnye na bɔɔnu. Na kalɛ na aatɛ litemi taasiaku ulu lɛlɔ utulo kalɛ na ɛpu kemmo kágyu. Na awɔ kani mɔɔnu bekyuli ku bebuo ƒui lɛlɔ.

Kɔgya 33:11

Nsu nwuna kasusu aka kalávumana na nwuna kayi lɛyɔla kani ndubunye ute kaba bekyuli ƒui.

Hiob 34:29

Na ina bunye na únye ɔ́nu na útakpete-ma muedi ni, kadi bekyuli bamani, munuu ɔma ndubɔkana na udie Katɔti bɔƒiɔ bɔdi? Na si bɔbɛla na ɔ́bɛla nwuna anumi ni, ɔma ndubɔnu-nwu? Anwu kani mɔɔdi bekyuli ku kadi ƒui lɛlɔ.

Samuel 1 2:8

Anwu mɔɔtalaku bawabane katɔ na baalɛ́ ɔtumu akɔ, na bani mɔɔyaki ala mmɔ baata ntɔ kewikɔ, na beelie kuliekɔ kunengudi kɔni bagabi beelie. Unwoti nése kalɔ kammɔ ƒui lɛtabi ɔka kalɔ. Na nwuna lɛlɔ na ɔ́tu kayawi ƒui ɔ́lɛ na kadi nwuna kadi.

Eƒesoƒuɔ 3:11

Na ala amɛni ƒui akɛnku kalɛ na Katɔti ɔlati ɔ́su úse ka ɔbla ɔsiaku Blɔti Yesu Kristo lɛlɔ ɔ́si kalɔ kesekɔ.

Baga 2 6:17

Amu na Elisa ɔ́kpali Katɔti ɔ́su-nwu ɔnini, “O Unwoti, bimi mina kabla ɔblane ɔmɛni anumi na ɔnu.” Mmɔ na Unwoti lɛnɔ úbimi kabla ɔblane ɔmmɔ anumi na ɔ́nu ka bapɔnkɔ ku bapɔnkɔ kɛɛkɛ lɛni mɔɔda ku ogya benye abi lɛlɔ na báka bámana Elisa.

Yesaia 66:15

Bɛnu! Unwoti uli nwuna kɛɛkɛ kemmo ɔdubo ku ogya na use aani ɔƒɛƒɛɛ ɔni mɔɔkya ligede. Ɔkɛnku kɔnyi kati kati ɔdubo na ɔdubo bekyuli bɔbɔku ku ogya unyemi ɔni mɔɔda gaganga.

Yeremia 4:13

Bɛnu! Aanu bina bekisine bekpone ka bási baayu aani kalɛ na kɔdigbo kɔɔtu taayu lɛla lɛni na uƒie lɛlɔ. Bana bapɔnkɔ ku kɛɛkɛ uukeli usi momoomo teetulo kalɛ na ɔƒɛƒɛɛ kpakplaa uuminime liƒlukutu na kayaa. Na mmɔ na bɛdubɔsu ku kɔnyana bɛnini, ‘Abu ɔdi ɔ́sa!’