Sakaria 4:6 - Katɔti Ɔku Kedee

⁶ Anwuɔsu ɔtu ɔmmɔ ɔ́su-mi ɔnii, “Lɛla lɛmmɔ lɛdanku kenye kani na Unwoti ɔ́su Serubabel ɔnini, ‘Ami ndi Unwoti Ɔyikune Ƒui. Utalɛ ka eti ƒula anu asia ƒula ɔyikun iye kenyekɔ kadi lɛlɔ, mmomu mina kɔyu ɔyikun lɛlɔ.’

Sakaria 4:6 Referans Kwoze

Kɔgya 33:16

Ɔga ɔdi uládi lɛlɔ na nwuna bekpone bumomo ɔyikun ɔsu. Lɛni kani na ukpone lɛnɔ uládi lɛlɔ, ɔsika ubo ɔyikun unengudi ɔdi ɔsu.

Hosea 1:7

Nsu ami ndi Yudaƒuɔ Unwoti Katɔti na ndubɔnu-ma kɔnyana na ndubudie-ma na libunku-ma ɔkɛnku ami ɔlati ɔyikun kemmo. Na ɔɔɔdi kekpo na badubo bukpo iye kɔtaminta iye kuwii kɔni na bekyuli bani muulie bapɔnkɔ lɛlɔ badubɔtu bekyuli ɔsu.”

Ala Alɛdi 2 14:11

Amu na Asa ɔ́kpali úvele ɔnini, “Unwoti Katɔti awɔ kani ndubɔkana na ebunku bekpone bani neeebo ɔyikun na badi bani na bebo ɔyikun lɛlɔ. Anwuɔsu ƒula lɛlɔ na bula anu asia ka ebunku-bu. Na bɔdubo bekpone bani mbo ɔyikun geen mɛni bukpoku buti bute ƒula lɛnyi ɔbu. Na bɔgyi ka ulakana na wadi-ɔ lɛlɔ, ɔsika awɔ ndi Unwoti bula Katɔti.”

Yesaia 32:15

Uwi ɔni na Unwoti ɔdubɔsɔku nwuna kɔyu ute-bu ɔsiku katɔ ni, kɔlɔ kɔkwiidi ƒui kɔdubunwini adingyii mmo bɔni adingyii ndubɔlɛ lili abla aani aku, na kalɔ kammɔ kadia geen.

Yesaia 30:1

Unwoti ɔnini, “Bɔbuɛ ute mina bekyuli bani mɔɔta teenye-mi lɛlɔ. Ama bani mɔɔkya kɔkwɛ na ulu ɔni lɛlɔ na basia babla ala na ɔɔɔdi mina ulu. Biinyimi ala teete lɛlɔ kalɛ na bitaadi-nya lɛlɔ na uwi ɔni na bíteye-mi bítenu. Anwuɔsu na ala ekpidi kani na bili bɛɛbla.

Bumomo Bɔka 27:16

“Unwoti Katɔti, awɔ ndi bayawine ƒui ayu ngba kasikɔ, muuvele-ɔ nnii die ɔtɔnkune te ƒula kadi bekyuli bamɛni

Esra 5:2

Amu na Sealtiel ubidi Serubabel ku Yosadak ubidi Yesua bénu bana etemila ani baasu mmɔ, na básɔ bése kalɔ báatu Unwoti kakpakɔ na Yerusalem. Na kenye bediene inyɔ bammɔ béte-ma kebunku.

Petro 1 1:12

Katɔti údie ɔ́tina kenye bediene bammɔ ka etemila ani na baasu mɛni aaadi bana uwi lɛlɔ litemi, mmomu ɔdi bina ɔdi. Na ala ani na básu mmɔ ni, abu ndi nwuna batalane na bɔdanku litemi buni lɛmmɔ bɔɔkɔ́ lɛsa teete-mii nwaa. Na bɔɔsu ala amɛni ɔkɛnku Katɔti Kɔyu kɔni na ɔ́tala ɔ́kya-bu ɔyikun kemmo. Na anumi eegyie ayu muedi ka nka beduo ala amɛni kemmo bati.

Eƒesoƒuɔ 6:17

Na biti bina ngba bɔƒɔ bibi lili aani kekpo kabwa na biti Katɔti litemi lɛni nse aani kewii kani na Katɔti Kɔyu kuute-mii bɛda kɔnu kɔkladi.

Ala Kalɔ Buse 41:16

Amu na Yoseƒ údie kenye ɔnini, “Naaakana ana kalɔ budie, nsu lɛla lɛni na Katɔti ɔɔwia ni, ani na ɔdubɔsu Ƒarao.”

Samuel 1 14:6

Mmɔ na Yonatan ɔ́su nwuna ekpola utine ɔnini, “Bo na bɔsia abi ntɛ ulu ɔmmɔ busie Ƒilistiƒuɔ bani nétekulo ago mmɔ keliekɔ. Ɔƒɛni kalɛ Unwoti ɔdubukpo ute-bu, ɔsika lɛla lɛdi lilétile Unwoti bɔƒɔ kuƒi si ina bumomo iye buse blii suɛ.”

Samuel 1 17:47

Lɛla lɛdi litatɔlɔ-ɔ, ɔsika Unwoti mɔɔyá na ukyuli ɔɔdi lɛlɔ, na ɔɔɔdi kewii iye lɛtula ɔyikun kemmo. Ɔsika kekpo kammɔ kadi Unwoti kadi. Na anwu ɔmmɔ ndubɔya na bɔdi-ɔ lɛlɔ lɛnɔ.”

Baga 1 19:12

Na kalɔ bɔkunku bɔmmɔ kama ni, lɛgyavonku lɛ́bwɛ lɛ́lɛ, nsu Unwoti uuubo ogya ɔmmɔ kemmo. Na ogya ɔmmɔ kama ni, únu butemi bɔdi ku kabɛnsɛ.

Esra 3:10

Na si batune bammɔ bákya atabi ani beeti teese Unwoti kakpakɔ ɔtɔ kalɔ bɔtu ni, na bakpane bammɔ bakya bana bakpane lɛwu na beti bana kɔkpɛɛ bada. Na Lewiƒuɔ bani nási Asaƒ kaba kemmo beti bana agyala na bemwi Unwoti aani kalɛ na Ɔga Dawid úbo-ma ɔda ɔ́vi.

Etemila 9:11

Lɛ́nu lɛla bamba lɛnɔ lɛ́ti na kayawi. Ɔɔɔdi bekyuli bani ngyi usi bukeli kaduɛ kani muukeli taadi lɛlɔ. Na ɔɔɔdi bekpone bani ngyi kekpo lɛlɔ ala kani muukpó taadi lɛlɔ. Lɛni kani na ɔɔɔdi banundane kani mɔɔkɛ́ adila abuni taadi. Na ɔɔɔdi bani kasusu kemmo nse nwaa kani muunwíni balakɛne iye bani ngyi bana kabla kadi lɛlɔ ala mɔɔƒɔ́ lɛnyi. Mmomu uwi ku lilidia kuƒi kubunku.

Daniel 2:34

“Ɔƒɛni uwi ɔni na enye aanu ni, ánu ka lɛtabi lɛdi na bánwi básiku abi lɛlɔ, na ɔɔɔdi ukyuli ɔyawine nánwi-ni lɛ́si líbayu ukyuli ɔvɔdi ɔmɛni lɛgba na úbo abuala ku lɛti lɛmmɔ úgyingya.

Hagai 1:1

Unwoti ɔ́su Kenye Udiene Hagai kenye kadi ka utásu aban ɔgadine unengu na Yuda ku ɔkpane unengudi ɔmmɔ uwi ɔni na Ɔga Unengudi Dario ɔɔdi lɛga na Persia kalɔ lɛlɔ na lɛkwa linyɔdi kɔbuli kɔkundi kuna limeyi lideedi lɛlɔ. Amu na Hagai úsie Sealtiel ubidi ɔnanabi ɔni baalɔ Serubabel ɔni ndi aban ɔgadine unengu ku Yehosadak ubidi ɔnanabi ɔni baalɔ Yosua ɔni ndi ɔkpane unengudi ku kenye kammɔ.

Hagai 2:21

“Su aban ɔgadine unengudi Serubabel ku ɔkpane unegudi Yosua anini, ‘Ndubo katɔ ku kalɔ kammɔ bɔkunku.

Sakaria 6:12

Na asu-nwu ka ami Unwoti Ɔyikune Ƒui násu nnii, ‘Ukyuli ɔdi ɔdubɔkɔ ɔlɛ mɛni aani kugyii kagba kalɛ na ɔtu mina kakpakɔ ute-mi. Na ndubɔlɔ-nwu nnii Kugyii Kagba na anwu ndubo bekyuli lɛlɔ bɔdi aani ɔga ɔni mbo ɔbu kalɛ. Na ɔkpane ɔdi ɔdubunye-nwu kɔmadɔ na nwuna lɛgaboku kudɔ. Na bana inyɔ badubɔbla kabla basala ku ebiti ku keyi buɛɛ.’

Esra 2:2

Na bana batɔnkune ndi Serubabel ku Yesua ku Nehemia ku Seraia ku Reelaia ku Mordekai ku Bilsan ku Mispar ku Bigwai ku Rehum ku Baana. Na Israelƒuɔ lɛtɔ ku bana bumomo bani nénwini bébo anyi ndubo mɛni.

Yesaia 34:16

Na Unwoti bunweni kedee ɔku kemmo ni, bénweni ka Unwoti ɔ́su ɔnini, “Ami násala bebweyi bamɛni ƒui ɔkɛnku mina Kɔyu ɔyikun lɛlɔ, na bana akɔ ina unwi ɔɔɔdubo bɔyii, na ɔdi lɛnɔ ulayila ɔgyani iye uledi.”

Yesaia 59:19

Na ɔ́si ɔƒɛ katukɔ útédu kanukɔ ƒui bekyuli badubo butaayia-nwu na bemwi-nwu kalɛ na uukeye. Ɔsika ɔdubɔda ɔlɛ-ma lɛlɔ aani ketu kani néyi na kadanku ɔƒɛƒɛɛ kpakplaa na ɔbɔku-ma ƒui.