Sakaria 4:10 - Katɔti Ɔku Kedee

¹⁰ Na bekyuli bani ƒui nátanu limeyi lɛmɛni bátabu na kalɛ na ala amɛni eesié kalɔ blii mɛni ɔsu ni, ama ndubo babadi limeyi uwi ɔni na badubɔnu ka Serubabel ɔda lɛtabi lɛni náƒɔ kuye geen mɛni. Na lɛsogya maatɛ lɛmmɔ linye lite ami Unwoti anumi ani náka ámana kalɔ kammɔ ƒui, na aanu lɛla biala kemmo nwaa.”

Sakaria 4:10 Referans Kwoze

Hiob 8:7

Na akɛla ani ƒui na ákɛ ábavi ni, aaadubo-nya bɔbu, ɔsika Unwoti ɔdubute-ɔ ala ani ntulo ammɔ ƒui uwi ɔni mebo.

Ala Alɛdi 2 16:9

Unwoti ɔɔsia ukyuli biala anu uwi biala na uuti nwuna ɔyikun teete bani na béti bana anu básia-nwu lɛlɔ na basiaku-nwu kama siin uwi biala. Nsu kɔdɔlɔ lɛla na awɔ ábla mɛni. Na ɔmmɔ ɔsu keyi buɛɛ kasɔ kaaadubo ƒula lɛgakadikɔ kammɔ bɔkya uwi ɔdi lɛnɔ.”

Hagai 2:3

“Bina ɔdi uunyimo kalɛ na kakpakɔ kedeedi kammɔ kéteekeye? Nsu ɔƒaani ni, bɔnu na bɛɛnu ka kadi lɛla lɛdi?

Agba 15:3

Unwoti ɔɔnu kesi kesii, na nwuna lɛnumi lɛsia bekyuli bekpidi ku babuni lɛlɔ.

Budie Taatina 5:6

Ɔmmɔ kama ni, lɛ́nu ka Katɔti Koƒonu Ubi ɔdi unye agaboku ammɔ lɛlɔ. Na ngba batu ine bammɔ ku benengu aavlanyɔ-ine bammɔ báka bámana-nwu. Na ɔɔtina aani si bɔkpa na béti-nwu bákpa. Ese maatɛ alɛ Koƒonu Ubi ɔmmɔ lili, na ubo anumi maatɛ. Na alakpa maatɛ amɛni adi Katɔti Kɔyu kɔni mbo ɔyikun maatɛ kɔni na Katɔti ɔ́tala ɔ́kya kayawi ƒui.

Sakaria 3:9

Yosua, líti lɛtabi lɛdi lɛ́va-a anumi na lɛtabi lɛmmɔ libo lɛƒɛnyi maatɛ. Na ndubo lɛla lɛdi bunweni bɔsia lɛtabi lɛmmɔ lɛlɔ. Na limeyi linwi lɛdi lɛlɔ kani na ndubo kalɔ kamɛni bekyuli ekpidi ani na bábla báƒiɔ-mi buti bɔkyiɛ-ma.

Agba 4:18

Ukyuli ɔni nse siin kavinkɔ keekeye aani ɔtanta kadi kani négye kadubo na keekeye teebu utédu ka ɔbla nwaa ƒui.

Yesaia 66:14

Uwi ɔni na bɛdubɔnu ka ala amɛni aalɛ́ lɛni ni, bina kayi kadubɔyɔ buɛɛ na bɛlɛ lili aani kalɛ na livo lɛɛlɛ́ lili. Na bɛdubɔnu kalɛ na Unwoti ɔɔƒɛnimi kɔnu taakya nwuna kabla bablane bani mɔɔbu-nwu. Nsu nwuna bekisine bani mɔɔta teenye-nwu lɛlɔ ama ni, nwuna kɔnyi muubo-ma lɛlɔ.

Yesaia 66:11

Ɔsika bɛdubo bɔdi bumo bɔsia kama na lɛlɔ lɛyɔ-mii aani kalɛ na bebiwɔ baanyimi anyii ntu teemo na bana bawɔne lɛgba lɛlɔ na baada-ma taamana kayi na lɛlɔ lɛɛyɔ́-ma.”

Budie Taatina 8:2

Amu na lɛ́nu Katɔti batu maatɛ bani muunye Katɔti anumi, na úte-ma kɔkpɛɛ maatɛ.

Hosea 6:3

Anwuɔsu bɛya na bɔkya ɔkplu biala na bɔnu bula Unwoti bɔti. Nwuna bɔda bɔlɛ bɔdi litemi geen aani kalɛ na ɔƒɛ ɔɔtu ɔtanta na ɔkɔ uuubo-nwu kemmo. Na ɔdubo ubaya na lɛlɔ lɛyɔ-bu aani kalɛ na ketudi ɔnantu ɔɔna na kalɔ ku lɛla biala lɛɛyɔ́ buɛɛ.”

Luka 15:32

Nsu ni, ɔlɛka bɔdi limeyi na bɔkɛ ebiti, ɔsika búti-nwu bɔnii bukpi na ƒ'ɔnwani úkpi na ɔ́sɔ únwini úbo ngba. Bɔyii na ɔ́yii na bɔ́sɔ bɔ́nu-nwu.’ ”

Yeremia 16:17

Mɔɔkana taanu lɛla biala lɛni na bɛɛbla ina dɛ na bɛnii bɛɛbɛla-mi bina ekpidi ani na bɛɛbla.

Esekiel 1:14

Na bebweyi bamɛni alati busie bɔɔbabla aani kalɛ na lɛgyakpabi liitulo taalɛ ogya kemmo.

Amos 7:2

Na uwi ɔni na nnye mɔɔnu na baalɔlɔ bammɔ bádi lɛla biala bédie báwɔlɔ ni, lívele-nwu nnini, “Unwoti Ɔyikune Ƒui, nu-ma kɔnyana na eti akyiɛ-ma! Dɛ na Yakob kaba kemmo bebi badubɔbla asa na belie ngba? Bana ɛlɛɛ kani badi na beeebo ɔyikun ɔdi!”

Amos 7:5

Mmɔ na lívele-nwu nnini, “Unwoti Ɔyikune Ƒui, tabla kalɛ na ásu! Dɛ na Yakob kaba kemmo bebi badubɔbla asa na belie ngba? Bana ɛlɛɛ kani na badi na beeebo ɔyikun.”

Kɔgya 33:14

Ɔɔnu-ma taasiku kesii kani na ulie ɔɔdi lɛlɔ mmɔ.

Sakaria 9:1

Unwoti ɔnii nwuna anumi asia ukyuli biala lɛlɔ, na bani ɔdi mbo ɔkplu utulo ƒui ndi Israel adua ammɔ. Na ɔ́tɛ litemi ɔ́du Hadrak ku Damasko lɛma linengudi lɛmmɔ kɔtɔ.