Sakaria 3:2 - Katɔti Ɔku Kedee

² Nsu Unwoti ɔ́su-nwu ɔnini, “Satan, awɔ ɔdi mmomu nátatɛ. Mina ɔma unengudi ɔƒunadi ndi Yerusalem. Na ukyuli ɔmɛni ni, budie na bédie-nwu aani ugyii bálɛku ogya livongu kemmo.”

Sakaria 3:2 Referans Kwoze

Amos 4:11

“Lɛ́yila bina bekyuli pii udu aani kalɛ na lɛ́bla Sodom ku Gomora. Bɔkywi na nka bina ɛlɛɛ bani nébu bɛda aani ugyii na ogya kemmo asa na lídie-mii. Nsu ɔmɛni ƒui bítenwini. Ami Unwoti násu!

Yuda 1:23

Na bidie babambadi lɛnɔ ɔkplu kemmo na beleduo lɛgyavonku lɛmmɔ kemmo. Na bakladi ni, bitaanu-ma kɔnyana. Nsu bɛgyumana bina lɛlɔ kalɛ na bana lɛyalɛ udunkpi ɔni náƒɔ-ma lɛlɔ aani adala kalɛ alávi-mii.

Yuda 1:9

Na Katɔti ɔtu unengudi ɔni ndi Mikael muedi ka kadɔ kéduo anwu ku Satan ntɛ na baakya unyeƒi na Mose ɔlɔna lɛlɔ ni, úteti anwu ɔlati kenyekɔ ɔyikun útabɔku Satan. Mmomu ɔ́su ɔnini, “Blɔti ɔbɔku-ɔ!”

Romaƒuɔ 8:33

Na ɔma ndubɔwia Katɔti bekyuli baƒunadi litemi? Katɔti ɔlati uudie-ma kenye ka bɔƒiɔ bɔdi buuubo-ma lɛlɔ.

Sakaria 1:17

Líse kenye lɛnɔ ka ala adubɔsɔ atɛku mina lɛma lɛmmɔ. Na Yerusalem ɔsɔ unwini mina ɔma ɔƒunadi, na lɛsia mina ɔma kedee ɔmmɔ bekyuli kɔnu.

Sakaria 2:12

Na Yuda lɛnɔ ɔdubunwini kalɔ kedee kammɔ kakɛ kadi, na Yerusalem ɔsɔ unwini Unwoti ɔma unengudi ɔƒunadi ɔmmɔ.

Yohane 1 3:8

Ukyuli ɔni muulie taabla likpidi ni, ɔdi Satan ɔdi. Ɔsika Satan nli mɔɔbla likpidi ɔ́si kayawi kalɔ kesekɔ. Na lɛla lɛni ɔsu na Katɔti Ubidi ɔmmɔ úbo ni, ani ndi ka ɔyila Satan ablala.

Romaƒuɔ 16:20

Katɔti ɔni muute keyi buɛɛ ɔdubususu ukisine ɔmmɔ kpɛtɛ kpɛtɛ na ɔya na bɛdi-nwu lɛlɔ na uwi klukui kemmo. Blɔti Yesu Kristo lɛƒɔndia lɛsiaku-mii.

Yohane 13:18

“Ɔɔɔdi bina ƒui litemi na ndaku bɔsu ɔƒaani. Ngyi bina akɔ bani na lɛ́ƒuna. Nsu ɔlɛka Bunweni Kedee Ɔku kemmo etemila ebo-nwu kemmo lɛni kalɛ na bénweni bése banini, ‘Ukyuli ɔni nákyaku-mi kɔnu lɛkyami kemmo na bɔ́di ni, anwu nénwini únye-mi lɛlɔ.’

Luka 22:32

Nsu ni, Simon, lɛ́ɛkpali katɔ na ƒula lili kalɛ na ƒula bɔƒɔtaadi bulayuɛ. Na uwi ɔni na adubunwini ebo-mi kudɔ ni, na akya ƒula banwani ɔkplu.”

Luka 4:35

Amu na Yesu ɔ́bɔku kɔyu kɔmmɔ ɔnini, “Ba lɛsɛ! Na avi alɛ ukyuli ɔmmɔ lɛlɔ kemmo!” Amu na kɔyu kukpidi kɔmmɔ kúƒwimi ukyuli ɔmmɔ ɔ́ƒiɛmi kalɔ na bana anumi, na kɔ́vi kɔ́lɛ-nwu lɛlɔ kemmo kɔ́tɔlɔ. Nsu ukyuli ɔmmɔ útaƒɔ ɔlɛ ɔdi.

Daniel 12:1

“Uwi ɔmmɔ kemmo ni, ƒula kadi bekyuli ɔgyumanane unengu ƒui, Mikael ɔni na Katɔti ɔdubɔtala ni, ɔdubɔta ubo. Na lɛbibo kpakplaa lɛni udu nétebo tɔ kudii ɔ́si kalɔ kesekɔ lɛdubɔlɛ. Na ukyuli biala ɔni na nwuna lɛnyi lɛkya ngba ɔku kemmo ni, ɔdubo-nwu bɔgyumana.

Kɔgya 109:31

Ɔsika úkpo úte ɔwabane na údie-nwu ɔ́lɛku bekyuli bani nádu-nwu kukpi kɔtɔ enu kemmo.

Budie Taatina 17:14

Na badubɔta na bekpoku Koƒonu Ubi ɔmmɔ. Nsu Koƒonu Ubi ɔmmɔ ku nwuna bekyuli baƒunadi ku nwuna baƒɔtaadine geen badubo-ma lɛlɔ bɔdi. Ɔsika anwu ndi Blɔti ɔni ndi Bati Ƒui Ɔti ku Baga Ƒui Ɔga.”

Marko 1:25

Yesu ɔ́bala kɔyu kɔmmɔ ɔnini, “Da bɔtɛmi ya! Na avi alɛ ɔnana ɔmmɔ kemmo.”

Luka 9:42

Ka ɔnamu ɔmmɔ ɔ́si ɔdubo ni, anwu kani na kɔyu kɔmmɔ kúbo-nwu kɔ́va kalɔ na ɔ́sinsi. Amu na Yesu ɔ́bɔku kɔyu kukpidi kɔmmɔ na ɔ́bwi ɔnamu ɔmmɔ, na ɔ́sɔku-nwu úte ɔti.

Marko 9:25

Amu na uwi ɔni na Yesu ɔ́nu ka bekyuli pii bammɔ baaní teede-ma ni, útemi úte kɔyu kɔmɛni ɔnini, “Kɔyu kukpidi kɔni neeenu na kulétemi, mɔɔsu-ɔ ka vi lɛ ɔnamu ɔmɛni lɛlɔ kemmo, na sɔ teduo-nwu lɛlɔ kemmo kudi kudii lɛnɔ!”

Yesaia 7:4

Na asu-nwu anii, ‘Da kayi bukpoku ya, na utalɛka ayia Ɔga Resin ku Ɔga Peka, ku bana bekpone kɔnyi momoomo kɔni na béti. Ɔsika bese aani ogya egyukwii ani mɔɔkywí na adubo bɔsa.