Sakaria 2:9 - Katɔti Ɔku Kedee

⁹ Anwuɔsu ɔdubo amii lɛnɔ budie bute na bina kabla bablane badubo-mii bukpoku na beyu-mii ala batɔlɔku. Na ɔmmɔ ɔdubɔya na bɛnu-nwu bɛti ka Unwoti Ɔyikune Ƒui nátala-mi.”

Sakaria 2:9 Referans Kwoze

Yesaia 19:16

Na limeyi lɛmmɔ lɛlɔ ni, Egyipteƒuɔ badubɔta babla aani beleku, na lɛlɔ litaatɔ-ma geen ku bɔyia na Unwoti Katɔti kɔnu kɔni na ɔ́talaku katɔ ɔnii ɔɔƒiɛmi-ma ɔsu.

Sakaria 6:15

“Na si bekyuli bani nási ɔlɔgyu bébo na bébebunku na bɛ́tu Unwoti Ɔyikune Ƒui kakpakɔ kammɔ ni, bɛdubɔti ka Unwoti ndi ukyuli ɔni nátala-mi ɔ́kya-mii. Na ɔmɛni ɔdububo-nwu kemmo lɛni si bínu na bɛ́di Unwoti bina Katɔti litemi lɛmmɔ lɛlɔ.”

Sakaria 4:9

“Serubabel nákya kakpakɔ kammɔ kowodu ɔka kalɔ buse, na anwu kani ndubo-nwu bɔwɔlɔ. Na ɔmmɔ ndubɔya na bekyuli ƒui banu bati ka ami, Unwoti Ɔyikune Ƒui, nátala-a lɛ́kya-ma.

Esekiel 39:10

Ekpola amɛni na badubo butaakyula na egyii ani na ɔlɛka bada iye ekyweni ani na bawia bavi kenye. Lɛni na Israelƒuɔ badubo bekyuli bani néyu-ma na bédumi-ma bábla-ma kalala udu biala kasi budie. Ami Unwoti násu.

Yesaia 14:2

Na kadi bamba bekyuli ndubo-ma butiku na beti-ma besienku bana kalɔ lɛlɔ. Na Israelƒuɔ beti-ma benwini bana banana ku beleku kabla bablane na Unwoti kalɔ kammɔ lɛlɔ. Na kadi bani néƒie-ma bátɔlɔku na bénye-ma lɛlɔ na baabla bana kabla ni, Israelƒuɔ mmomu badubo bunwini bunye-ma lɛlɔ na bataabla-ma kabla.

Yesaia 11:15

Na Unwoti ɔdubɔya na Ɛpugyie kaviakɔ kani nédie utukwalɛ aani lɛba mmɔ kakwii. Na ɔtalaku nwuna kɔnu ɔsia Euƒrate Ketu na utiku ɔƒɛƒɛɛ ɔni mɔɔkula ala na ukpo ɔvi-ka anumi na ule-ka ɔbla ntukpa wɛlɛ wɛlɛ maatɛ na ɔdia bɔvia ku lɛgba.

Yohane 16:4

Mmomu lɛ́su-mii ɔmɛni kalɛ na si uwi ɔni na bábla ala amɛni údu ni, na binyimo lɛla lɛni na lɛ́su-mii. “Ńtasu-mii ala amɛni ńtasiku kalɔ kesekɔ, ɔsika nkya-mii kudɔ uwi ɔmmɔ.

Yohane 13:19

“Na mɔɔsu-mii ɔmɛni lise asa ubo ubalɛ, kalɛ na si úbo úbalɛ lɛni sɔsɔ ni, na bɛti ka ami ndi Anwu ɔni nkya ɔ́si kalɔ kesekɔ.

Sakaria 2:8

Mmɔ na Unwoti Ɔyikune Ƒui ɔni muukeye údie lɛdi úte-mi ɔnii nsu kadi bekyuli bani nékpo Sion na béyu-nwu ala bátɔlɔku nnini, “Sion ɔ́ƒɔ ami Katɔti kuye geen aani mina lɛnumi. Anwuɔsu lɛla biala na bɛ́bla ɔma ɔmmɔ ni, anwu na bɛ́bla.

Habakuk 2:17

Bɛ́yila egyii ku bebuo ƒui udu na Lebanon Kɔbi lɛlɔ. Na bɛ́bla kalala kani udu naaadia na lɛma kemmo ku bekyuli lɛlɔ na kesi kesii. Na ɔƒaani ni, amii na badubo liƒu bɔkya na bitaayia geen.

Habakuk 2:8

Bíyu ala na lɛma linengudi ku kɔlɔ ƒui kemmo na kesi kesii, na bɛ́du bana bekyuli lɛnɔ. Na ɔƒaani ni, bani nébu badubo amii lɛnɔ kalala kani udu na bɛ́bla bekyuli bɔbla.

Yeremia 28:9

Na ɔƒaani awɔ aasu ka bɔdubɔkɛ keyii buɛɛ. Anwuɔsu bunye na bɔdubunye butaanu ulu si sɔsɔ na Unwoti násu kenye kamɛni.”

Yesaia 33:23

Nsu ƒula kadi bekyuli ni, bese aani ɔkɔlɔ ubendi ɔni na nwuna lɛta ku adi ƒui adaku bugyingya na bátakɔliku adi ani mɔɔƒɔ́ ɔƒɛƒɛɛ na uutiku ɔkɔlɔ ɔmmɔ. Limeyi lɛdubo ɔni na bina bekyuli bani náƒɛ bewi kalɔ muedi badubɔkɛ kekpo ala ani na beƒie báƒɔ bekisine kudɔ mmɔ adi.

Yesaia 33:1

Bɔbuɛ ute awɔ ala ubilene, nsu ɔdi útebile-ɔ lɛla lɛdi kudii! Bɔbuɛ ute awɔ ɔni mɔɔví bekyuli kalɔ, nsu ɔdi útavi-ɔ kalɔ kudii! Si uwi ɔni na áda bekyuli ala bubile áya ni, badububile awɔ adi lɛnɔ. Na si uwi ɔni na áda bekyuli kalɔ bɔvi áya ni, badubɔvi-ɔ kalɔ awɔ lɛnɔ.

Yesaia 13:2

Unwoti ɔnini, “Tálɛ aƒlaga ɔdi na kɔbi goolo kɔdi ɔtantɛ kesii kani badubɔnu-nwaa, na akpali-ma emene momoomo na ebo-ma kɔnu anii bavi ɔma ɔban ɔmmɔ kenye na beduo bayikune bammɔ lɛlɔ na mmɔ.

Yesaia 10:32

Ɔmwi ni, bekisine bammɔ badubɔƒɔ lɛlɔ bakya Nob ɔma na bataadu anyi teekene lɛvu taayila Sion teemene kɔbi kɔmmɔ na Yerusalem.

Yesaia 48:16

“Bɛni bide-mi bibu na binu! “Ala ani ƒui na lɛ́ɛka bɔsu ni, ńtasu-nya ńtabɛ na ɔdi útenu-nya. Na uwi ɔni na ala ammɔ aalɛ́ lɛnɔ ni, nli mmɔ.” Unwoti Katɔti ɔkɛnku nwuna Kɔyu ɔyikun lɛlɔ na ɔ́tala-mi.

Sakaria 2:11

Na si uwi ɔni na úbo-nwu kemmo lɛni ni, kadi bekyuli pii badubunwini bebo Unwoti kudɔ na benwini nwuna bekyuli na uwi ɔmmɔ lɛlɔ, na badubɔnu bati ka Unwoti kenye udiene na ɔdi sɔsɔ.

Yesaia 4:5

Na ɔmmɔ kama ni, Unwoti ɔdubɔya na liƒlukutu bonwu lɛdi lɛƒɔ Yerusalem ku bani ƒui na básala lɛlɔ na mmɔ na limeyi kemmo. Na usien ni, na ogya bonwu ɔdi utaada teekeye teewi kalɔ kammɔ ƒui lɛlɔ. Na Unwoti bukeye bubi-ma eli aani lɛkpɔtɔ.

Yesaia 12:6

Amii bani nkya Sion ƒui bidie ɔnu ku kudu momoomo, ɔsika Israel Unwoti Kedee úbomo na bina akɔ.”

Yesaia 26:1

1Na limeyi lɛmmɔ lɛlɔ ni, badubɔtu kɔgya kɔmɛni na Yuda badubɔtu ɔnu bedie banini, “Ɔƒɛni amu bɔ́kɛ kagyumanakɔ ɔma unengudi kpakplaa. Na Katɔti ɔ́ya na awodu ku awodu akpa ani náka ámana-nwu adi ngba bɔƒɔ.

Yesaia 33:21

Bula Unwoti Ɔyikune ɔni muukeye ɔdubɔsiaku-bu, na ntukpa bɔni nábɛbɛ na bɔ́gyu bɔdubɔka bɔmana-bu, na bekisine lɛkɔlɔ libendi lɛdi lilakana-mu lɛlɔ bɔsia bɔvi.

Yesaia 60:18

Na basɔ belénu kekpo ku ala bubile kɔku na ƒula liku. Na ndubo-mii bɔgyumana aani kalɛ na awodu aaka taamana lɛla lɛdi na bimwi-mi ka lɛ́ƒɔ-mii ngba ɔsu.

Yesaia 60:19

Na bɛ́sɔ bilawia ɔƒɛ iye kɔbuli bukeye bɔdi na ɔƒiiwi iye usien, ɔsika ami Unwoti ɔlati bukeye ndubo-mii buteewi úsela uwi ƒui.

Yeremia 8:19

Mina bekyuli bakya kaƒɔ lɛma beewulo keku. Nu kalɛ na beewulo teeye banini, “Buni na Unwoti úni Sion na ɔsɔ ɔɔɔdi nwuna ɔga?” Na muunú ka Unwoti uudie kenye ɔnini, “Bi ɔsu na bɛ́kya-mi kɔnyi na uwi na bina baƒiɔ bani neeebo kɔsia bɔkpa ɔsu?”

Seƒania 3:15

Sion, ƒula lɛtuni lɛ́sa. Unwoti ɔ́bɔku ƒula bekisine na básɔ bénwini na ƒula kama. Bina Unwoti ɔni ndi Israel Ɔga unye-mii kudɔ, anwuɔsu ɔ́sɔ útalɛka bɛyia ɔgbankpi ɔdi lɛnɔ.

Sakaria 9:15

Unwoti Ɔyikune Ƒui ɔdubo nwuna bekyuli bɔgyumana, na ɔya na bani muuƒwimi kavwinvwi ku atabi bubo geen banya bana bekisine besusu kalɔ. Badubo butaabɔku-ma ku kɔvanu aani bekyuli bani na békpi ntɛ na bana ɔyikun umo-ma aani ubugya akpala kalaku kani néyi tɛtɛɛtɛ.