Sakaria 2:13 - Katɔti Ɔku Kedee

¹³ Ɔdi biala ɔbla kpoo na baba lɛsɛ! Ɔsika Unwoti ɔkya-mii akɔ na uusié taasɔ na nwuna kakpakɔ kedee kemmo.

Sakaria 2:13 Referans Kwoze

Habakuk 2:20

Bɛya na kayawi bekyuli ƒui babla kpoo, ɔsika Unwoti ɔkya nwuna kakpakɔ kedee kemmo.”

Seƒania 1:7

“Ami ndi Unwoti Katɔti, anwuɔsu bibile bina inye kpoo! Ɔsika uwi ɔmmɔ úude. Na ndaku lɛlɔ bɔklibi ka liti mina bekyuli aani lɛkpa na lɛlɔ mina bekyuli ƒui bani lɛ́klibi líse.

Kɔgya 68:5

Awɔ Katɔti, bekpinebi ɔti, awɔ mɔɔnu bekpinele lɛlɔ ɔ́si ƒula keliekɔ kedee kesii kani na elie.

Seƒania 3:8

Unwoti ɔnini, “Amii bɛsɔ binye, limeyi lɛni na ndubo amii kadi bekyuli ƒui kɔtɔ bɔdu lɛdubo. Lɛ́ɛlɛ limeyi lɛdi ugyii líse ɔni na ndubo bina kadi bekyuli ku lɛga kɔdikɔ ƒui bɔsala na lɛni-mii kɔtu kaduɛ na mina kɔnyi kpakplaa kemmo. Na kɔnyi kɔmmɔ kɔdubɔkɔ-mi katɔ útédu ka lɛkyula kalɔ kammɔ ƒui.

Kɔgya 78:65

Ɔmmɔ kama ni, Unwoti úbata únye aani kalɛ na ukyuli ɔɔta na kalɛɛkɔ. Na ɔ́bla aani kalɛ na ntɛ bɔɔyá na ɔyikune ɔdi ɔɔta taabla ala.

Romaƒuɔ 9:20

Na awɔ ndi ɔma geen na eetemi asiaku Katɔti? Libwi liléye ukyuli ɔni návɔ-ni ɔnini, “Bi ɔsu na ávɔ-mi lɛni?”

Yesaia 51:9

Unwoti, buvele ta! Ta na ada alɛ ku ƒula ɔyikun na edie kɔnu na abla ɔyikun ala aani kalɛ kani na ábla dii na kuuku uwi ɔni na bula bati kuuku bélie. Bɔgyi ka awɔ nádu Rahab, ɛpu kemmo liƒu kebweyi bonwu kammɔ ékulo eku eku.

Kɔgya 46:10

“Bɛbla kpoo na bɛnu bɛti ka ami ndi Katɔti. Badubo-mi lɛnyi katɔ bakɔliku na kalɔ lɛlɔ mɛni na kadi bekyuli ƒui akɔ. Na lɛni kani na mina lɛnyi lɛdubo katɔ bɔkɔ na kayawi ƒui.”

Kɔgya 11:4

Nsu Unwoti uli lɛgaboku lɛlɔ na nwuna kakpakɔ kedee kemmo na Katɔ Ɔga Ɔma. Na nwuna anumi aanu ala ani ƒui na bekyuli baabla na kesi kesii.

Lɛkpa Ulu 26:15

Anwuɔsu, Katɔti, nwini anumi na anu-mi asiku katɔ ƒula keliekɔ kedee kesii kani na elie mmɔ. Na ete ƒula bekyuli Israelƒuɔ kusɛ kusɛ na ete kalɔ kani na éti éte-bu mmɔ lɛnɔ kusɛ kusɛ aani kalɛ na ése kenye éte bula bati kuuku, kalɔ kani egyiibi ntu mɔɔyu emini aani uwɔ na kana lɛlɔ bebuo baayu anyi ntu pii mmɔ.”

Romaƒuɔ 3:19

Ɔƒɛni ni, bɔgyi ka ala ani ƒui básu na Mose ɔda bubo ɔku kemmo adanku bekyuli bani nkya ɔda bubo bɔmɛni kalɔ. Na ɔyawine ɔdi ulakana kenye kadi budie na Katɔti litemi bɔtɛ kemmo. Ɔsika Katɔti ɔdubɔtɛku kayawi ƒui litemi.

Yeremia 25:30

Unwoti ɔsɔ ɔ́su-mi ɔnii nsu bekyuli bammɔ ɔnini, “Ndubo bɔkwanyi momoomo aani kalɛ na katɔ keedu bɔsiku mina kakpakɔ kedee kemmo uwi ɔni na ndubo-ma butaanya teesusu aani kalɛ na baamana kutu.

Yesaia 63:15

Unwoti, nwini anumi na anu-bu na kalɔ mɛni asiku ƒula keliekɔ kedee na katɔ kakaaka kesii kani muukeye mmɔ. Wɛ na ƒula bɔyɔ ku ɔyikun ala ani na aabla teete-bu mmɔ bɔ́vi? Éni na asɔ aaada-bu kɔkɔɔkɔ ku kɔnyana bɔnu.

Yesaia 57:15

Bula Katɔti ɔni nse kedee uli katɔ kakaaka ƒui úsela uwi ƒui, na anwu mɔɔsu ɔnini, “Ina ka katɔ kakaaka kesii kani nse kedee na nli ni, nkya-mii akɔ mɛni ka libunku bani ƒui néboku lɛlɔ kalɔ na béti bana anu ƒui básia-mi lɛlɔ na baanu-mi anumi.

Yesaia 57:5

Lɛyalɛ ala ku lɛlɔ kudɔ bɔtɛ na baƒiɔ bani na bɛɛkpá mmɔ anumi na egyii enengudi ammɔ kalɔ. Na biiti bina bebi taakpa na akpabi ani na bɛ́tu bínyene ɔkwalɛ na atakpɛ ani nƒa mmɔ kalɔ.

Ala Alɛdi 2 30:27

Bakpane ku Lewiƒuɔ bammɔ bévele Katɔti ka ɔya na nwuna kusɛ kusɛ ɔsiaku bekyuli bammɔ na sɔsɔ ni, únu-ma buvele ɔ́siku nwuna keliekɔ kedee kammɔ na katɔ ƒui.

Yesaia 41:1

“Amii ntuntɛ kɔlɔ ƒui bɛbla kpoo na mina anumi! Bise kayi na bɛni bide-mi ku bina etemila amii kadi kadi bekyuli ƒui. Na bɛya na bɔsa na litemi katɛkɔ.

Lɛkpa Ulu 18:21

Bɛdubuye lɛlɔ bɛnii, “Dɛ na wabla asa bɔnu bɔti ka kenye udiene ɔmɛni litemi lɛni na ɔɔsu mɛni lítasi Unwoti kudɔ?”

Lɛkpa Ulu 18:22

Binu kalɛ na bɛdubuti bɛnu ka litemi lɛmmɔ lɛ́si iye lítasi Katɔti kudɔ. Si kenye udiene ɔdi úti Katɔti lɛnyi na ɔ́su lɛla lɛdi na lɛla lɛmmɔ lítebo-nwu kemmo ni, na kenye udiene ɔmmɔ kenye kátasi Katɔti kudɔ. Mmomu kenye udiene ɔmmɔ ɔlati néti nwuna kasusu ɔ́su lɛla lɛmmɔ. Anwuɔsu bitayia ukyuli ɔmmɔ.

Yesaia 14:2

Na kadi bamba bekyuli ndubo-ma butiku na beti-ma besienku bana kalɔ lɛlɔ. Na Israelƒuɔ beti-ma benwini bana banana ku beleku kabla bablane na Unwoti kalɔ kammɔ lɛlɔ. Na kadi bani néƒie-ma bátɔlɔku na bénye-ma lɛlɔ na baabla bana kabla ni, Israelƒuɔ mmomu badubo bunwini bunye-ma lɛlɔ na bataabla-ma kabla.

Yesaia 19:16

Na limeyi lɛmmɔ lɛlɔ ni, Egyipteƒuɔ badubɔta babla aani beleku, na lɛlɔ litaatɔ-ma geen ku bɔyia na Unwoti Katɔti kɔnu kɔni na ɔ́talaku katɔ ɔnii ɔɔƒiɛmi-ma ɔsu.

Sakaria 4:9

“Serubabel nákya kakpakɔ kammɔ kowodu ɔka kalɔ buse, na anwu kani ndubo-nwu bɔwɔlɔ. Na ɔmmɔ ndubɔya na bekyuli ƒui banu bati ka ami, Unwoti Ɔyikune Ƒui, nátala-a lɛ́kya-ma.

Sakaria 6:15

“Na si bekyuli bani nási ɔlɔgyu bébo na bébebunku na bɛ́tu Unwoti Ɔyikune Ƒui kakpakɔ kammɔ ni, bɛdubɔti ka Unwoti ndi ukyuli ɔni nátala-mi ɔ́kya-mii. Na ɔmɛni ɔdububo-nwu kemmo lɛni si bínu na bɛ́di Unwoti bina Katɔti litemi lɛmmɔ lɛlɔ.”