Sakaria 13:8 - Katɔti Ɔku Kedee

⁸ Na si béle-ma kemmo akpa atɛ ni, lɛkpa linwi kani na basɔ badubɔnu na kalɔ kammɔ kemmo.

Sakaria 13:8 Referans Kwoze

Esekiel 5:12

Bina kadi ƒui lɛkpa lɛtɛdi bekyuli badubo bukpi na Yerusalem mɛni na kɔka iye ɔlɛ ɔsu. Na lɛkpa lɛtɛdi bamba lɛnɔ bekpi na kekpokɔ. Na lɛbɔku lɛkpa lɛtɛdi lɛkladi lɛkya kadi bamba bekyuli ƒui akɔ lɛmana. Na badubɔsia-mii anumi na bedie-mii balɛku na badu-mii ƒui.

Budie Taatina 16:19

Na ɔma unengudi ɔmmɔ ɔ́bwɛ úle akpa atɛ, na lɛma linengudi lɛkladi lɛni nkya kayawi ekpo ƒui lɛ́bwɛ ƒui. Mmɔ ni, Katɔti únyimo Babilon ɔma unengudi ɔmmɔ ekpidi na ɔ́ya na ɔ́ni nwuna kɔnyi lɛbibo ɔɔƒɛɛ ɔmmɔ ƒui.

Marko 13:20

Nsu Unwoti ɔ́su úse ka ɔdubɔƒana emeyi ammɔ. Ɔsika si ɔɔɔdi lɛni ni, ukyuli ɔdi biala ulébu. Nsu na nwuna bekyuli bani na ɔ́ƒuna ɔsu ni, ɔdubɔƒana emeyi amɛni.

Daniel 9:27

Na Kwasida unwi kemmo ni, kadi bamba ukyuli ɔmɛni ɔdubo lɛla kpakplaa lɛdi bunyimi ku bekyuli pii badi. Na Kwasida unwi ɔmɛni ntɛ bule kemmo ni, ɔdubɔya na lɛkpa biala ku etela kenye kekulo. Na ɔmmɔ kama ni, liƒula bonwu lɛni ndanku ala bubile bɔmɛni bɔdubo bɔda bɔlɛ mmɔ. Na ɔdubunye mmɔ butédu uwi ɔni na Katɔti ɔ́lɛ ugyii úse ka ɔyila liƒula lɛni muubile ala mɛni udu.”

Yesaia 6:13

Na ina bekyuli bammɔ lɛkpa leevudi kani nébu ni, ama lɛnɔ ndubɔyila-ma udu. Nsu kalɛ na egyukwii eebú teenye si báda egyii báwɔlɔ ni, lɛni na mina badi bani na lɛ́ƒuna badi badubo bubu bulie kama.”

Mateo 22:7

Ɔga ɔmmɔ ɔ́kɛ kɔnyi geen, na ɔ́tala nwuna bekpone na bátádu bekyuli badune bammɔ ƒui na bákyula bana ɔma.

Malakai 3:5

Unwoti Ɔyikune Ƒui ɔnini, “Lɛ́ɛsi ndubo mbatɛku-mii litemi na lɛdu kɔtɔ kɔnakunwi. Ama ndi bani mɔɔdú kabɔ, na baalɛ́ bana bagya ku bele kama, iye baanyi ɔkɔ na litemi katɛkɔ, iye beeyú bana kabla bablane na baláƒɔ-ma kayu ulu lɛlɔ, na baabla bekpinebi ku bekpinele kalala, iye beeyú baƒɔ bani nkya-ma kudɔ ala, na béni banii balabu-mi ƒui.

Yeremia 30:11

Na ndubɔsɔku-mii ku bina bawɔ liboku bina kalɔ kani lɛlɔ na mɔɔgyumana-mii na mɔɔnu-mii lɛlɔ na mɔɔyá na keyi kaayɔ́ku-mii lɛlɔ. Na liƒu biala lɛsɔ lilakya-mii kemmo. Ami Unwoti násu.”

Yesaia 66:24

Mina bekyuli badubusie na batánu bekyuli bani náta bénye-mi lɛlɔ kalɛ na beklubi baakun-ma ɔlɔna na beklubi bammɔ belekpi kudii. Na ogya ɔni mɔɔkyula-ma mmɔ lɛnɔ uleni kudii na lɛla lɛni na badubɔnu mmɔ ɔdi lɛla lɛni muusé lɛlɔ.”

Esekiel 20:38

Ndubo bekyuli bekpidi bani mɔɔta teenye bekyuli lɛlɔ bule bɔsiku bina bakladi kudɔ. Nsu ina ka ndubo-ma bɔkpanku bɔsiku kesii kani na bákpanku-mii bésienku aani bekyuli beƒiedi kalɛ muedi ni, lɛɛɛdubo bɔya na beduo Israel kalɔ lɛlɔ. Na mmɔ na bɛdubo-mi bɔnu bɔti ka ami ndi Unwoti.

Amos 9:10

Bina badi bɛdi bekyuli bekpidi geen, na bɛɛsu bɛnii, ‘Ɔgbankpi ɔdi ɔɔɔdubo-bu bɔsiaku.’ Nsu bina ƒui bɛdubo bukpi na kuwii kenye.

Seƒania 3:12

Nsu bina akɔ bani muuboku lɛlɔ kalɔ buɛɛ na biibo-mi kudɔ bɛnii mbunku-mii ni, amii ɔsu naaayila-mii udu.