Sakaria 12:8 - Katɔti Ɔku Kedee

⁸ Ami Unwoti Katɔti ndubo Yerusalem bɔgyumana na ukyuli ɔni na use kpɛtɛ kpɛtɛ utulo ƒui muedi ni, ɔdubɔyu ɔkplu aani Dawid. Na Dawid ɔmmɔ ɔlati lɛga kadikɔ kadubɔbla aani si ami ɔlati mina ɔtu mɔɔdi kalɔ kammɔ lɛlɔ.

Sakaria 12:8 Referans Kwoze

Sakaria 9:8

Katɔti ɔnini, “Ndubo lɛlɔ bɔklibi buse na lɛgyumana mina kakpakɔ na bekyuli bani muubo banii bebekpo babwɛ ɔtɔ ɔmmɔ ɔsu. Ngyi ala ani ƒui mɔɔlɛ́, na nsɔ lɛɛɛdubo kuƒi bute na ɔdi ubabla mina kadi bekyuli kalala kadi lɛnɔ.”

Sakaria 2:5

Unwoti úse kenye ka anwu ɔlati ndubo kowodu kɔni maka mamana Yerusalem bunwini na utaagyumana-nwu, na anwu kani ndubulie ɔma ɔmmɔ ntɛntɛ na uteekeye na ɔma unengudi ɔmmɔ kemmo.”

Mika 7:16

Kadi bamba bekyuli badubo ɔmɛni bɔnu na beti enu bebi kenye na betile bana atuƒi ku kɔƒa geen, ɔsika bana bekpone badi balakana lɛla lɛni udu na lise lɛni bɔbla.”

Mika 7:8

Mina bekisine, bitakun tɔ lɛmɛnɛ na mina lɛlɔ. Use ka líbuli bɔdi, nsu nsɔ ndubo bɔta. Ina ka ɔƒɛ ɔ́sa ɔ́kya-mi ni, Unwoti ndi mina bukeye.

Yoel 3:10

Bɛla bina anwami ku asaaka bɛkywɛɛ kuwii ku atula. Na bani na beeebo ɔlɔkplu ƒui bata ku kayi na basu banii, “Bananabi ku bekpone na bɔdi.”

Hosea 3:5

Nsu kama ƒui ni, Israel ɔdubɔsɔ unwini usie nwuna Unwoti Katɔti ku nwuna Ɔga Dawid kudɔ. Badubusie Unwoti kudɔ ku bɔyia ku ɔbu. Na emeyi ekplodi ammɔ kemmo ni, badubɔnu nwuna lɛƒɔndia.

Budie Taatina 22:16

“Ami Yesu nátala mina ɔtu lɛ́kya-a nnii ubedie ala amɛni kenye ute awɔ, Yohane, kalɛ na eti asu baƒɔtaadine akpa ammɔ ƒui. Ami ndi Kugyii Ugyiitu ɔmmɔ ɔni ndi Ɔga Dawid kaba kemmo ubi. Ami ndi ɔtanta lɛyabi lɛni muukeye mmɔ.”

Budie Taatina 22:13

Ami ndi Alƒa ku Omega, Udeedi ku Ukplodi, Kalɔ Kesekɔ ku Kawɔlɔkɔ.

Hebriƒuɔ 11:34

Na badi benine lɛgyavonku bonwu lɛni mɔɔkywí teebile ala. Na badi bálɛ bekyuli bani mɔɔwia-ma badu ku kuwii enu kemmo. Na ina ka bekyuli bamɛni ƒui beeebo ɔyikun ɔdi ni, Katɔti ɔ́ya na bénwini bayikune! Na bénwini bekpone bani mbo ɔyikun geen na bádi kadi bamba bekpone ƒui lɛlɔ.

Timoteo 1 3:16

Katɔti litemi kedee lɛni na bédie keyi ni, lɛ́ƒɔ kuye geen na ukyuli biala ulakana na weni-ni. Ani ndi ka, “Blɔti úbo aani ɔyawine ubi. Katɔti Kɔyu kɔ́gyila-nwu na kúte-nwu ubo. Na katɔ batu bánu-nwu. Na bekyuli bákɔ-nwu lɛlɔ lɛsa na kadi ƒui akɔ. Bekyuli pii báƒɔ-nwu bádi na kayawi. Na Katɔti úti-nwu úsienku katɔ.”

Romaƒuɔ 9:5

Ama mbo Israel ɔtɔ eƒi benengu bani na Katɔti ɔ́ƒuna. Na bana akɔ na Kristo ɔni nébo aani ukyuli ɔyawine ɔ́lɛ ɔ́si. Bɛya na bumwi Katɔti ɔni mɔɔdi ala ƒui lɛlɔ ɔ́si ɔƒɛni úsela ƒui. Ɔsia lɛni.

Mateo 1:23

“Adagyaa ɔdi ɔdubɔda kaƒɔ na ɔwɔ ubi ɔnanabi. Na bekyuli badubɔlɔ-nwu banii Imanuel.” Na nwuna kalɔ budie ndi Katɔti ulieku-bu.

Malakai 3:1

“Ami, Unwoti Ɔyikune Ƒui, ndubɔtala ɔtu ɔdi na ɔklibi ulu use ute-mi. Na kɔnakunwi Unwoti ɔni ulu na binye bɛɛnu ni, ɔdubɔda ɔlɛ na nwuna kakpakɔ kemmo. Ɔtu ɔni na bɛɛwia mmɔ ɔ́si ɔdubo ku mina linyese. Na ɔkɛ ulu ɔdubo ɔƒaani.”

Mika 5:8

Ɔƒaani ni, bekyuli négyingya-ma bákya kalɔ ekpo ekpo ƒui. Nsu kama ni, badubɔta na bekpo bana bekisine aani kalɛ na gyata ɔni néti kɔnyi geen ɔɔta teetéƒie koƒonu. Na begyingya bana bekisine bammɔ kɔkɛ kɔkɛ ɔni na ukyuli ɔdi ulakana-ma bɔƒɔ.

Hosea 12:3

Kaƒɔ kemmo ƒui na Yakob úse kalɔ uukpóku ɔnwani. Na ɔni na ɔ́bi lɛlɔ lɛnɔ ni, anwu ku Katɔti bása kayi na békpoku lɛlɔ.

Yeremia 27:10

Ɔsika si bínu bana ɔkɔ etemila ammɔ udu ni, ndubɔya na bakpɛ-mii kalɔ batɔlɔku bina kalɔ lɛlɔ besienku ɔgyu kaaka na batádu-mii na mmɔ.

Yesaia 63:9

Na si ɔ́nu ka béduo lɛbibo lɛdi kemmo ni, uukpóku Unwoti geen na ɔɔyá na nwuna katɔ ɔtu uusié taatáƒɔ teete-ma. Unwoti ɔ́nu kɔnyana geen anwuɔsu na údie nwuna bekyuli ɔ́lɛku bana bubie kemmo. Ɔ́nu-ma lɛlɔ akwa ammɔ kemmo ƒui na use aani bɔgyu na ɔ́gyu-ma ɔda nwuna enu kemmo.

Yesaia 53:3

Bekyuli békisi-nwu na béni-nwu ɔni na nwuna ngba ƒui bɔdi kɔnyana ku lɛbibo sɔɔn. Ukyuli ɔdi uláwia-nwu ulánu na búdie-nwu atu na bɔɔɔdaku-nwu lɛda!

Yesaia 49:7

Ɔmmɔ kama ni, Unwoti ɔni ndi Israel Katɔti Kedee ɔni lɛnɔ ndi bana ngba ɔƒɔne ɔ́su nwuna kabla ɔblane ɔni na bekyuli béni na beekisi-nwu kpakplaa ɔsu na únwini ɔɔbla-ma kabla ɔnini, “Baga badubɔnu-ɔ na bata benye na bagabi badubɔnu-ɔ na bakya-a lili kalɔ, ɔsika ami Israel Unwoti Kede ɔni náƒuna-a mɔɔdi mina litemi lɛlɔ.

Yesaia 30:26

Kɔbuli kɔdubo buteekeye nwaa aani ɔƒɛ, na ɔƒɛ bukeye bɔdubo katɔ bɔkɔ geen akpa maatɛ aani emeyi maatɛ ɔƒɛ bukeye na básala. Katɔti ɔdubɔmana nwuna bekyuli alɛbi ani na báƒɔ na ekpi, na udie ɔgbankpi ɔmmɔ bana lɛlɔ.

Kɔgya 82:6

“Lɛ́ɛsu-mii nnini, ‘Bise aani Katɔti na bina ƒui bɛdi ami Ɔyikune Ƒui bebi.’

Hosea 1:7

Nsu ami ndi Yudaƒuɔ Unwoti Katɔti na ndubɔnu-ma kɔnyana na ndubudie-ma na libunku-ma ɔkɛnku ami ɔlati ɔyikun kemmo. Na ɔɔɔdi kekpo na badubo bukpo iye kɔtaminta iye kuwii kɔni na bekyuli bani muulie bapɔnkɔ lɛlɔ badubɔtu bekyuli ɔsu.”

Israelƒuɔ Bɔlɛ 14:19

Amu na Katɔti ɔtu ɔni ntɔnku Israelƒuɔ únwini útákpɛ-ma kama. Na liƒlukutu lɛni ntɔ-ma anumi lɛnɔ línwini lítákpɛ-ma kama

Israelƒuɔ Bɔlɛ 33:2

Na ndubɔya na mina ɔtu ɔgyumana-mii. Na ndubɔbɔku Kanaanƒuɔ ku Amoriƒuɔ ku Hitiƒuɔ ku Perisiƒuɔ ku Hiwiƒuɔ ku Yebusiƒuɔ bani nlie mmɔ lidie.

Lewiƒuɔ Ɔda Bubo 26:8

Bina nkyuli ɛlɔ bɛdubo bina bekisine eti anyɔ bɔbɔku na bina nkyuli eti anyɔ bɛdubo bana mpim leevu bɔbɔku. Na bɛdubɔdu-ma ƒui na bina kuwii kenye.

Yosua 23:10

Bina kemmo ukyuli biala ɔkana na ɔya na bekisine apim unwi bekeli, ɔsika bina Unwoti Katɔti muukpó bina kekpo teete-mii aani kalɛ na ɔ́su úse.

Kɔgya 8:5

Na áya na úbo úbenye kenyekɔ kani náyu kalɔ blii kétulo na awɔ kadi kudɔ. Na áya na uukeye na bekyuli baabu-nwu.

Yesaia 31:4

Lɛni na Unwoti Ɔyikune Ƒui ɔ́su ɔnini, “Ndubo bɔkwanyi na libo lɛdi aani gyata ɔni na ulayia lɛla ndi lɛla, na lɛtu ntébi kebweyi kani na mɔɔwia liƒie lɛlɔ. Na baƒonu badane kɔvanu kɔdi kulakana-mi bɔbɔku bɔtɔlɔku na neeeƒie lɛla lɛni na mɔɔwia. Udu ɔmmɔ ɔnwa na ndubuti libo mbekpo na Sion Kɔbi lɛlɔ.

Sakaria 9:14

Unwoti Katɔti ɔdubɔda ɔlɛ kayaa na bana eli, na nwuna atula adubo butaatu taavi kayaa aani kalɛ na kayaa kaabwɛ ogya. Katɔti ɔdubɔya na bavwi nwuna kɔkpɛɛ, na ɔdubukpoku nwuna bekisine na ɔƒɛƒɛɛ kpakplaa ɔni mɔɔkya ligede kemmo ɔsi kada kakɛ.

Yesaia 33:24

Unwoti ɔdubuti bina ekpidi ɔkyiɛ-mii, na ɔdi ulasu ɔnii uuƒi.

Sakaria 10:7

Israel ɔdubɔbla aani bekpone bani mbo ogya geen, na lɛlɔ lɛdubo-ma butaayɔ aani bekyuli bani na báni ntɛ. Na si bana bebi lɛnɔ bánu ɔmɛni ni, ebiti adubo-ma bɔda geen na ami, Unwoti, ɔsu.