Sakaria 12:7 - Katɔti Ɔku Kedee

⁷ “Nsu ni, ndubɔya na Yuda ɔ́ka lɛlɔ bɔdi kalɛ na bekyuli balanu Ɔga Dawid lɛga kadikɔ ku Yerusalem ku nwuna bukeye ƒui beletulo Yuda.

Sakaria 12:7 Referans Kwoze

Yeremia 30:18

Unwoti ɔnini, “Israel ndubo-ɔ kɔnyana bɔnu na asɔ enwini ebo ɔma. Yerusalem, ɔƒaani ni, ɔma ɔmmɔ ɔ́bwɛ na uwi aani kebu, nsu badubo-ɔ bɔsɔku bɔtu ƒui kede kede ku baga kesii kawɔdi na bina kɔduli kɔdubunye kesii kani kúnye dii kúbavi.

Romaƒuɔ 3:27

Na bi lɛlɔ na bɔdubɔkana lɛmɛnɛ bɔkun ka ani na bɔ́bla asa na bɔ́kɛ bɔƒɔ? Ku lɛla! Ɔsika ukyuli ulábla siin ka ɔɔdi ɔda bubo bɔmmɔ lɛlɔ ɔsu. Mmomu ɔkɛnku bɔƒɔtaadi lɛlɔ kani na Katɔti ɔɔklibi abu ku-nwu ntɛ.

Sakaria 11:11

Na kalɛ na úbile bunyimi bɔmmɔ ni, bekyuli bani mɔɔdi baƒonu bamɛni kuye bani nánu-mi ni, báti kɔnakunwi ka linyesia lɛmɛni lɛ́si Unwoti kudɔ.

Sakaria 4:6

Anwuɔsu ɔtu ɔmmɔ ɔ́su-mi ɔnii, “Lɛla lɛmmɔ lɛdanku kenye kani na Unwoti ɔ́su Serubabel ɔnini, ‘Ami ndi Unwoti Ɔyikune Ƒui. Utalɛ ka eti ƒula anu asia ƒula ɔyikun iye kenyekɔ kadi lɛlɔ, mmomu mina kɔyu ɔyikun lɛlɔ.’

Amos 9:11

“Nwuna kama ni, ndubɔsɔ libo na mbasɔku Dawid lɛga kadikɔ lise na lɛklibi ala ani néebie mmɔ, na asɔ atɛ kaduɛ.

Yesaia 23:9

Unwoti Katɔti Ɔyikune Ƒui nábla lɛla lɛmɛni udu, kalɛ na ala ani lɛlɔ lɛmɛne bekyuli baakun ka eekeye ayii udu. Na bani na báƒɔ lɛnyi na kalɔ lɛnɔ mɛni uboku-ma kalɔ.

Kɔgya 55:12

Si nka mina bekisine muudumi-mi muedi na báta bénye-mi lɛlɔ ni, nka naaasu lɛla lɛdi na ndubɔbɛ mmomu.

Kɔgya 38:16

Ɔsika lívele-ɔ nnini, “Taya na mina bekisine bama-mi na bakun lɛmɛnɛ ka lígyile nnii muubuli ɔsu.”

Kɔgya 35:26

Mmomu ya na kɔƒa kukpo bani ƒui mɔɔkun lɛmɛnɛ na mina lɛlɔ na mina ɔgbankpi ɔsu. Na aya beƒu na bana ablala kemmo. Na kɔƒa kunwini awu na bakya na bana anumi ewi kalɔ.

Hiob 19:5

Bitakali bɛnii amii bɛdia bitulo-mi bɛ́gya ɔsu na bɛɛnu bɛnii mina ekpidi ɔsu na muubó abi.

Yakobo 4:6

Nsu ka Katɔti ɔɔyɔ́-bu ɔsu ni, ɔɔkya-bu ɔkplu kalɛ na bɔkana bunye kpakplaa. Ɔmɛni ɔsu Bunweni Kedee Ɔku ɔɔsu ɔnini, “Katɔti ulátunaku bekyuli bani mɔɔtalaku lɛlɔ katɔ, mmomu uubunku bani muuboku lɛlɔ kalɔ.”

Yakobo 2:5

Banwa, binu! Bɛgyi geen ka Katɔti ɔ́ƒuna kayawi kamɛni bawabane ka babla nwuna badi. Na ka báƒɔ Blɔti Yesu Kristo bádi ɔsu ni, bénwini kɔyu kemmo ala bakɛne. Na ama ndubuduo Katɔ Ɔga Ɔma aani kalɛ na Katɔti ɔ́su bekyuli bani mɔɔyɔ́-nwu úse.

Luka 10:21

Uwi ɔmmɔ lɛlɔ ni, Katɔti Kɔyu ebiti áƒɔ Yesu lɛlɔ kemmo ƒui na ɔ́su ɔnini, “Ati, katɔ ku kalɔ Unwoti, mɔɔgyá-a enu ɔsika lɛla lɛni na éti ábɛla bakutine ku banundane ni, ani na éti átina bekyuli bani na baaagyi lɛku ku badɔlɔdi. Sɔsɔ na ɔdi, Ati, lɛni geen na aayɔ́ anii ɔlɛ.”