Sakaria 12:5 - Katɔti Ɔku Kedee

⁵ Na kɔdua biala na Yuda mmɔ badubɔnu ka ami ndi Unwoti Ɔyikune Ƒui ɔni ndi bana Katɔti ɔni kudɔ na baakɛ́ bana ɔyikun ƒui taasiku.

Sakaria 12:5 Referans Kwoze

Sakaria 10:12

Ndubo mina bekyuli ɔyikun bɔkya na ukyuli ɔni udu na ndi ɔsu, na lɛya na basiaku-mi. Ami Unwoti násu!”

Yoel 3:16

Na Unwoti ɔɔkwanyi taasiku Sion Kɔbi lili ku lɛdi momoomo, na katɔ ku kalɔ ƒui kaakunku. Nsu Unwoti ɔmmɔ kani ndubɔbla katamikukɔ ku kagyumanakɔ kpakplaa ute nwuna kadi bekyuli Israelƒuɔ.

Kɔgya 18:32

Unwoti Katɔti mɔɔtu-mi akpagya ɔkɛnku nwuna ɔyikun lɛlɔ. Na ɔɔmɛnɛ kuƒi siin teete-bu.

Kɔgya 144:1

Muute Unwoti kusɛ kusɛ. Anwu ndi mina Lɛtakpɛ. Ɔsika anwu mɔɔtina-mi kalɛ na liti mina enu likpo kekpo. Na anwu mɔɔyá na mina animi aata na mina ekpola lɛlɔ.

Kɔgya 18:39

Átu-mi akpagya ku ƒula ɔyikun na lísie kekpokɔ. Na áya na lɛ́di mina bekisine ƒui lɛlɔ.

Yesaia 28:6

Na ɔdubunwini kɔyu kɔni mɔɔtɛ litemi siin ute bani mɔɔtɛ bekyuli etemila. Na anwu ɔmmɔ ndubɔbla ɔlɔkplu ku ɔyikun ute bani nnye ɔban kenye ka babɔku kekpo biala.

Sakaria 12:6

“Na uwi ɔmmɔ ni, ndubɔya na Yuda adua ammɔ enwini aani ogya agyabi bonwu bonwu na egyuku livongu kemmo, iye ogya ɔni mɔɔkya keti litili bonwu lɛdi kemmo. Na ndubɔya na bakya kadi bamba bekyuli bani náka bámana-ma ƒui ogya. Na bekyuli basɔ baƒɔ Yerusalem ɔma pii geen.

Sakaria 10:6

“Ndubɔkya Yudaƒuɔ ku Israelƒuɔ lɛga kɔdikɔ kɔmmɔ ɔyikun. Na ndubɔnu-ma kɔnyana, ɔsika ami ndi Unwoti, bana Katɔti. Ndubunu-ma buvele na lɛkpanku-ma liboku ɔma na ɔbla aani si buni na ńteni-ma kudii.

Yeremia 33:26

Lɛni kani na lɛɛɛdubo Abraham ku Isak ku Yakob bawɔ buni iye libile kenye kani na líse-ma ka nwuna bawɔ ndubo lɛga butaadi uwi biala kudii. Ndubo mina kadi bekyuli Israelƒuɔ lɛƒɔndia lɛdi bɔbla na ala asɔ adianku-ma.”

Yeremia 30:21

Na bina akɔ kani na bɛdubɔkɛ bina ɔtɔnkune bɛsiku. Na si lɛ́lɔ-nwu nnii ubo-mi kudɔ na mina kakpakɔ ni, ɔdubɔni ude-mi na mina lɛkpabi lɛlɔ. Ɔsika ɔdi ulakana-mi bɔni bude si ɔɔɔdi bɔlɔ na lɛ́lɔ-nwu.

Yesaia 60:17

Na ndububoku-mii sika ugyiedi na abualagyie kenye, na liboku-mii sika ɔƒualadi na kalɔ kemmo abuala kpakplaa kenye. Na liboku-mii abualagyie na ligyii kenye na liboku-mii abuala kpakplaa na atabi kenye Na keyi buɛɛ ku litemi bɔtɛ ulu siin lɛlɔ na ndubɔya na utaadi-mii lɛlɔ aani bina batɔnkune kalɛ.

Yesaia 32:1

Ɔga ɔdi ɔdubo ubadi bekyuli lɛlɔ ulu siin lɛlɔ, na lɛlɔ badine batɛ etemila na ulu geen ɔmmɔ lɛlɔ.

Yesaia 29:10

Unwoti ɔ́ya na lɛlɛɛ lɛ́ƒɔ-mii anumi susuusu na bɛ́lɛɛ bísie ɔgyu. Na úti ala úbi bina lili ku anumi amii bani ndi nwuna kenye bediene ku bekyuli bani mɔɔnu ala taasu bekyuli.

Yesaia 1:26

Na ɔmmɔ kama ni, ndubute-mii litemi batɛne babuni ku kasusu betine aani bani nákya-mii akɔ kuuku. Na bekyuli badubɔsɔ balɔ Yerusalem banii Ɔma unengudi ɔni kemmo baatɛ litemi geen ku Ɔma unengudi ɔni bekyuli mɔɔdi etemila lɛlɔ.’ ”

Yesaia 1:23

Na ɔma umodi ɔmmɔ batɔnkune bénwini bekyuli bani mɔɔta teenye-mi lɛlɔ, na baadiku beyune kɔkpana, na baaƒɔ́ ala na bɔbɛ kemmo taasiku bekyuli kudɔ. Béni ka bekpo bete bekpinebi. Na bekpinele litemi ani lɛɛɛkɛ-ma munu munu.

Yesaia 1:10

Amii bani nse aani Sodom batɔnkune, bise atu na binu Unwoti lɛla lɛni na ɔɔsu, binu bula Katɔti ɔda bubo, amii bani nse aani Gomora kadi bekyuli!

Kɔgya 46:1

Unwoti ndi bula katamikukɔ na anwu muute-bu ɔyikun. Unye-bu kudɔ uubunku-bu uwi ndi uwi na ala ani muukpóku-bu ƒui kemmo.

Litemi Batɛne 5:9

Nsu mina kayi kasia Israelƒuɔ bagabi lɛlɔ ku nkyuli ɛlɛɛ bani néti lɛlɔ béte ƒaa lɛlɔ. Anwuɔsu bɛya na bumwi Unwoti.

Sakaria 12:4

Na ndubɔya na ɔtɔtɔ ɔgyu ɔpɔnkɔ biala na bana beliene lɛnɔ beƒu. Nsu na uwi ɔmmɔ kani lɛlɔ ni, ndubo Yuda lɛlɔ butaanu. Na ndubɔya na bekisine bammɔ bapɔnkɔ anumi abwɛ na basɔ balakana bɔnu.

Sakaria 14:14

útédu ka Yudaƒuɔ bata na benye Yerusalemƒuɔ kama na bekpoku bekisine bammɔ. Na ɔgbankpi ɔmɛni kani ndububo bebuo bani nlie amadɔ mmɔ ƒui lɛnɔ lɛlɔ bani ndi bapɔnkɔ ku bebuo ala betine beblidi ku benengudi ku baƒlumu lɛnɔ lɛlɔ. Na kawɔlɔkɔ ni, lɛla biala na lɛ́ƒɔ kadi kani náka bámana mmɔ kuye ni, ku bana sika ugyiedi ku ɔƒualadi ku adala esu esu ammɔ ƒui ni, badubɔla-nya beboku Yerusalem.

Yesaia 28:5

Si uwi ɔni na ala amɛni álɛ lɛni áwɔlɔ ni, Unwoti ɔni ndi kadi ƒui Unwoti ɔdubunwini kagabwa kani muukeye ku lɛka lɛni bédi na lɛɛdia bɔnu na nwuna nkyuli ɛlɛɛ bani mebu lili.

Yesaia 45:24

Na bana ƒui badubɔtuna ka sɔsɔ na ɔdi ka ami lɛti kani mɔɔbla ala ulu siin lɛlɔ. Na ɔdi biala na úti kɔnyi ɔ́kya-mi ni, kɔƒa kɔdubo-nwu bukpo geen na unwini ubo-mi kudɔ.