Sakaria 12:2 - Katɔti Ɔku Kedee

² Ami náya na Yerusalem únwini aani ntɛ ku kalaku bonwu na liku bekyuli kɔlɔ bekyuli baaní-mu teekpi. Na si békpoku Yerusalem ni, na badubo Yuda lɛnɔ bukpoku.

Sakaria 12:2 Referans Kwoze

Sakaria 14:14

útédu ka Yudaƒuɔ bata na benye Yerusalemƒuɔ kama na bekpoku bekisine bammɔ. Na ɔgbankpi ɔmɛni kani ndububo bebuo bani nlie amadɔ mmɔ ƒui lɛnɔ lɛlɔ bani ndi bapɔnkɔ ku bebuo ala betine beblidi ku benengudi ku baƒlumu lɛnɔ lɛlɔ. Na kawɔlɔkɔ ni, lɛla biala na lɛ́ƒɔ kadi kani náka bámana mmɔ kuye ni, ku bana sika ugyiedi ku ɔƒualadi ku adala esu esu ammɔ ƒui ni, badubɔla-nya beboku Yerusalem.

Kɔgya 75:8

Ɔsika Katɔti ɔdubɔda ntɛ bɔni na básala ku ala bamba ɔɔƒɛɛ keyile bɔni na nwuna kɔnyi kɔ́ya na buuƒuƒuo. Na Katɔti ɔdubo ntɛ bɔmmɔ buwilimi bute balalane na kayawi ƒui na bani utédu eku.

Yesaia 51:17

Yerusalem kadi bekyuli, bɛta! Bɛta binye, ɔsika Unwoti lɛtuni lɛni na úte-mii na bɛ́ni aani ntu na ɔɔƒɛɛ kemmo límo-mii lɛ́vili ɔƒaamu. Bɛ́ni lɛla biala útédu eku ekplodi na bɛsɔ bilakana na bisie ligeen.

Budie Taatina 18:6

Amii Katɔti batu ni, bɛƒɔ-ma kayu na lɛla lɛni na bábla Katɔti kenye. Na bɛƒɔ-ma kayu kammɔ akpa anyɔ na bana ablala kenye. Ala ani na ɔma ɔmmɔ ɔ́sala aani ɔdu ala na ɔɔƒɛɛ kemmo úte bekyuli na báni ni, bɛsala ɔdu ɔmmɔ akpa anyɔ na ɔɔƒɛɛ ɔmmɔ kani kemmo na bite nwuna bekyuli na bani!

Budie Taatina 16:19

Na ɔma unengudi ɔmmɔ ɔ́bwɛ úle akpa atɛ, na lɛma linengudi lɛkladi lɛni nkya kayawi ekpo ƒui lɛ́bwɛ ƒui. Mmɔ ni, Katɔti únyimo Babilon ɔma unengudi ɔmmɔ ekpidi na ɔ́ya na ɔ́ni nwuna kɔnyi lɛbibo ɔɔƒɛɛ ɔmmɔ ƒui.

Budie Taatina 14:10

Ama na Katɔti ɔdubɔya na bani nwuna kɔnyi lɛbibo ɔɔƒɛɛ ku ɔdu kati kati! Ogya ku ogya atabi adubo-ma bɔkyula na Katɔti batu kedee ku Koƒonu Ubi anumi.

Habakuk 2:16

Kɔƒa kɔdubo-mii bukpo na basɔ belemwi-mii. Ɔsika Unwoti ɔdubɔya na bɛni ntɛ bikpi na bina bakpana banu-mii kasɔngya na bɛyila ɔbu biala na bana anumi.

Yeremia 51:57

Ami Unwoti Ɔyikune Ƒui ɔni ndi Ɔga geen ɔmmɔ, muusé kenye ka Babilon benengu ku bana kasusu bakyane ku aban bagadine ku batɔnkune bammɔ ƒui badubo bɔlɛɛ aani ntɛ mɔɔda-ma na basɔ baaadubo bɔtɔ kudii.

Yeremia 51:7

Babilon úse úte-mi aani sika ugyiedi ɔɔƒɛɛ ɔni kemmo na mina kɔnyi kúyi tɛtɛɛtɛ. Na kalɔ lɛlɔ ƒui kadi bekyuli báni ntɛ bɔmmɔ békpi na basɔ beleti kasusu kadi.

Yeremia 49:12

“Na kadi bani bekyuli na útalɛka nka bani-ma kɔtu muedi ni, badubo mina kɔnyi bɔni aani kalɛ na baaní lɛla lɛdi na ɔɔƒɛɛ kemmo na bebo abi. Anwuɔsu bina ɔdi ulakana bulekeli.

Yeremia 25:17

Amu na lɛ́ƒɔ ɔɔƒɛɛ ɔmmɔ lɛ́siku Unwoti kɔnu kemmo na lɛ́tɔlɔ lísie kadi baga bammɔ kudɔ na lɛ́ya na ɔdi biala ɔ́ni bɔdi.

Yeremia 25:15

Unwoti Israel Katɔti údie lɛla lɛdi ɔ́tina-mi na kɔyu kemmo na ɔ́su-mi ɔnini, “Yeremia, aanu ɔɔƒɛɛ ɔdi mɛni ɔni kemmo na ntɛ bɔni nnye nte mina kɔnyi kúyi tɛtɛɛtɛ. Ƒɔ na aya na kadi biala bekyuli bani bɔdi.

Yeremia 8:14

Yudaƒuɔ básu lɛlɔ banini, “Bi ɔsu na bɔ́sɔ bunye bɔɔnu? Bɛya na bukeli buteesie lɛma lɛni na bátu bámana-ni kemmo na butékpi na mmɔ. Bɔ́ta búnye Unwoti lɛlɔ na bádu-bu kɔtɔ banii bɔni ugyulo ukpidi na bukpi.

Sakaria 14:2

Nsu ɔdubo bɔya na baka Yerusalem bubekpoku na beyu bekyuli kɔduli ala na beƒie beleku batɛ-ma kudɔ ku ɔkplu, na betiku ɔma ɔmmɔ bekyuli kakɛ kenwi ƒui batɔlɔku ina ka badubɔya na badi bebu bakya kama.