Biblia Todo Logo
Bib sou entènèt

- Piblisite -




Sakaria 12:10 - Katɔti Ɔku Kedee

10 “Ami Unwoti ndubɔya na Yerusalem bebi ku bawɔ ƒui beduo kɔnyana bonwu kɔdi kemmo na bakpali-mi bevele uwi ɔni na bánu ukyuli ɔni na bátu lɛtula lɛdi. Na badubo-nwu buwulo aani kalɛ na bawɔne badi beewulo bana ubi unwi pɛ ɔni na báwɔ na úkpi iye ubi udeedi ɔni na báyila.

Gade chapit la Kopi




Sakaria 12:10
39 Referans Kwoze  

Bɛnu! Aanu-nwu ka ɔ́si kayaa ɔdubo na kemmo! Ukyuli biala ɔdubo-nwu bɔnu ku bani ƒui nábla-nwu kalala. Kayawi bekyuli ƒui badubuwulo kɔnyana ku keku. Ɔsia lɛni.


Nsɔ lɛɛɛdubo kama bunwini bɔkya mina kadi bekyuli Israelƒuɔ kudii, na mina Kɔyu kɔdubo bulieku-ma. Ami Unwoti násu.”


Beeyú bekyuli teekpoku-ma ɔni na baaagyi beeese. Anwuɔsu ni, mina bekyuli, bise kalɔ biteewulo kɔnyana ku keku aani si bina ubi unwi pɛ ɔdi nékpi. Na bɛda lɛlɔ ku ala ani mɔɔtina ka biiwulo kɔnyana na bɛtɛ biteebo teeminime ntɔ akɔ.”


Na ɔƒaani ni, Katɔti úte-nwu kenyekɔ kenengudi na nwuna kɔdianu, na úti nwuna Kɔyu úte-nwu aani kalɛ na ɔ́su úse. Lɛni na anwu lɛnɔ ɔ́tala-ku ɔ́kya-bu. Anwuɔsu na bɛɛnu na biinú lɛla lɛni mɔɔlɛ́ mɛni.


Na Katɔti Kɔyu kɔkya-mii lɛlɔ kemmo na bitaakpali katɔ uwi biala teevele Katɔti kebunku aani kalɛ na Kɔyu kɔmmɔ kɔ́tina-mii. Ɔmɛni ɔsu ni, binye kagyumana na enu ataƒɛ-mii. Na bitaakpali katɔ teete Katɔti bekyuli ƒui lili.


Na ulu ɔmɛni lɛlɔ na Katɔti Kɔyu kuute-bu kebunku, ɔsika buse kpɛtɛ kpɛtɛ, na bɔɔɔgyi kalɛ bɔkpali Katɔti bɔvinku. Nsu nwuna Kɔyu kɔmmɔ ɔlati kuuvele na kuudumo teete-bu kalɛ udu na abu bulaka budie bɔtina.


Katɔti útete-mii kɔyu kɔni náya na binwini liƒu ala kabla bablane. Mmomu úte-mii Kɔyu kɔni náya na binwini nwuna bebi. Na ɔkɛnku Kɔyu kɔmmɔ lɛlɔ ɔsu na bɔɔkpali Katɔti bɔnii, “Abba” ɔni kalɔ ndi mina Ati.


“Ala adi adubɔlɛ na kayaa ani mɔɔtina ka Ukyuli Ɔyawine Ubi ɔdubo. Na kayawi bekyuli ƒui badubuwulo na bana ekpidi ɔsu uwi ɔni na badubɔnu ka Ukyuli Ɔyawine Ubi ɔkɛ ulɔyɔ kemmo ɔ́yu ɔ́si kayaa ɔdubo na bukeye bonwu ku ɔyikun kemmo.


Na bina emeyi buni ani na bɛɛdi ƒui ndubɔya na enwini keku ku kɔnyana buwulo sɔɔn. Na bina adala adubunwini adikpi ekuku na bikpeyi eli bɛkɛ bitaavi. Na ɔdubɔbla aani si ubi unwi pɛ ɔni na ukyuli ɔdi ubo náyii-nwu na uuwulo. Na limeyi limodi lɛmmɔ lɛdubɔbla ɔdu kati kati sɔɔn limeyi.”


Na bɛya na butaanu Yesu lɛti pɛ anumi. Anwu ntɔnku-bu na anwu kani ndubɔya na bula bɔƒɔtaadi bɔbla bɔƒɔtaadi geen bɔwɔlɔ. Ka ɔgyi lɛlɔyɔ lɛni na Katɔti ɔdubɔya na ɔkɛ ɔsu ni, ɔ́kya ɔkplu na úbo abi na ugyii lɛlɔ. Na útakpete edumi ku kɔƒa kɔni bákya-nwu. Na ɔmmɔ kama ni, útélie lɛgaboku lɛlɔ na Katɔti kɔdianu kesii kani náƒɔ kuye ketulo.


“Na ɔmɛni kama ni, líse kalɔ mɔɔsu-ma litemi buni lɛmɛni. Nsu asa na meduo litemi buni lɛmɛni ɔlati kemmo ni, Katɔti Kɔyu kúbo na kɔ́ƒɔ-ma lɛlɔ kemmo ƒui aani kalɛ na kɔ́ƒɔ abu lɛnɔ lɛlɔ kemmo ƒui na kalɔ kesekɔ!


Yudaƒuɔ baƒɔtaadine bani násiaku Petro bébo mmɔ ni, litemi lɛmɛni lítakɔsi na lɛ́bla-ma dɛye dɛye! Ɔsika Katɔti Kɔyu kɔ́yu kubo bani naaadi Yudaƒuɔ lɛnɔ lɛlɔ.


Ɔ́su ɔnini, “Na emeyi ekplodi kemmo ni, ndubuti mina Kɔyu lite bina akɔ ɔdi biala na bina bebi bananabi ku belekubi badubo-mi kenye budie. Na bina benengu badubo ana buteegye. Na bina bakloƒu lɛnɔ banu kɔyu kemmo ala budie taatina.


Unwoti ɔnini, “Amii Israel ku Yuda kadi bekyuli, uwi ɔni na ala amɛni adubɔlɛ ni, bɛdubo buwulo na bɛsɔ binwini bisie kalɔ lɛlɔ na bɛkpa-mi bina Unwoti ku Katɔti.


Badubo buteewulo na baatákpali-mi teevele uwi ɔni na bakɛ ulu badubo ɔma. Na ndubo-ma bɔkpanku busienku abiɔ ani kemmo na ntu bɔbuni bɔkya na bani. Na badubɔsia ulu ɔni ntɛ kalɔ ƒiaa lɛlɔ na beletulo iye bagbanta. Ɔti na ndi nte Eƒraim mina kaƒɔ ubi udeedi ku nwuna badi.


Uwi ɔni na Unwoti ɔdubɔsɔku nwuna kɔyu ute-bu ɔsiku katɔ ni, kɔlɔ kɔkwiidi ƒui kɔdubunwini adingyii mmo bɔni adingyii ndubɔlɛ lili abla aani aku, na kalɔ kammɔ kadia geen.


Nsu ni, mina banwa, biti lɛlɔ bɛsia Kristo kalɛ na bina bɔƒɔtaadi kedee bɔyu ɔkplu, na bitaakpali katɔ na Kɔyu kemmo na ɔkya-mii ɔyikun.


Amu ka bekyuli bamɛni bénu Petro etemila amɛni ni, ékpoku-ma na kayi kemmo. Anwuɔsu béye-nwu ku batalane bakladi banii, “Banwa, bi na ɔlɛka bɔbla?”


Si bunu na bínu-mi bɔdɔnku ni, nka ala ani ƒui nkya-mi kayi kemmo na ndubudie lɛsu-mii, na lɛya na bɛti mina lili kemmo kakali ƒui.


Mmomu na asɔku mina ngba bɔƒɔ lɛlɔyɔ lɛni na éte-mi mmɔ akya-mi lɛlɔ kemmo. Na aya na lɛkana bunye kpakplaa na ntaadi ƒula litemi lɛlɔ.


Na Petro únyimo lɛla lɛni Yesu ɔ́su ɔnini, “Asa na akɔkɔ ɔdubute kenye ni, adubɔsu kɔtɛ sɔɔn ka aaagyi-mi.” Anwuɔsu ɔ́lɛ keyi na útéwulo geen.


Kadi kégye ni, Yohane ɔ́nu ka Yesu ɔ́si ɔdubo. Amu na ɔ́su bani nnye-nwu kudɔ mmɔ ɔnini, “Bɛnu! Ɔmɛni ndi Katɔti Lɛkpa Koƒonu Ubi ɔni ndubo bayawine ekpidi buni budie-ma lɛlɔ.


Uwi ɔni na ndi ɔnamu na lɛ́kya mina ɔti kaduli, na ami kani ndi mina uni ubi ɔnanabi ni,


“Bɛlɔ kayawi bekyuli ƒui na bebo-mi kudɔ na bakɛ ngba bɔƒɔ. Ami lɛti kani ndi Katɔti! Na badi baasɔ baaadi lɛla geen lɛdi.


Uwi ɔni na bɔmu bɔdi banamu ni, bɔ́yii ulu na bɔ́bla likpidi bɔ́ƒiɔ-ɔ. Nsu bɔ́nu lɛla lɛni na bɔ́bla-a mɛni bɔ́ti. Kɔƒa kuukpó-bu na bɔɔwia ku bunwini bubo-ɔ kudɔ.’


Mmɔ na bɛdubo bina alaekpidi ku kalala kani na bɛ́bla bunyimo na bina lɛlɔ lɛdubo-mii lɛlɔ buse na kɔbɔ ala ani na bɛ́bla na aladia bɔnu munu munu ɔsu. Na ɔmmɔ ɔsu na bítamanku ka lɛƒɔ-mii,


Mina Kɔyu kɔdubɔya na ɔƒɛƒɛɛ ɔsɔ uduo-mii lɛlɔ kemmo na bɛsɔ bibelie ngba. Ami Unwoti násu. Ndubɔsɔku-mii liboku bina ɔma na bɛti ka lɛ́di mina linyese lɛlɔ. Ami Unwoti násu.’ ”


Na ndubɔƒɔ bani nébu mmɔ lɛlɔ na lɛbla-ma kedee na lɛkɔku-ma lɛnu aani kalɛ na baaƒɔ sika ugyiedi ku ɔƒualadi taanu nwuna bɔdia. Na badubo-mi bɔkpali buvele ala na linu na libunku-ma. Na ndubɔsu nnii, ‘Mina bekyuli na bɛdi,’ na ama lɛnɔ badubɔsu banii, ‘Awɔ Unwoti ndi bula Katɔti.’ ”


Na etemila ammɔ kama ni, Yoseƒ ɔ́sɔ útakana kayi bɔkya na bani nnye ƒui anumi. Ɔmmɔ ɔsu ɔ́va ɔ́su nwuna bebunkune bammɔ ɔnini, “Ɔdi biala ɔvi ɔlɛ!” Na ka bávi bálɛ ni, kébu Yoseƒ ku nwuna banwani lɛti asa na údie lɛlɔ ɔ́tina-ma.


Na úwulo keku momoomo ɔni na Egyipteƒuɔ bani na amadɔ ƒui bénu-nwu kɔku. Na bátásu Ɔga Unengudi Ƒarao kaduli bekyuli lɛnɔ.


Anwuɔsu Mose úti lɛbualagyie na ɔ́vɔ kɔlakpi na úti-nwu ɔ́ƒala ugyii lɛlɔ. Mmɔ na si kɔlakpi kɔ́du ukyuli ɔdi na ɔ́talaku nwuna lili ɔ́nu kɔlakpi kɔmmɔ pɛ na nwuna ɔlɛ ɔ́ɔba-nwu.


Ɔmɛni ɔsu adaka ɔmmɔ ɔ́kya-nwu kudɔ na Kiriat-Yearim mmɔ akwa aavlanyɔ. Na uwi ɔmɛni kemmo ƒui ni, Israelƒuɔ béwulo kɔnyana geen na bévele Unwoti banii ubunku-ma.


Swiv nou:

Piblisite


Piblisite