Sakaria 12:1 - Katɔti Ɔku Kedee

¹ Linyesia lɛmɛni lɛdanku Israel na lɛ́si Unwoti kudɔ lɛnini, “Ami ndi Unwoti! Na ami nébimi kayaa lɛ́ƒala katɔ, na lɛ́ya na kalɔ kenye kana ɔka lɛlɔ, na líti ɔƒɛƒɛɛ líte ukyuli na ɔɔnwuna.

Sakaria 12:1 Referans Kwoze

Yesaia 42:5

“Ami ndi Unwoti Katɔti ɔni nédie katɔ lɛ́ƒala kayaa. Na ami nédie kalɔ ku ala ani na akya-ka kemmo ƒui. Na bekyuli bani ƒui nli kalɔ lɛlɔ ni, ami muute-ma ngba ku ɔƒɛƒɛɛ ɔni na baanwuna.

Yeremia 51:15

Katɔti úti nwuna lɛnunda ku ɔyikun na údie kalɔ ku kayaa ala ƒui.

Yesaia 57:16

Mina kadi bekyuli, lɛɛɛdubo kɔnyi buti bɔsɔ bulie butaadu-mii kɔtɔ kani. Ɔ́bla bi ɔ́bla dɛ ni, ami nédie-mii líboku kayawi. Anwuɔsu lɛɛɛdubo bɔya na enu aƒɛ-mii na bɛyila lɛnunsia ƒui.

Hebriƒuɔ 12:9

Ɔmɛni kama bubo bati bani náwɔ-bu na kalɔ kamɛni lɛlɔ na baaní-bu kɔtu na bɔɔbu-ma lɛnɔ na ɔmɛni ɔsu. Anwuɔsu ɔlɛka buboku lɛlɔ kalɔ bute Katɔti ɔni ndi bula kɔyu kemmo Ɔti kalɛ na bulie ngba.

Yesaia 48:13

Ami ɔlati néti mina enu na lídie kalɔ na líbimi kayaa lɛ́ƒala katɔ na beenú-mi lɛdi uwi biala na lɛ́kpali-ma.

Yesaia 44:24

“Israel, bɛnu bɛti ka ami ndi Unwoti, na mina kudɔ na ngba ƒui bɔɔlɛ́ taasi. “Ami náƒɔ-mii ngba, na ami nédie lɛla biala na lɛkya katɔ úbalɛ kalɔ lɛlɔ ƒui.

Etemila 12:7

Lɛni na bula ɔlɔna ɔɔsɔ teenwini teesie kalɔ kemmo na ɔƒɛƒɛɛ ɔni nkya-bu lɛlɔ kemmo uute-bu ngba mmɔ ɔsɔ uunwíni teesie Katɔti kudɔ.

Bumomo Bɔka 16:22

Nsu Mose ku Aaron báyula bana lili kalɔ na báva momoomo bákpali Katɔti basu-nwu banini, “O Katɔti, awɔ Katɔti ndi bayawine ƒui ayu ɔti, buti na adubuti kɔnyi akya kasala kammɔ ƒui na ukyuli unwi ɔdi likpidi ɔsu?”

Ala Kalɔ Buse 2:7

Unwoti Katɔti ɔ́vɔ ukyuli ɔ́lɛku kalɔ kammɔ lɛti kemmo. Na ɔ́nwuna ɔƒɛƒɛɛ ɔni muute ngba ɔ́kya ukyuli ɔmmɔ enwu kemmo aani ɔyawine.

Esekiel 18:4

Ɔsika ngba bɔni na bawɔne ku bebi bammɔ ƒui belie ni, ami na belie-mu bete. Na bani nábla likpidi lɛdi kani ndubo bukpi.

Yeremia 38:16

Mmɔ na úse kenye ɔnini, “Lɛ́kpali Unwoti, ala ƒui Udiene ɔni nli ngba uwi ƒui, ka lɛɛɛdubo bɔya na badu-ɔ, na ɔdi biala lɛnɔ ulénu lɛla lɛni na bɔɔsu na ɔdi lɛnɔ uládu-ɔ.”

Yeremia 30:16

“Nsu si bina bekisine bákɛ kenyekɔ na banii bɛɛyú-mii iye bayila-mii udu ni, ami lɛnɔ ndubo-ma buyu iye lɛyila-ma udu. Na badubuƒie ama lɛnɔ besienku kaƒɔ ɔlɔgyu.

Hiob 26:7

Anwu nli nwuna keliekɔ kakaaka na úbimi kayaa ɔ́ƒala katɔ, na ɔ́ya na kalɔ kammɔ ƒui lɛnɔ kaƒa na lɛla lɛdi lɛɛɛda-ka.

Yeremia 10:12

Ƒula lɛnunda ku ɔyikun na éti édie kalɔ ku kayaa ala ƒui.

Yesaia 51:13

Ami nébimi kayaa lɛ́ƒala katɔ na lɛ́kya kowodu kalɔ ɔka líte kalɔ kammɔ ƒui. Nsu amii bɛ́yiƒala ami bina Unwoti ku Udiene, na bekyuli bani néti kɔnyi bákya-mii na baawia ka badumi-mii mmomu na bilie bɛɛyia uwi ndi uwi, nsu wɛ na bakya ɔƒɛni?

Yesaia 45:18

Unwoti lɛti kani ndi Katɔti! Anwu nédie katɔ ku kalɔ kesii kani na bekyuli bakana bulie, utulo ka udie ketele kalɔ kakwiidi sɔɔn kani kemmo na lɛla lɛdi liiibo. Unwoti lɛti kani ndi Katɔti, na ɔbambadi ɔdi ɔsɔ uuubo.

Yesaia 45:12

Ami nédie kayawi na lɛ́bla ukyuli lɛ́kya-ka kemmo. Ami ɔlati néti mina enu na línene kayaa lɛ́ƒala katɔ ku ala ekeyedi ani ƒui nkya kayaa mmɔ.

Yesaia 40:22

Anwu ɔni nédie kayawi ni, uli nwuna lɛgaboku lɛlɔ na ɔɔdi kayawi bekyuli ƒui lɛlɔ ɔ́ka ɔ́mana ɔ́si kayaa katɔ katɔ ƒui. Údie kayaa kammɔ na kebi bekyuli lɛlɔ na bakya-nwu kemmo aani kɔdi kevo bonwu, na ɔɔnu-ma teemene aani bakpɔtilikpɔ.

Yesaia 40:12

Ɔma ndubɔkana na ɔkɔku ɛpu ntu bumomo ku bɔgyu na nwuna lɛkɔkɔ iye unene kayaa ku nwuna enu na ɔti kana bune? Ɔma ndubɔkana na ɔsala kalɔ kamɛni lɛti uwi kagyigyɛ kemmo? Na ɔma ndubɔkana na uti abi ku abinkpo ɔsia unu lɛkɔkula lɛlɔ, na ɔti-nya unu?

Kɔgya 104:2

Na kalɛ na eekeye use aani awu na akya. Na ébimi katɔ áƒala kayaa aani kevo kɔdi kpakplaa kalɛ.

Malakai 1:1

Unwoti ɔ́su Malakai kenye kadi na kadanku Israel kalɔ.

Sakaria 9:1

Unwoti ɔnii nwuna anumi asia ukyuli biala lɛlɔ, na bani ɔdi mbo ɔkplu utulo ƒui ndi Israel adua ammɔ. Na ɔ́tɛ litemi ɔ́du Hadrak ku Damasko lɛma linengudi lɛmmɔ kɔtɔ.

Yoel 3:21

Na bekyuli bani ƒui na bádu ni, ndubo bana badune ƒui bɔdu budie kasi. Ami Unwoti nli Sion.”

Yoel 3:19

Egyipte ku Edom kɔlɔ kɔdububie kunwini kɔlɔ kɔkwiidi kɔni nsɔ naaadubo lɛla lɛdi bɔdia na kɔsɔ kuwi ukpludi na kalala kani na bábla Yudaƒuɔ ku bekyuli bani na bádu, nsu bátabla lɛla lɛdi ɔsu.

Kɔnyana Buwulo 2:14

Ƒula kenye bediene bátɔlɔ-ɔ ku ɔkɔ kɔyu kemmo ala bɔnu ku linyesia lɛni naaadi litemi geen. Bétedie ƒula bɔƒiɔ bátatina-a, na enwini ƒula ekpidi kama na akɛ bɔƒɔ. Mmomu bányi ɔkɔ na bátɔlɔ-ɔ bátáyila.

Yeremia 50:34

Nsu ami Unwoti Ɔyikune Ƒui ndubo-ma budie na lɛya na bakɛ keyi buɛɛ na bana kalɔ kemmo na bukpoku bubo amii lɛlɔ mmomu.

Yeremia 30:10

“Amii, mina bekyuli bani nkya katɔ ku kada ƒui, bɛsɔ bitayia. Ami ɔdi na bɛdi bɛ́manku ka lɛni-mii kɔtu, anwuɔsu na lígyingya-mii lɛ́kya kadi bamba bekyuli akɔ na ɔlɔgyu kakaaka. Nsu nsiaku-mii na ndubɔyila kadi bamba bakyuli bammɔ udu.

Hiob 37:18

Bɔkana na adubɔkana na ebunku Katɔti na bibimi kayaa bɛƒala katɔ aani lɛbuala ligyiedi kɔɔlɛ kɔni békuo kede kede na kuukeye aani asogya?

Ala Kalɔ Buse 1:8

Na kuƒi kɔmmɔ na Katɔti ɔ́lɔ ɔnii kayaa. Na useyi údu na kadi kégye na limeyi linyɔdi lɛ́vi.

Kɔgya 134:3

Na anwu Unwoti ɔni nédie katɔ ku kalɔ ni, ute-mii kusɛ kusɛ ɔ́siku Sion.