Sakaria 11:6 - Katɔti Ɔku Kedee

⁶ Nu baƒonu bammɔ lɛlɔ, ɔsika ami Unwoti nsɔ lɛɛɛdubo kalɔ kamɛni lɛlɔ bekyuli kɔnyana bɔnu. Mmomu ndubɔya na bata benye lɛlɔ lɛlɔ na benwini kabla bablane bete ɔga ɔdi. Badubuti ɔgbankpi bonwu beboku kalɔ kammɔ lɛlɔ, na lɛɛɛdubo lɛla lɛdi bɔbla na likpo lidie-ma.”

Sakaria 11:6 Referans Kwoze

Yeremia 13:14

Na ndubo-ma buti bubonku lɛlɔ aani ebui ammɔ kalɛ. Na lɛɛɛdubo bakloƒu ku begblebi ku benengu bammɔ ƒui kɔnyana bɔnu, mmomu ndubo bana ƒui udu bɔyila. Ami Unwoti násu.’ ”

Mateo 22:7

Ɔga ɔmmɔ ɔ́kɛ kɔnyi geen, na ɔ́tala nwuna bekpone na bátádu bekyuli badune bammɔ ƒui na bákyula bana ɔma.

Mika 5:8

Ɔƒaani ni, bekyuli négyingya-ma bákya kalɔ ekpo ekpo ƒui. Nsu kama ni, badubɔta na bekpo bana bekisine aani kalɛ na gyata ɔni néti kɔnyi geen ɔɔta teetéƒie koƒonu. Na begyingya bana bekisine bammɔ kɔkɛ kɔkɛ ɔni na ukyuli ɔdi ulakana-ma bɔƒɔ.

Kɔgya 50:22

Bɛkali ala amɛni lɛlɔ bɛnu kaduɛ amii bani náyiƒala-mi. Si ɔɔɔdi lɛni ni, ndubo-mii udu bɔyila ɔni na ɔdi ulakana-mii bɔƒɔ.

Yakobo 2:13

Ɔsika si Katɔti ɔɔtɛku ɔdi litemi ni, ɔɔɔdubo-nwu kɔnyana bɔnu si ukyuli ɔmmɔ ulánu kɔnyana. Nsu si ɔdi ɔɔnu kɔnyana ni, Katɔti uládu-nwu kɔtɔ.

Hebriƒuɔ 2:3

dɛ na bɛɛkali bɛnii bɔdubɔkana na bukeli kɔtu bɔni bɔni nse nte-bu si búni ngba bɔƒɔ bonwu bɔmɛni? Bɔƒɔ bɔmɛni lɛsa na Blɔti ɔ́ka bɔkɔ bute-bu. Na bekyuli bani ƒui nénu lɛsa lɛmɛni ni, básia kama na bédie-ni básu-bu nwaa.

Tesalonikaƒuɔ 1 2:16

Béti básia lɛlɔ banii butasu bani naaadi Yudaƒuɔ litemi buni lɛmɛni kalɛ na bakɛ ngba ƒui. Na baatɛ ekpidi etila taasia ekpidi kama teete lɛlɔ ani nédu kesii kani na Katɔti kɔtu bɔni bubo-ma lɛlɔ.

Yohane 19:15

Amu na báva básu banini, “Gyunku-nwu! Gyunku-nwu! Kana-nwu mana ugyii lɛlɔ!” Mmɔ na Pilato úye-ma ɔnini, “Bɔkana na nkana bina Ɔga mmana ugyii lɛlɔ?” Amu na bakpane benengu bammɔ básu-nwu banini, “Buuubo ɔga ɔdi buuutulo Romaƒuɔ Ɔga Unengudi Kaesare!”

Mateo 24:10

Bekyuli bani náƒɔ-mi bádi pii badubunwini kama bakya-mi uwi ɔmmɔ kemmo. Na badubɔkya bana bakpana kakya na beteekisi lɛlɔ.

Mateo 10:21

“Na uwi ɔmmɔ kemmo ni, bekyuli badi badubuti bana banwa alati bete na badu na ami ɔsu. Na bebi bati badi lɛnɔ badubɔbla lɛni na bana bebi lɛlɔ. Bebi badubɔta benye bana bawɔne lɛlɔ na bakya-ma kakya kalɛ na badu-ma.

Malakai 4:6

Na ɔdubɔtɔnku bebi ku bawɔne na bataayɔ lɛlɔ teetulo ɔƒɛni, kalɛ na si líbo ni, na neeebo naaabayila kalɔ kammɔ ƒui udu.”

Sakaria 14:13

Na Unwoti ɔdubɔya na bataayia lɛlɔ ɔni na badubɔta beteekpoku lɛlɔ lɛlɔ taabla lɛlɔ kalala

Sakaria 11:14

Ɔmmɔ kama lɛ́ƒɔ ugyii ɔni na mɔɔlɔ nnii Unwi Bɔbla, na ɔ́tina ka líkulo kɔna kɔni nkya Yudaƒuɔ ku Israelƒuɔ ntɛ.

Sakaria 11:9

Mmɔ na lɛ́su nnini, “Líni na nsɔ lɛɛɛdubo-mii bɔda aani baƒonu ɔdane kalɛ. Si baƒonu bani na bukpi na badubo ni, bakana na beteekpi. Na bani na badubo-ma udu bɔyila lɛnɔ ni, bakana na bataayila-ma udu. Na bakladi lɛnɔ bakana na bataakun lɛlɔ ku ngba ku ngba.”

Sakaria 11:5

Bekyuli bani muuyé-ma taatádu bakɛ ƒaa ɔni na balani ɔdi kɔtu. Na bani lɛnɔ muuti-ma teeye mmɔ ama enu na baakɔliku katɔ taasu banini, ‘Bɔɔgyá Unwoti enu ka bɔ́kɛ egulabi.’ Na baƒonu bammɔ baládu bana badane muedi kaƒɔ.

Sakaria 8:10

Kuuku asa na uwi ɔmmɔ úbedu ni, nka ukyuli ɔyawine iye ebuo ɔdi uuubo lɛyuƒɔla lɛdi na nwuna kabla kani na ɔ́bla ɔsu. Na keyi buɛɛ kadi lɛnɔ keeebo na ɔdi ulie na atu bɔyɔ kemmo, ɔsika lɛ́ya na bana ƒui báta bénye lɛlɔ lɛlɔ.

Hagai 2:22

Ndubo lɛga kɔdikɔ agaboku ammɔ budi bubo na lɛbwɛ kadi bakyuli bammɔ lɛga kɔdikɔ kɔmmɔ ƒui. Na lɛtu bana bapɔnkɔ kɛɛkɛ lɛmmɔ libi kalɔ na bapɔnkɔ bammɔ ku bana beliene bammɔ betébi kalɔ ɔni na ama alati ndubo bana banwa banwa lɛlɔ kuwii bɔtu bɔdu.’

Mika 6:14

Bɛdubo bɔdi bɔsia kama, nsu bilémo. Na bɛdubɔklibi ala abuni bise lɛlɔ, nsu aaadubo ami adi bunwini. Ɔsika kuwii kenye na ndubɔya na beƒie-nya baƒɔ batɔlɔku na kekpo kemmo.

Hosea 2:10

Na ndubudie-nwu kasɔngya na nwuna bayɔne anumi. Na ɔdi ulakana-nwu bɔƒɔ.

Hosea 1:6

Ɔmmɔ kama ni, Goma úbawɔ ulekubi na Unwoti ɔ́su-mi ɔnini, “Sia-nwu lɛnyi anii Lo-Ruhama, na nwuna kalɔ ndi kɔnyana tanu, ɔsika nsɔ lɛɛɛdubo Israelƒuɔ kɔnyana bɔnu na liti bana ekpidi lɛkyiɛ-ma.

Esekiel 9:10

Anwuɔsu lɛɛɛdubo-ma kɔnyana bɔnu iye liti lɛkyiɛ-ma lɛnɔ. Ndubo-ma kɔtu bɔni na ala ani na bábla kenye.”

Esekiel 8:18

Anwuɔsu ami lɛnɔ kɔnyi kpakplaa kemmo na ndubo-ma kɔtu bɔni na lɛɛɛdubo-ma kɔnyana bɔnu munu munu. Na si ina baava taakpali-mi teevele muedi lɛɛɛdubo bunu bute-ma.”

Yesaia 27:11

Na si egyii ammɔ kɔgba kɔ́kwii ni, kɔɔƒɛ na beleku babayɔ-ku basala ogya. Ɔsika lɛni na Israel kadi bekyuli bamɛni bese na belenu na balanu ala taati. Anwuɔsu na bana udiene lɛnɔ ɔɔɔdubo-ma kɔnyana bɔnu.

Yesaia 3:5

Na bekyuli badubo lɛlɔ butaanya taakya, na banwani ku bakpana beteekpoku lɛlɔ. Bakɔdi badubɔta benye benengu lɛlɔ, na bani na nka balábu-ma kadi akɔ badubɔta benye bekyuli babune lɛlɔ.

Kɔnyana Buwulo 2:21

Benengu ku banamu ƒui békpi bewi lɛblɔnu lɛlɔ ɔni na badi mina bekyuli. Na ɔkɛnku ƒula kɔnyi ɔsu ni, bekisine bébeyi mina bakloƒu ku begblebi ƒui bádu kalala kemmo.

Kɔnyana Buwulo 5:8

Na bekyuli bani mɔɔbla bula bekisine kabla mmomu mɔɔdi-bu lɛlɔ ɔƒaani, na ukyuli ɔdi uuubo na ɔƒɔ-bu na bɔkɛ bɔnwuna.