Sakaria 11:5 - Katɔti Ɔku Kedee

⁵ Bekyuli bani muuyé-ma taatádu bakɛ ƒaa ɔni na balani ɔdi kɔtu. Na bani lɛnɔ muuti-ma teeye mmɔ ama enu na baakɔliku katɔ taasu banini, ‘Bɔɔgyá Unwoti enu ka bɔ́kɛ egulabi.’ Na baƒonu bammɔ baládu bana badane muedi kaƒɔ.

Sakaria 11:5 Referans Kwoze

Yeremia 50:7

Ndi bebuo kadikɔ kabuni nte-mii kani na bina bati kuuku básia anu. Nsu bíni-mi, anwuɔsu bina bekisine lɛnɔ bákɛ-mii béƒie aani kalɛ na baaduli ebuo teebweli na bana kayi kátadu-ma kɔtɔ kɔdi.

Hosea 12:8

Na biiti ɔmmɔ taakun lɛmɛnɛ taasu bɛnii, “Ɔlakɛne na ndi, na ami ɔlati néti mina enu lɛ́bla kabla na lɛ́kɛ egulabi ammɔ, na ńtabla ukyuli ɔdi lɛla lɛdi!”

Petro 2 2:3

Ɔkɔ ala batinane bamɛni bɔdubɔkɛ egulabi kɔsia na bina lɛlɔ na ɔkɔ ala ani na badubɔnwi basu-mii ɔsu, ɔsika baayɔ́ ama lɛti lɛkɛ geen. Ukyuli ɔni ndubɔtɛku-ma litemi ɔ́ɔklibi lɛlɔ úse-ma kuuku. Na ukyuli ɔmɛni ɔni ndubo-ma bɔkyula ni, ɔɔnu-ma nwaa.

Yohane 16:2

Badubo-mii bɔgya bɔlɛku Yudaƒuɔ kasalakɔ. Na uwi ɔdi lɛnɔ ɔdubo ubedu ɔni na bekyuli badubɔdu-mii. Na bani ndubɔbla lɛni ni, badubɔkali banii Katɔti kabla na baabla.

Mateo 23:13

“Bɔbuɛ muute amii Katɔti ɔda bubo ala batinane ku Ƒarisiƒuɔ! Anumi lɛlɔ bekyuli bɛdi! Bɛ́kalɛ Katɔ Ɔga Ɔma ulu bɛ́da bekyuli. Na amii alati biléduo, na biléte bekyuli bamba bani mɔɔkya ɔkplu lɛnɔ ulu na beduo.

Esekiel 34:21

Ɔsika amii bani lɛlɔ mbo ɔkplu bɛɛtu bani nse kpɛtɛ kpɛtɛ ku bina ese kpakplaa kalɛ na adila edu amii lɛti.

Esekiel 34:6

Anwuɔsu mina baƒonu bégyingya bakya kalɔ lɛlɔ kesii biala. Bakɛ abi lɛlɔ ku abinkpo ƒui lɛlɔ na bátakɛ ukyuli ɔni nawia-ma kama ulu.

Yeremia 2:3

Israel, ami lɛti pɛ ɔdi na ádi aani mina edula edeedi ani na lɛ́ƒɛ lɛ́siku mina kemo. Na ukyuli biala ɔni nákali ɔnii ɔɔƒɛ-ɔ ɔdi ni, ɔgbankpi ɔ́siaku-nwu.

Nehemia 5:8

Na lɛ́su-ma nnini, “Ama bani na béye-ma béte bekyuli bani naaadi Yudaƒuɔ ni, bɔ́bla kalɛ na bɔkana, na bɔ́ƒɔ-ma bɔ́siku bekyuli bammɔ kudɔ. Nsu amii binye bina banwani lɛlɔ kalɛ na beti lɛlɔ beye bete-mii, na amii lɛnɔ bɛsɔku-ma biye bite-bu.” Na benengu bammɔ bába lɛsɛ, ka beeebo kulɛla na basu ɔsu.

Baga 2 4:1

Ukpinele ɔdi na nka ɔgyani ɔ́kya kenye bediene lɛkpa kemmo úsie Elisa kudɔ na ɔ́su-nwu ɔnini, “Ati, mina ɔgyani úkpi. Na aani kalɛ na agyi ni, ɔdi ukyuli ɔni mɔɔyia Katɔti geen. Na mina ɔgyani ukyuli ɔni na ɔda kayu ɔdubo ubeti mina bebi bananabi inyɔ ɔtɔlɔku na bátátaabla-nwu kabla.”

Budie Taatina 18:13

Na evete ani muudie nnɔmii ƒɛƒɛɛ ku kutu akyala lidu lidu ku klobo ku oloƒui ku ugyulo ƒɛƒɛɛ lɛnɔ kuye kúbo kalɔ. Ntɛ ku nnɔ ku ɔlaaƒɔ ku edula ebi lɛnɔ ébo kalɔ. Na balakɛ bekyuli bani na beye bana ɔmantɛ bakɔ ku baƒonu ku bapɔnkɔ ku kɛɛkɛ ɔni na bapɔnkɔ baaní ku bekyuli bani na béƒie betéye kalɛ na badubɔbla akpala lɛnɔ ƒui.

Yohane 10:1

Yesu ɔ́su-ma ɔnini, “Mɔɔsu-mii geen ka ni, ukyuli ɔni naaadubo kayakun kammɔ kenye bɔsia buduo lɛƒonuyu lɛmmɔ kemmo mmomu ɔba kama na ɔdubɔkɔ uduo ni, ɔdi uyune ku ala ubilene.

Budie Taatina 3:17

Bɛɛsu bɛnii, ‘Mbo ala na ɔdianku-mi, na mbo ala ani ƒui na mɔɔwia.’ Nsu bɛɛɛgyi bɛnii biisé lɛlɔ na bina lɛlɔ libo kɔnyana, na biiibo lɛla lɛdi, na anumi ábwɛ-mii, na bɛkɛ kasɔngya.

Hosea 12:9

“Israelƒuɔ, bɛnu bɛti ka ami Unwoti mmu ndi bina Katɔti kalɛ kani na úse kukuuku uwi ɔni na bɛ́kya Egyipte kalɔ lɛlɔ. Na ɔƒaani ni, ndubo-mii lɛlɔ bunye na bɛsɔ bitélie nvo kemmo kalɛ na bílie na kalɔ kakwiidi kemmo bíbavi.

Amos 2:6

Unwoti ɔnini, “Ndubo Israelƒuɔ kɔtu bɔni na bana ekpidi pii ani ɔsu na lɛɛɛdubo mina kasusu bɔvumana. Béti mina bekyuli babuni bani mɔɔdi mina litemi lɛlɔ béye báƒɔ egulabi. Na béye bani mɔɔyaki ala na lɛgbanvuo kuye kenye.