Sakaria 11:16 - Katɔti Ɔku Kedee

¹⁶ Na nsɔ ndubo bɔya na ukyuli keeke ɔni naaadaku unwini baƒonu bammɔ ɔdane. Ukyuli ɔni naaadubo bɔdaku baƒonu bani mɔɔyii ulu ulakpete bani muuƒi na ɔbwi-ma iye ute-ma adila muedi na badi. Mmomu anwu ɔlati ɔdubɔkun baƒonu bani nélie lɛmwi mmɔ ƒui, na kebu ekubi ekubi.

Sakaria 11:16 Referans Kwoze

Yeremia 23:2

Amii na nka ɔlɛka bɛnu mina bekyuli lɛlɔ, nsu bunwini na bínwini bɛ́bi bɛsiaku-ma na bɛɛbɔku-ma taatɔlɔku mmomu. Anwuɔsu ami ɔlati ndubo-mii bɔda ɔƒɛni amu na mɔɔsu-mii geen ka bɛdubo bina ekpidi biala kayu bɔƒɔ!

Yohane 10:1

Yesu ɔ́su-ma ɔnini, “Mɔɔsu-mii geen ka ni, ukyuli ɔni naaadubo kayakun kammɔ kenye bɔsia buduo lɛƒonuyu lɛmmɔ kemmo mmomu ɔba kama na ɔdubɔkɔ uduo ni, ɔdi uyune ku ala ubilene.

Esekiel 34:21

Ɔsika amii bani lɛlɔ mbo ɔkplu bɛɛtu bani nse kpɛtɛ kpɛtɛ ku bina ese kpakplaa kalɛ na adila edu amii lɛti.

Esekiel 34:16

Na ndubɔsia bani náyii ku bani négyingya bakya lɛnɔ kama na linyimi bani náƒɔ lɛlɔ alɛbi na bani lɛgyumana bani nse kpɛtɛ kpɛtɛ. Na bani nélie lɛmwi na bebo ɔlɔkplu ni, ndubɔdu ama, ɔsika lɛla lɛni ndi lɛbuni na mɔɔbla uwi biala.’ ”

Yeremia 23:22

Si bɔkya na bákya katɔ mmɔ na mina kelisa kasusu betine akɔ ni, nka badubɔsu amii Yudaƒuɔ na binwini kama bɛkya bina ekpidi na binwini bibo-mi kudɔ.

Yesaia 40:11

Ɔɔtɔnku nwuna badi aani baƒonu ɔdane buni, na ɔɔgyu baƒonubi bammɔ taada enu. Na ɔɔda-ma taamana nwuna kayi. Na bani nda bebi ni, ɔɔkpanku-ma buɛɛ.

Ala Kalɔ Buse 33:13

Nsu Yakob ɔ́su Esau ɔnini, “Mina Ati, agyi ka bebi bammɔ bátabi tɔ lɛlɔ. Na ɔƒɛni lɛnɔ ɔlɛka lɛnu baƒonu ku ɔmantɛ bakɔ benidi bani nda bebi mmɔ lɛlɔ kaduɛ. Na si búkeliku-ma usi na búsie ulu umodi ɔmmɔ limeyi linwi ni, badubo bukpi ƒui.

Ala Kalɔ Buse 31:38

“Akwa aavlanyɔ sɔɔn na lɛ́kya-a kudɔ. Na ƒula koƒonu iye ese ɔdi útebile kaƒɔ kudii. Na ńtadu bana akɔ ɔdi lɛnɔ ńtakun kudii.

Daniel 11:36

“Ɔga ɔmmɔ ni, lɛla lɛni mɔɔyɔ́-nwu kaƒɔ na ɔdubo butaabla. Na ɔdubo lɛlɔ katɔ bɔtalaku na ɔtina ka ubo kenyekɔ utulo baƒiɔ ƒui. Na ɔdubo Katɔti ɔlati buteedumi. Na geen ni, lɛla biala lɛdubo bɔsia kalɛ na ɔɔwia wetédu uwi ɔni na kɔnyi kɔni na Katɔti úti ɔ́kya anwu ɔlati ku nwuna bekyuli kɔ́yɔ-nwu.