Sakaria 11:10 - Katɔti Ɔku Kedee

¹⁰ Limeyi lɛmmɔ kani lɛlɔ na lɛ́ƒɛ ugyii ɔni na nka mɔɔlɔ nnii Kɔnyana Bɔnu líti mɔɔtina ka Unwoti úbile bunyimi bɔni na únyimi ku bekyuli ƒui.

Sakaria 11:10 Referans Kwoze

Sakaria 11:7

Anwuɔsu baƒonu bani na balati bédie bése ka badu mmɔ ni, línwini bana lɛlɔ ɔnune. Na ligyii inyɔ lɛni nda mɔɔkpanku-ma mmɔ ni, lɛ́sia-ni anyi. Na unwi mɔɔlɔ nnii Kɔnyana Bɔnu, na unyɔdi mɔɔlɔ nnii Unwi Bɔbla.

Kɔgya 89:39

Ébile lɛla lɛni na ényimiku-nwu na átu-nwu lɛga lɛmmɔ na ɔsɔ uuubo ɔyikun ɔdi na ƒula anumi.

Yeremia 14:21

Nsu si áƒɔ-bu ngba ni, ɔdubɔtina kalɛ na ébomo. Taya na bula bekisine bakya ƒula kakpakɔ kani mɔɔdia bɔnu na eli aadi lɛga kɔƒa. Na tayiƒala lɛnɔ ka ese-bu kenye ka adubudie-bu.

Luka 21:32

“Mɔɔsu-mii geen ka ala amɛni ƒui adubɔlɛ asa na bina akɔ badi na mɛni bɛdubɔsa bukpi.

Hosea 1:9

Na Unwoti ɔ́su-mi ɔnini, “Sia-nwu lɛnyi anii Lo-Ammi, na nwuna kalɔ ndi bɛɛɛdi mina badi, ɔsika bekyuli bamɛni baaadi mina badi na ami lɛnɔ lɛɛɛdi bana Katɔti.

Kɔgya 90:17

Unwoti Katɔti, ya na ƒula kusɛ kusɛ ɔsiaku-bu na aya na ala ani na bɔɔbla ƒui alɛ-bu kɔsia.

Samuel 1 2:30

“Anwuɔsu Unwoti ɔni ndi Israelƒuɔ Katɔti ɔnini, ‘Lɛ́lɛ ugyii ka ƒula kaduli ku ƒ'ɔti kaduli bekyuli kani ndubunye-mi anumi butaabla-mi kabla uwi ƒui.’ Nsu ɔƒɛni ni, Unwoti ɔɔsu ka ɔmmɔ ɔsɔ ɔɔɔdubo buse lɛni. Mmomu ukyuli ɔni mɔɔbu-mi ni, ami lɛnɔ ndubo-nwu bɔbu. Nsu ukyuli ɔni naaabu-mi ni, ami lɛnɔ lɛɛɛdubo-nwu bɔbu.

Daniel 9:26

Na uwi ɔmɛni kawɔlɔkɔ ni, badubo Ukyuli Ɔƒunadi ɔmɛni bɔdu na nwuna lɛla biala lilébu. Kadi bamba lɛlɔ ɔdine ɔni ndi ɔƒɔ ɔdi ku nwuna bekpone badubo babasia mmɔ bavi aani kalɛ na ketu keeyi taagba taavi kesii kadi na babwɛ ɔma ɔmmɔ ku kakpakɔ kammɔ na kekpo ku ala bubile bɔmmɔ bɔdubusie anumi utédu kawɔlɔkɔ aani kalɛ na Unwoti ɔ́lɛ ugyii úse.

Esekiel 24:21

‘Kakpakɔ kani lɛlɔ na bɛɛkun lɛmɛni na bɛɛkali ka bibo bɔnwuna na lɛla biala lɛɛɛdubo-mii bɔbla mmɔ ni, unye kagyumana ka ɔkyula kakpakɔ kammɔ na kayii udu. Na badu bina bebi bani na belie Yerusalem ɔmwi.

Kɔgya 50:2

Katɔti uukeye taasiku Sion ɔma unengudi ɔni ndia ntulo ƒui mmɔ kemmo.

Bumomo Bɔka 14:34

“ ‘Na ndubɔya biti akwa aavlene sɔɔn bibo abi na emeyi aavlene ani na bíti bítávi kalɔ kammɔ kemmo kenye na bina ekpidi ɔsu, na bɛnu bɛti kalɛ na use si ami Unwoti lɛ́kɛ ku bekyuli kɔnyi.’