Sakaria 11:1 - Katɔti Ɔku Kedee

¹ Lebanon, lɛmi ƒula ɔban kɔyakun wi na ogya uduo-ku kemmo na ɔkyula ƒula egyii enengudi kpakplaa ammɔ.

Sakaria 11:1 Referans Kwoze

Yeremia 22:23

Amii bani nli baga kesii kani na béti Lebanon egyii kpakplaa bábla lɛtalagyii na béti ligyii lɛmmɔ bákya kayakun kɔlɛmikɔ kɔmmɔ ƒui akya ni, bɛdubo buteedumo na biteewulo kɔnyana aani uleku ɔni ntɛ kɔwɔ.

Sakaria 10:10

Ndubo-ma bɔkpanku bɔsiku Egyipte ku Asiria kalɔ lɛlɔ liboku ɔma, na lɛya na belie Gilead ku Lebanon na bemomo baƒɔ kalɔ kammɔ ƒui lɛlɔ.

Hagai 1:8

Bɛka abi lɛlɔ busie na bitáwia ligyii lɛni na bɛdubuti bɛtu mina kakpakɔ kani námanku-mi na lɛlɔ lɛyɔ-mi na bitaakpa-mi na mmɔ.

Habakuk 2:17

Bɛ́yila egyii ku bebuo ƒui udu na Lebanon Kɔbi lɛlɔ. Na bɛ́bla kalala kani udu naaadia na lɛma kemmo ku bekyuli lɛlɔ na kesi kesii. Na ɔƒaani ni, amii na badubo liƒu bɔkya na bitaayia geen.

Habakuk 2:8

Bíyu ala na lɛma linengudi ku kɔlɔ ƒui kemmo na kesi kesii, na bɛ́du bana bekyuli lɛnɔ. Na ɔƒaani ni, bani nébu badubo amii lɛnɔ kalala kani udu na bɛ́bla bekyuli bɔbla.

Lɛkpa Ulu 32:22

“Mina kɔnyi kɔdubo bɔta bɔda aani ogya kalɛ na lɛkyula lɛla biala na kayawi. Na ɔvi utákyula lɛla biala na lɛkya kalɔ kalɔ. Na ɔkyula abi ƒui.

Esekiel 31:3

Dii uwi ɔdi návi kemmo ni, kugyii kpakplaa kɔdi kúnye Lebanon kalɔ. Na kubo kɔgba kunengudi kpakplaa kɔni nálɛ kúsie kayaa ƒui.

Sakaria 11:2

Na amii egyii lidu bamba lɛnɔ biteewulo, ɔsika egyii enengudi kpakplaa ammɔ atɛ kalɔ eebun. Lɛni kani na amii Basan kalɔ egyii enengudi kpakplaa ammɔ lɛnɔ biteewulo, ɔsika bina lɛkumiɔ lɛmmɔ lɛ́yii udu.

Sakaria 12:6

“Na uwi ɔmmɔ ni, ndubɔya na Yuda adua ammɔ enwini aani ogya agyabi bonwu bonwu na egyuku livongu kemmo, iye ogya ɔni mɔɔkya keti litili bonwu lɛdi kemmo. Na ndubɔya na bakya kadi bamba bekyuli bani náka bámana-ma ƒui ogya. Na bekyuli basɔ baƒɔ Yerusalem ɔma pii geen.