Sakaria 10:8 - Katɔti Ɔku Kedee

⁸ “Ndubo-ma kɔnu bubo na babasala, ɔsika ndubukpo lídie-ma na lɛya na basɔ bemomo aani kalɛ na bése dii.

Sakaria 10:8 Referans Kwoze

Yesaia 5:26

Ɔ́kɔliku aƒlaga úte kadi bani na ɔgyu kakaaka. Na ɔ́vwi uƒiomu ɔ́kpali bani na kayawi kawɔlɔkɔ ƒui. Aanu-ma ka bakɛ ku usi badubo.

Yesaia 7:18

Na limeyi lɛmmɔ lɛlɔ ni, Unwoti ɔdubɔvwi lise ɔkpali bekpone ɔkya-mii, na bana bumomo bɔdubɔbla aani baalɔlɔ ku banwɛnwɛ ɔsiku Egyipte ntukpa ɔvi na katɔ kakɛ ƒui ku Asiria kalɔ lɛlɔ.

Yeremia 33:22

Na Dawid ku bakpane bani nási Lewi kɔdua kemmo badubɔkɛ bawɔ pii betulo kayaa ayabi iye ɛpu kɔnwinimi.”

Hosea 1:10

“Limeyi lɛdi lɛdubo lɛni na ukyuli ɔdi ulakana Israelƒuɔ bɔka, ɔsika badubo bumomo aani ɛpu kɔnwinimi. Na ɔƒaani ni, ama baalɔ banii, ‘Bɛɛɛdi mina bekyuli.’ Nsu uwi ɔni mebo kemmo ni, bekyuli badubɔlɔ-ma banii, ‘Katɔti Ɔni Nli Ngba uwi ƒui Bebi.’

Budie Taatina 22:17

Katɔti Kɔyu kɔmmɔ ku Yesu bayɔne banii, “Bo!” Na ɔlɛka ukyuli biala ɔni muunú ɔmɛni lɛnɔ ɔsu ɔnii, “Bo!” Na bani ƒui na utukwɛ ɔɔda ni, bebo. Na bani ƒui mɔɔyɔ́ ni, babani ngba ntu bɔmmɔ ƒaa. Kayu kadi taƒɔ taƒɔ.

Mateo 11:28

“Amii bani nti etila bonwu na lɛlɔ líitu-mii ni, bibo-mi kudɔ na ndubɔya na bɛnwuna.

Sakaria 9:11

“Kenye kani na línyimi ku amii mina bekyuli ni, ubugya na búti buse-ka likpo. Na ɔƒaani ni, amii badi bɛdi bekyuli bani na béƒie bákya libiɔ lɛni kemmo na ntu buuuwi kemmo. Nsu ndubo mbedie-mii na lɛƒɔ-mii,

Yesaia 51:11

Unwoti, ƒula bekyuli bani ngba na áƒɔ badubɔsɔ benwini na besie Yerusalem ku bumwi lɛnu si bakɛ ulu bésela. Na ebiti adubunwini aani kagabwa kebi-ma lili, ɔni na lɛbibo ku bukpoku bɔdi bɔsɔ bulebo-ma lɛlɔ, na beduo kɔnyana kemmo kudii.

Yesaia 44:22

Binwini bibo-mi kudɔ, ɔsika lɛ́ƒɔ-mii ngba na lídie bina ekpidi ƒui bina lɛlɔ aani kalɛ na liƒlukutu lɛɛyii takya kayaa.

Baga 1 4:20

Na Yudaƒuɔ ku Israelƒuɔ bemomo aani ɛpu kɔnwinimi na bádi na báni na bákɛ ebiti.

Israelƒuɔ Bɔlɛ 1:7

Nsu Israel kadi bekyuli bammɔ báwɔ pii geen béyile Egyipte kalɔ lɛlɔ, na bébo ɔlɔkplu lɛnɔ geen.

Budie Taatina 7:9

Na ɔmɛni kama ni, lɛ́nu ka bekyuli pii badi benye mmɔ bani na ukyuli ɔdi ulakana bɔka! Bekyuli bamɛni bási kalɔ biala kemmo ku kadi biala akɔ ku bekyuli lidu lidu ƒui akɔ ku adi lidu biala kemmo ka bénye lɛgaboku lɛmmɔ ku Koƒonu Ubi ɔmmɔ anumi, na bákya lɛwu lɛƒualadi na bada like.

Yesaia 7:19

Badububo na babaƒɔ bina awɛ ƒui kemmo ku atakpɛ libu ku ana kɔka ƒui kemmo ku liyu akunkpo ku abiɔ ƒui kemmo.

Yesaia 48:20

Anwuɔsu ɔƒaani ni, bɛtɔlɔ Babel! Na si bɛ́yu ulu bísela ni, na biteedie lɛnu taatɔ ku ebiti. Na lɛlɔ lɛyɔ-mii na biteebo kudu na ukyuli biala unu-mii kɔku bɛnini, “Unwoti údie nwuna kabla ɔblane Yakob.”

Mika 2:12

“Ami Unwoti lise kenye ka ndubɔkpanku Israelƒuɔ bani nébu liboku mbasala aani kalɛ na baƒonu ɔdane ɔɔsála nwuna baƒonu na beemomo.