Sakaria 10:7 - Katɔti Ɔku Kedee

⁷ Israel ɔdubɔbla aani bekpone bani mbo ogya geen, na lɛlɔ lɛdubo-ma butaayɔ aani bekyuli bani na báni ntɛ. Na si bana bebi lɛnɔ bánu ɔmɛni ni, ebiti adubo-ma bɔda geen na ami, Unwoti, ɔsu.

Sakaria 10:7 Referans Kwoze

Sakaria 9:15

Unwoti Ɔyikune Ƒui ɔdubo nwuna bekyuli bɔgyumana, na ɔya na bani muuƒwimi kavwinvwi ku atabi bubo geen banya bana bekisine besusu kalɔ. Badubo butaabɔku-ma ku kɔvanu aani bekyuli bani na békpi ntɛ na bana ɔyikun umo-ma aani ubugya akpala kalaku kani néyi tɛtɛɛtɛ.

Petro 1 1:8

Bítanu-nwu kudii, nsu bɛɛyɔ́-nwu. Na bilánu-nwu ɔƒɛni lɛnɔ, nsu bɛɛƒɔ́-nwu taadi. Anwuɔsu bɛya na lɛlɔyɔ lɛni náƒɔ kuye geen na ukyuli ɔdi biala ulakana-ni kalɔ budie lɛnɔ ni, lɛkya-mii kemmo.

Ƒilipiƒuɔ 4:4

Na mɔɔsu-mii nnii bɛya na lɛlɔ litaayɔ-mii na Blɔti kemmo. Na nsɔ mɔɔsia kama nnii bɛya na lɛlɔ litaayɔ-mii.

Batalane Kabla 2:26

Ɔmɛni ɔsu ni, mina kayi kemmo kéyi ku lɛlɔyɔ, na ndubuti kenye nteemwi-ɔ uwi ƒui! Ina ka ɔlɔna ndi muedi ni, ndubulie na lɛnunsia kemmo.

Yohane 16:22

Lɛni geen na use ute amii lɛnɔ. Ɔƒaani ni, bina lɛlɔ libo kɔnyana. Nsu ndubɔsɔ mbanu-mii. Na mmɔ ni, lɛlɔyɔ lɛdubɔƒɔ-mii kayi kemmo ƒui. Lɛlɔyɔ lɛmɛni udu na ukyuli ɔdi biala ulakana bɔƒɔ bɔsiku-mii kudɔ kudii!

Luka 1:47

Na lɛlɔ lɛɛyɔ́ mina kɔyu na Katɔti ɔni ndi mina Ɔƒɔne lɛlɔ.

Sakaria 9:17

Na badubɔdia bɔnu geen. Na bakloƒu ku begblebi badubɔlɛ lili na mmɔ aani kalɛ na kamu kaalɛ teenye kemo iye egyiibi ani nánwu asia na adingyii kemo.

Seƒania 3:14

Ukyuli biala na Yerusalem ku Yuda bɛtu lɛnu na bɛva momoomo ku bina kɔyi ƒui na bɛdi limeyi!

Habakuk 3:18

iye edula ebi adi eeebo muedi ni, lɛlɔ lɛdubɔyɔ-mi na ebiti ada-mi geen na mina Unwoti ɔni ndi mina ɔƒɔne lɛlɔ.

Yeremia 32:39

Na ndubo bɔbla na bana kayi ayɔla ku bana kasusu kemmo kabla sɛɛn. Na badubo bɔnu bɔti ka na bana bɔdia ku bana bebi bɔdia ɔsu ni, ami lɛti pɛ kani na ɔlɛka bakpa. Na liƒu muedi lɛdubo-ma bɔda ka basɔ benwini kama bakya-mi. Na ndubo bunyimi bɔdi bunyimiku-ma na buuubo kawɔlɔkɔ kadi kudii. Na lɛɛɛdubo lɛbuni lɛnɔ bɔda bɔbla bute-ma bɔya kudii. Na muusé kenye ku mina kayi ƒui ka ndubo bɔya na basɔ benwini bebelie kalɔ kamɛni lɛlɔ kpi.

Yesaia 66:14

Uwi ɔni na bɛdubɔnu ka ala amɛni aalɛ́ lɛni ni, bina kayi kadubɔyɔ buɛɛ na bɛlɛ lili aani kalɛ na livo lɛɛlɛ́ lili. Na bɛdubɔnu kalɛ na Unwoti ɔɔƒɛnimi kɔnu taakya nwuna kabla bablane bani mɔɔbu-nwu. Nsu nwuna bekisine bani mɔɔta teenye-nwu lɛlɔ ama ni, nwuna kɔnyi muubo-ma lɛlɔ.

Yesaia 38:19

Bayawine kani ndubɔkana-a bumwi aani kalɛ na ndaku bɔbla ɔƒɛni. Na bebi bati mɔɔsu bana bebi kalɛ na aadi ƒula litemi lɛlɔ teete bekyuli.

Kɔgya 104:15

Ɔɔkɛ́ ntɛ bɔni mɔɔkya-nwu kayi ebiti ku nnɔmii bɔni mɔɔyá nwuna anumi ekeye ku adila ani muute-nwu ɔlɔkplu.

Kɔgya 102:28

Ƒula bekyuli bani mɔɔbla ƒula kabla ulu lɛlɔ ni, bana bebi badubulie-ɔ anumi. Na agyumana bana kaba bebi lɛnɔ.”

Kɔgya 28:7

Unwoti mɔɔgyumana-mi na uute-mi ɔyikun. Nwuna lɛlɔ na mina kayi kasia na úbunku-mi sɔsɔ. Ɔmmɔ ɔsu na kayi kaayɔ́-mi geen. Na ndubɔtu enugya ɔnu lite-nwu.

Kɔgya 13:5

Nsu ƒula lɛlɔ kani na mina anu asia, ɔsika ƒula bɔyɔ buuubo kawɔlɔkɔ. Na mina kayi lɛnɔ kákɛ lɛlɔyɔ ka áƒɔ-mi ɔsu.

Samuel 1 2:1

Amu na Hana ɔ́kpali Unwoti na ɔ́su-nwu ɔnini, “Kayi kaayɔ́-mi geen na Unwoti lɛlɔ. Ɔsika Katɔti ɔ́ya na mina lili lɛ́kɔ lɛ́lɛ katɔ ƒui aani ebuo lise. Na mɔɔkun lɛmɛnɛ na mina bekisine ɔsu. Ɔsika ebiti geen aada-mi ka údie-mi mina bekisine enu kemmo.

Ala Kalɔ Buse 43:34

Na kesii kani na Yoseƒ uli mmɔ na beele adila taasiku teeboku-ma. Na ani na béte Benyamin ni, abla aani bakladi adi akpa alɔ. Lɛni na anwu ku-ma bádi na báni bákɛ ebiti ku kayi ƒaa.

Ala Kalɔ Buse 18:19

Ɔsika ami náƒuna-nwu kalɛ na ɔtina nwuna bebi kavikɔ na nwuna kadi bekyuli bani masia-nwu kama ƒui basia ulu ɔni na mɔɔyɔ́ lɛlɔ. Na bataabla ala ani ndia na akɛ ulu lɛlɔ. Na ɔkɛnku ɔmmɔ lɛlɔ na ndubuti lɛla lɛni na lɛ́su líse ka mete Abraham lite-nwu.”

Batalane Kabla 2:39

Ɔsika linyese lɛmɛni lise lite amii ku bina bebi ku bani nási ɔgyu ku bekyuli bani ƒui na Katɔti walɔ weboku nwuna kudɔ.”

Kɔgya 90:16

Ya na abu ƒula kabla bablane bɔnu ƒula akɔla ala budie taatina na bula akɔ. Na bula bawɔ banu kalɛ na ebo ɔyikun na eekeye.

Kɔgya 33:21

Ɔsika nwuna lɛlɔ na bula kayi kaakɛ́ ebiti. Na nwuna lɛnyi kedee lɛlɔ kani na bula anu asia.

Yesaia 54:13

Ndubɔtina bina bebi ala na bakɔ katɔ ku keyi buɛɛ.

Yoel 2:23

Amii bani nkya Sion ƒui lɛlɔ lɛyɔ-mii na ebiti ada-mii na Unwoti bina Katɔti lɛlɔ, ɔsika ɔ́ya na ɔƒɔwi ɔnantu ku ketudi ɔnantu ɔ́na úte-mii kaduɛɛ aani kuuku kalɛ.

Yesaia 25:9

Na limeyi lɛmmɔ lɛlɔ na bekyuli ƒui badubɔsu banini, “Sɔsɔ geen ni, bula Unwoti Katɔti ɔmmɔ na ɔdi mɛni. Anwu na bunye bɔɔnu ulu teete ka ubaƒɔ-bu. Bɛɛnu Unwoti ɔmmɔ, bɛya na lɛlɔ litaayɔ-bu na bɔkɛ ebiti geen na kalɛ na úbo ubaƒɔ ɔsu.”

Sakaria 12:8

Ami Unwoti Katɔti ndubo Yerusalem bɔgyumana na ukyuli ɔni na use kpɛtɛ kpɛtɛ utulo ƒui muedi ni, ɔdubɔyu ɔkplu aani Dawid. Na Dawid ɔmmɔ ɔlati lɛga kadikɔ kadubɔbla aani si ami ɔlati mina ɔtu mɔɔdi kalɔ kammɔ lɛlɔ.