Sakaria 10:6 - Katɔti Ɔku Kedee

⁶ “Ndubɔkya Yudaƒuɔ ku Israelƒuɔ lɛga kɔdikɔ kɔmmɔ ɔyikun. Na ndubɔnu-ma kɔnyana, ɔsika ami ndi Unwoti, bana Katɔti. Ndubunu-ma buvele na lɛkpanku-ma liboku ɔma na ɔbla aani si buni na ńteni-ma kudii.

Sakaria 10:6 Referans Kwoze

Sakaria 13:9

Na ndubɔƒɔ bani nébu mmɔ lɛlɔ na lɛbla-ma kedee na lɛkɔku-ma lɛnu aani kalɛ na baaƒɔ sika ugyiedi ku ɔƒualadi taanu nwuna bɔdia. Na badubo-mi bɔkpali buvele ala na linu na libunku-ma. Na ndubɔsu nnii, ‘Mina bekyuli na bɛdi,’ na ama lɛnɔ badubɔsu banii, ‘Awɔ Unwoti ndi bula Katɔti.’ ”

Sakaria 10:12

Ndubo mina bekyuli ɔyikun bɔkya na ukyuli ɔni udu na ndi ɔsu, na lɛya na basiaku-mi. Ami Unwoti násu!”

Yeremia 3:18

Na Yudaƒuɔ ku Israelƒuɔ badubɔsɔ basala babla unwi na kalɔ kani lɛlɔ na bésie bakya na katɔ kakɛ mmɔ. Na basiaku lɛlɔ benwini bebo kalɔ kani líti líte bana bati kuuku mmɔ lɛlɔ.’

Sakaria 8:11

Mina bekyuli, bɛɛnu ka bina ɛlɛɛ kani nébu, na muudie-mii kenye ka nsɔ lɛɛɛdubo-mii kɔtu bɔni aani kalɛ na lɛ́bla ḿbavi kuuku kalɛ.

Hosea 1:11

Yudaƒuɔ ku Israelƒuɔ ƒui badubɔsala babla unwi na baƒuna ɔtɔnkune unwi. Mmɔ na badubɔsɔ baƒɔ bana kalɔ benwini bana ɔdi, na limeyi lɛmmɔ lɛdubɔbla lɛlɔyɔ limeyi bonwu na Yesreel.”

Esekiel 36:37

“ ‘Ndubɔsɔ linu-mii bɔkpali ɔƒaamu na lɛbla lɛla lɛni na bɛdubuvele-mi lite-mii na bina kadi bekyuli basɔ bemomo aani baƒonu lisu bonwu kalɛ.

Yesaia 41:10

Bitayia, nliku-mii. Liƒu lɛsɔ litada-mi na bitaatɔ kpakpaakpa. Ami ndi bina Katɔti. Ndubɔya na bɛkɛ ɔyikun, na libunku-mii. Ndubɔtalaku-mii katɔ ku mina ɔyikun ablala ani nse siin.

Mika 7:16

Kadi bamba bekyuli badubo ɔmɛni bɔnu na beti enu bebi kenye na betile bana atuƒi ku kɔƒa geen, ɔsika bana bekpone badi balakana lɛla lɛni udu na lise lɛni bɔbla.”

Mika 5:8

Ɔƒaani ni, bekyuli négyingya-ma bákya kalɔ ekpo ekpo ƒui. Nsu kama ni, badubɔta na bekpo bana bekisine aani kalɛ na gyata ɔni néti kɔnyi geen ɔɔta teetéƒie koƒonu. Na begyingya bana bekisine bammɔ kɔkɛ kɔkɛ ɔni na ukyuli ɔdi ulakana-ma bɔƒɔ.

Mika 4:13

“Sion, bibo-ma bɛbwɛ biwi kalɔ kɔkɛ kɔkɛ. Ndubo-mii bɔbla aani akɔ ɔgyani ɔni mbo abuala ese na ɔkya abuala egyiedi lɛgbanvuo. Bikpo kadi bammɔ ƒui na biƒie-ma akɛla ƒui bɛƒɔ biboku ami kalɔ ƒui lɛlɔ Unwoti.”

Hosea 2:23

Na ndubɔnu-nwu kɔnyana anwu ɔni na nka lɛ́lɔ nnii kɔnyana tanu. Na ama banii na nka nnii baaadi mina badi ni, badubunwini mina badi. Na ama lɛnɔ badubɔsu banii, ‘Awɔ ndi bula Katɔti.’ ”

Yesaia 14:1

Unwoti ɔdubo Israelƒuɔ kɔnyana bɔnu, na ɔsɔ ɔƒuna-ma, na ɔsɔku-ma utésie bana keliekɔ na bana kalɔ lɛlɔ. Baƒɔ badubɔsalaku-ma na bablaku Israelƒuɔ unwi.

Esekiel 39:25

“Ɔƒaani ni, ndubo Israelƒuɔ kɔnyana bɔnu na lɛkpanku-ma lɛsiku baƒɔ lɛma lɛni kemmo na bákya mmɔ lɛsɔku liboku bana kalɔ lɛlɔ. Ɔsika Yakob bebi ku bawɔ na badi, anwuɔsu ndubute-ma kusɛ kusɛ na lɛtina-ma ka nse kedee.

Esekiel 37:16

“Esekiel, ɔyawine ubi, wia ugyii ɔdi na enweni asia-nwu lɛlɔ anini, ‘Yuda lɛga kadikɔ.’ Na asɔ awia ugyii bamba na enweni asia-nwu lɛlɔ anini, ‘Israel lɛga kadikɔ.’

Esekiel 36:11

Bɛdubɔwɔ bebi na bina bebuo lɛnɔ bawɔ. Na nsɔ lɛɛɛdubo-mii atu budie aani kalɛ na use ɔƒɛni. Mmomu bɛdubo bumomo geen na lɛda-mii kaduɛ litulo kudeedi ƒui na bɛnu bɛti ka ami ndi Unwoti.

Yeremia 31:31

Unwoti ɔnini, “Ami Unwoti mɔɔsu ka ni, uwi ɔdubo ɔni na ndubo lɛla lɛwɔdi bunyimiku Israel kadi bekyuli ku Yuda kadi bekyuli.

Yeremia 31:20

Israel kadi bekyuli, ami ɔlati mina bebi bani mɔɔyɔ́ geen na bɛdi. Ɔɔɔdi ami na mɔɔyɔ́ teetulo ƒui na kadi bekyuli akɔ yoo? Ina ka muubó-mii lɛnimi enwu ku kɔnyi taasu ka ndubo-mii bɔtina ni, bɔyɔ na mɔɔyɔ́ ka bɛni bide-mi na lɛnu-mii kɔnyana. Ami Unwoti násu.

Yeremia 31:1

Unwoti ɔnini, “Israel, líse kenye ka Limeyi lɛdi lɛdubo ni, ƒula adua ƒui bekyuli badubɔsɔ benwini mina badi na ami lɛdi bina Katɔti.

Yeremia 30:18

Unwoti ɔnini, “Israel ndubo-ɔ kɔnyana bɔnu na asɔ enwini ebo ɔma. Yerusalem, ɔƒaani ni, ɔma ɔmmɔ ɔ́bwɛ na uwi aani kebu, nsu badubo-ɔ bɔsɔku bɔtu ƒui kede kede ku baga kesii kawɔdi na bina kɔduli kɔdubunye kesii kani kúnye dii kúbavi.

Yeremia 23:6

Na uwi ɔni ƒui na ɔdubulie ɔdi lɛga lɛmmɔ ni, Israel ɔdubulie ku keyi buɛɛ. Na lɛla biala lise kpoo na Yuda kalɔ lɛlɔ. Na lɛnyi lɛni na ɔga ɔmmɔ ɔdubɔdi ndi Unwoti Uute Litemi Bɔtɛ Ulu Siin Lɛlɔ.

Kɔgya 89:21

Na ndubo-nwu buteebunku na lɛkya-nwu ɔyikun.

Mika 4:6

Unwoti ɔnini, “Na uwi ɔmmɔ kemmo ni, ndubo mina bekyuli bani na kekpo kéƒie na béti-ma bátɔlɔku ku bani na lɛbibo líduo-ma keliela kemmo ƒui bɔsala.

Obadia 1:18

Na Israel ɔdubunwini aani ogya na ɔkyula Edom ɔni na ndubɔbla aani lɛtɔ lɛni ndubɔda ogya. Ami Unwoti násu!”

Hosea 1:7

Nsu ami ndi Yudaƒuɔ Unwoti Katɔti na ndubɔnu-ma kɔnyana na ndubudie-ma na libunku-ma ɔkɛnku ami ɔlati ɔyikun kemmo. Na ɔɔɔdi kekpo na badubo bukpo iye kɔtaminta iye kuwii kɔni na bekyuli bani muulie bapɔnkɔ lɛlɔ badubɔtu bekyuli ɔsu.”

Yesaia 11:12

Ɔdubo bunyene aƒlaga ɔdi ute kadi ƒui bekyuli, na ɔkpanku Israel kadi bekyuli bani na béƒie bésienku kɔlɔ bamba ku Yudaƒuɔ bani na bégyingya bakya ƒui ɔsiku kayawi lɛƒɛnyi ine bɔmmɔ ƒui ubasala.

Yesaia 54:4

“Bitayia, na kɔƒa lɛnɔ kutekpo-mii, na enu lɛnɔ ataƒɛ-mii, ɔsika lɛɛɛdubo-mii kɔƒa bɔkya. Bɛyiƒala bina lɛnamu uwi ekpidi ani na bɛ́bla. Na kalɛ na bɛ́ƒɔ lɛlɔ bɛkya aani bekpinele lɛnɔ ɔsɔ utekpo-mii kɔƒa.

Yesaia 54:8

Uwi klukwii ɔdi kani na línwini kama lɛ́kya-mii ku kɔnyi kati kati. Nsu ɔ́si ɔƒɛni úsela uwi ƒui ni, ndubɔnu-mii kɔnyana! Ami ɔni ndi bina ɔgyumanane ku Unwoti muusé-mii kenye kamɛni.

Sakaria 1:16

Anwuɔsu ndubɔnu Yerusalem kɔnyana. Na ndubɔya na basɔku ɔma unengudi ɔmmɔ batu ƒui na basɔku mina kakpakɔ batu benyene kana kenyekɔ.

Sakaria 9:16

Unwoti Katɔti ɔdubudie-ma limeyi lɛmmɔ lɛlɔ, ɔsika nwuna bekyuli na badi. Na badubo buteekeye aani asɛɛ ebi ani náƒɔ kuye geen na akya kagabwa kemmo.

Yeremia 30:20

Na ɔdubuse aani kuuku kalɛ kani pɛpɛɛpɛ. Bina kadi bekyuli badubo-mi bɔkpa. Na ndubɔni ukyuli biala medumi-mii kɔtu.

Hosea 14:9

“Si bɛdi banundane ni, bɛdubunu ala ani mɔɔsu-mii mɛni kalɔ. Ami ndi bina Unwoti ɔni ndanku-mii mɔɔsiaku ulu ɔbuni lɛlɔ. Na si bínu-mi litemi ni, bɔdubusie aani bavinkpana. Nsu si bɛɛbla ulikplu ala ni, bɛdubo butulo na bibuli.”

Mika 5:3

Na Unwoti ɔdubudie Israel atu wetédu uwi ɔni na uleku ɔni nda kɔƒɔ ɔdubɔwɔ lɛlɔ ɔdine ɔmɛni, na nwuna badi bakladi basɔ benwini bebo Israel.