Sakaria 10:5 - Katɔti Ɔku Kedee

⁵ Badubo bubunku na kekpo kammɔ kemmo na badubɔsala lɛlɔ na badi bana bekisine lɛlɔ na besusu-ma bakya lɛgba kalɔ aani aba. Badubo bukpo, ɔsika ami Unwoti ndubunye-ma kama na besusu bana bekisine bekpone bapɔnkɔ beliene bammɔ kpɛtɛ kpɛtɛ.

Sakaria 10:5 Referans Kwoze

Hagai 2:22

Ndubo lɛga kɔdikɔ agaboku ammɔ budi bubo na lɛbwɛ kadi bakyuli bammɔ lɛga kɔdikɔ kɔmmɔ ƒui. Na lɛtu bana bapɔnkɔ kɛɛkɛ lɛmmɔ libi kalɔ na bapɔnkɔ bammɔ ku bana beliene bammɔ betébi kalɔ ɔni na ama alati ndubo bana banwa banwa lɛlɔ kuwii bɔtu bɔdu.’

Sakaria 12:8

Ami Unwoti Katɔti ndubo Yerusalem bɔgyumana na ukyuli ɔni na use kpɛtɛ kpɛtɛ utulo ƒui muedi ni, ɔdubɔyu ɔkplu aani Dawid. Na Dawid ɔmmɔ ɔlati lɛga kadikɔ kadubɔbla aani si ami ɔlati mina ɔtu mɔɔdi kalɔ kammɔ lɛlɔ.

Sakaria 9:13

Na ndubuti Yuda lɛbla aani mina kataminta na liti Israel lɛbla atula. Na ndubuti Sion bekyuli lɛbla aani mina kewii na likpoku Grikiƒuɔ.”

Kɔgya 20:7

Na kekpokɔ ni, badi béti bana anu básia bapɔnkɔ ku bapɔnkɔ kɛɛkɛ ɔyikun lɛlɔ. Nsu abu búti bula anu bɔ́sia Unwoti Katɔti lɛlɔ.

Timoteo 2 4:7

Líkpo kekpo kabuni na lɛ́wɔlɔ mina kabla aani usi ukeline buni kalɛ. Na lɛ́da mina bɔƒɔtaadi na Kristo kemmo útédu kawɔlɔkɔ.

Korintoƒuɔ 2 10:4

Ɔsika ekpola ani na bɔda buukpó ni, aaadi kayawi kamɛni ekpola. Mmomu Katɔti ɔyikun na ɔdi na buti bɔɔdi ukisine ɔmmɔ kama kekpokɔ lɛlɔ.

Batalane Kabla 7:22

Ɔ́da-nwu na ɔ́tina-nwu Egyipteƒuɔ ala bɔbla ku bana kɔkwɛ ƒui, na ɔ́lɛ lili úbabla ukyuli geen na butemi ku kabla lidu pii kemmo.

Luka 24:19

Amu na Yesu úye-ma ɔnini, “Bi ala?” Na bédie kenye banii, “Ala ani nálɛku Yesu Nasareni. Ukyuli ɔmɛni ɔdi Katɔti kenye udiene ɔni na Katɔti ku bekyuli ƒui bánu ka ubo ɔyikun geen na nwuna ablala ku ala ani na ɔ́su ƒui kemmo.

Mateo 4:3

Amu na ukisine ɔmmɔ úbo-nwu kudɔ na ɔ́su-nwu ɔnini, “Si Katɔti ubidi na adi ni, su atabi amɛni na enwini adila.”

Sakaria 14:13

Na Unwoti ɔdubɔya na bataayia lɛlɔ ɔni na badubɔta beteekpoku lɛlɔ lɛlɔ taabla lɛlɔ kalala

Sakaria 14:3

Na Unwoti ɔdubo kadi kammɔ bukpoku aani kalɛ na ukpone uukpó na kekpokɔ.

Sakaria 12:4

Na ndubɔya na ɔtɔtɔ ɔgyu ɔpɔnkɔ biala na bana beliene lɛnɔ beƒu. Nsu na uwi ɔmmɔ kani lɛlɔ ni, ndubo Yuda lɛlɔ butaanu. Na ndubɔya na bekisine bammɔ bapɔnkɔ anumi abwɛ na basɔ balakana bɔnu.

Mika 7:10

Amii mina bekisine bani mɔɔsu bɛnii, “Unwoti ɔɔɔdubo-nwu bɔkana bubunku” ni, bɛdubɔnu ɔmɛni na kɔƒa kukpo-mii. Na ami mmomu ndubo bɔnu kalɛ na bɛdubo bubuli na banya-mii bavi aani ulu ntɛ aba.

Amos 2:15

Ɔƒɛni ina dɛ na kataminta ku atula bubo bɔ́ma-mii ni, bilakana kekpo kammɔ kenye bunye. Nsu bilakana bukeli bɔtɔlɔ lɛnɔ ku lɛgba iye bapɔnkɔ na ɔdi ɔkɛ ngba.

Esekiel 38:15

Na awɔ ndubo ƒula bekpone kpakplaa bamɛni bɔtɔnku bɔsiku ƒula lɛga kadikɔ na katɔ mmɔ buboku.

Yesaia 41:12

Na bɛsɔ bilanu bina bekisine badi na kesii kadi, ɔsika badubɔyii udu ƒui na basa na kalɔ kammɔ lɛlɔ.

Yesaia 25:10

Unwoti ɔlati kɔnu kɔdubɔgyumana kɔbi kɔmɛni. Nsu badubɔnya Moab kadi bekyuli ama bakya aani kalɛ na bebuo baanya keti taakya libi akɔ.

Yesaia 10:6

Na mɔɔtala-ma ka betékpoku mina bekyuli bani naaadi mina etemila lɛlɔ. Lídie-ma ulu nnii betékpo mina kadi bekyuli, bekyuli bani mɔɔkya-mi kɔnyi, na beƒie-ma ala baƒɔ na besusu-ma kpɛtɛ kpɛtɛ.

Yesaia 8:9

Bibo kekpo kudu amii kadi bekyuli, na bibile ala kalɛ na bɛkana na bɛdubo bɔyii udu! Binu amii ɔlɔgyu kadi ƒui bekyuli. Bɛklibi lɛlɔ bite kekpo, nsu bɛdubo bukpi!

Kɔgya 45:3

O Ɔga ɔni ntulo ƒui, ti ƒula kewii bala ƒula kavobi. Na ada agala ani muukeye.

Kɔgya 33:16

Ɔga ɔdi uládi lɛlɔ na nwuna bekpone bumomo ɔyikun ɔsu. Lɛni kani na ukpone lɛnɔ uládi lɛlɔ, ɔsika ubo ɔyikun unengudi ɔdi ɔsu.

Kɔgya 18:42

Mmɔ na lɛ́kɔ-ma lɛ́bla kpɛtɛ kpɛtɛ aani ɔtumu ɔni na ɔƒɛƒɛɛ uuti taatɔlɔku. Na lɛ́tu-ma lídie aani aba ntéwi ulu lɛlɔ.

Samuel 2 22:43

Mmɔ na lɛ́kɔ-ma lɛ́bla kpɛtɛ kpɛtɛ aani ɔtumu ɔni na ɔƒɛƒɛɛ uuti taatɔlɔku. Na lɛ́tu-ma lídie aani aba ntéwi ulu lɛlɔ.

Samuel 2 22:8

“Kalɔ kemodi kaagyú taawɔ na kaatɔ́ kpakpaakpa. Na abi ƒui ákunku, ɔsika Unwoti úti kɔnyi.

Samuel 1 16:18

Mmɔ na benengu bammɔ akɔ unwi ɔ́su ɔnini, “Ɔnana ɔdi ɔ́si Betlehem na baalɔ-nwu Yisai. Ubo ubi ɔnanabi ɔni ngyi ɔbentaa bɔgya geen, na ɔdi ukpone ɔni mbo kayi, na ɔgyi bɔtɛmi na ɔɔdia bɔnu, na Unwoti lɛnɔ ɔsiaku-nwu geen.”

Yosua 10:42

Na Yosua ɔ́di baga bamɛni ƒui ku bana kɔlɔ ƒui lɛlɔ uwi unwi pɛ kani kemmo. Ɔsika Israelƒuɔ Unwoti Katɔti nékpo úte-ma.

Yosua 10:14

Na limeyi lɛmmɔ udu lɛdi lítalɛ kudii lɛni. Na Unwoti únu na ɔ́bla ɔsia ukyuli ɔyawine litemi lɛni ɔ́su-nwu lɛlɔ. Na Unwoti únye Israelƒuɔ kama na úkpo úte-ma.

Lɛkpa Ulu 20:1

Si bísela bitékpoku bina bekisine badi na bɛ́nu ka bekyuli bammɔ belie bapɔnkɔ ku kɛɛkɛ ɔni na bapɔnkɔ baaní lɛlɔ ni, na bɛ́nu bekyuli bumomo bɔni ntulo amii ni, bitanu-ma bitayia. Ɔsika bina Unwoti Katɔti ɔni náda-mii údie Egyipte kalɔ lɛlɔ ni, anwu ndubukpo ute-mii.

Budie Taatina 19:17

Ɔmmɔ kama ni, lɛ́nu Katɔti ɔtu ɔdi ka unye ɔƒɛ kemmo na ɔ́kpali baasɛ bani ƒui muuveyi taavi kaya ku lɛdi momoomo ɔnini, “Bibo bibasala na bɛdi Katɔti adila enengudi ani na ɔ́klibi úse-mii.

Timoteo 2 4:17

Nsu ni, Blɔti únyeku-mi na ɔ́kya-mi ɔyikun na lɛ́kana lɛ́su Blɔti litemi lɛmmɔ kaduɛ lite bani naaadi Yudaƒuɔ na mmɔ. Na Blɔti údie-mi kukpi kemmo.

Batalane Kabla 18:24

Amu na Yudani ɔdi úbo Eƒeso. Anwu baalɔ Apolo, na báwɔ-nwu na Aleksandria. Ɔdi ukyuli ɔni na kenye káda-nwu, na ɔgyi Bunweni Kedee Ɔku kemmo etemila lɛnɔ.

Mateo 28:20

Na bɛtina-ma bɛnii badi ala ani ƒui na lɛ́tina-mii lɛlɔ. Na ndubɔkya-mii akɔ uwi ƒui utálɛ kayawi kawɔlɔkɔ.”

Kɔgya 44:5

Ƒula lɛlɔ na bɔ́sia na búdi bula bekisine búsienku kama. Na ɔkɛnku ƒula lɛnyi lɛlɔ na buususu-ma taakya bula lɛgba kalɔ.

Yesaia 41:25

“Líitiku ukyuli ɔni ndubo ubadi-ɔ lɛlɔ lɛ́siku katɔ kakɛ na ɔdubɔsia ɔƒɛ katukɔ uteebo kalɛ na ubeti ɔbu ute mina lɛnyi. Na ɔɔkɔ́ taavi lɛlɔ badine lɛlɔ aani kalɛ na baawɔ́ lɛvɔti na kaawɛ kemmo.

Mika 5:8

Ɔƒaani ni, bekyuli négyingya-ma bákya kalɔ ekpo ekpo ƒui. Nsu kama ni, badubɔta na bekpo bana bekisine aani kalɛ na gyata ɔni néti kɔnyi geen ɔɔta teetéƒie koƒonu. Na begyingya bana bekisine bammɔ kɔkɛ kɔkɛ ɔni na ukyuli ɔdi ulakana-ma bɔƒɔ.

Baga 2 9:33

Na Yehu ɔ́su bekyuli bammɔ ɔnini, “Biƒwimi-nwu bɛlɛku ɔtɔ liƒi kalɛmikɔ mmɔ.” Amu na ama lɛnɔ béƒwimi-nwu báva kalɔ. Na nwuna ubugya úwi lɛwoduku lɛlɔ ku bapɔnkɔ bammɔ lɛlɔ na kalɛ na bánya-nwu bávi ɔsu.

Yesaia 31:1

Bɔbuɛ ute amii bani muusié Egyipteƒuɔ kudɔ ka bebunku-mii. Amii muuti bina anu taasia bana bapɔnkɔ beliene lɛlɔ ku bana bapɔnkɔ kɛɛkɛ lɛlɔ ka bemomo na bebo ɔyikun ɔsu. Bɛnu bɛti ka Israel Katɔti Kedee mmomu lɛlɔ na ɔlɛka biti bina anumi bɛsia.