Sakaria 10:2 - Katɔti Ɔku Kedee

² Bilakana baƒiɔ ku like bebone bɔƒɔ bɔdi, na bilakana bevone ku bani muudie ana kalɔ bɔƒɔ bɔdi. Nsu bɛ́ɛbla ala amɛni ƒui bɛ́nu. Na ɔƒɛni amu bínwini aani baƒonu bani neeebo ɔdane.

Sakaria 10:2 Referans Kwoze

Mateo 9:36

Na ka ɔ́nu bekyuli esu esu ammɔ ni, bákywi-nwu kaƒɔ ɔsika béƒu na beeebo bebunkune. Na bese aani baƒonu bani neeebo ɔdane.

Habakuk 2:18

“Kɔsia kɔmani na baƒiɔ bebo? Ala avɔdi ku anwidi ekpludi ani na bekyuli béti bana enu bábla bálɛku ligyii ku abuala kemmo kani na adi. Na bi ɔsu na ɔlɛka ukyuli uti anu ɔsia ala ani naaatɛmi mɛni lɛlɔ?

Hosea 3:4

Lɛni kani na uwi ɔdubo butu asa na Israel kadi bekyuli basɔ bakɛ ɔga iye asa na basɔ babla akpala na Katɔti kakpakɔ iye Katɔti ɔtina-ma ulu ɔni lɛlɔ na basia babla lɛla lɛdi.

Esekiel 34:5

Báyii ulu bakɛ kesi kesii na ka bátakɛ ɔdane ɔdi ɔsu ni, beƒiebuo békpoku-ma na béƒie-ma taakun.

Yeremia 27:9

Ɔƒɛni kalɛ bibo bekyuli badi na bina lɛga kɔdikɔ bani mɔɔsu ka ama baanu taati ala ani ndububo abalɛ na bana evo ɔsu iye ka baakpali bekpine iye beegyé ana adi iye baƒiɔ badi baatɛmiku-ma ɔsu. Nsu si bana ɔdi ɔɔsu-mii ɔnii bitenu Nebukadnesar litemi ni, bitakpete-ma.

Ala Kalɔ Buse 31:19

Uwi ɔni na Laban úsie útéteekulo baƒonu bammɔ linwini ni, Rahel úyu ɔti kaduli baƒiɔ badi.

Mika 2:12

“Ami Unwoti lise kenye ka ndubɔkpanku Israelƒuɔ bani nébu liboku mbasala aani kalɛ na baƒonu ɔdane ɔɔsála nwuna baƒonu na beemomo.

Esekiel 21:29

Amonƒuɔ balalane, ɔkɔ kɔyu kemmo ala na bɛɛnu na ɔkɔ kenye na bɛɛƒɔ́ taadi. Nsu bina kɔtu bɔni limeyi líide suɛlɛ suɛlɛ na mina kewii kadubo-mii bɔdu ƒui!

Esekiel 21:21

Na si uwi ɔni na Babilonƒuɔ ɔga úbedu mmɔ ni, anwu ɔlati ɔdubɔlɛ ugyii kesii kani na ɔdubo bɔsia si ɔ́kunku nwuna atula iye unye ɔ́nu ebuo ɔni na bádu bákpa bete bana baƒiɔ ɔni ndi ulu ɔni lɛlɔ na baasia teebo like teeye bana baƒiɔ ala teenu.

Kɔnyana Buwulo 2:14

Ƒula kenye bediene bátɔlɔ-ɔ ku ɔkɔ kɔyu kemmo ala bɔnu ku linyesia lɛni naaadi litemi geen. Bétedie ƒula bɔƒiɔ bátatina-a, na enwini ƒula ekpidi kama na akɛ bɔƒɔ. Mmomu bányi ɔkɔ na bátɔlɔ-ɔ bátáyila.

Yeremia 51:23

Baƒonu badane ku bana bebuo lɛnɔ ku bemonsene ku bana bebuo bani mɔɔtuma teete-ma lɛnɔ bátalɛ-nwu kemmo ku aban bagadine ku bana benengu ƒui.

Yeremia 50:17

Israelƒuɔ bese aani baƒonu lisu lɛni na bagyata bani na kɔka kɔɔda bábɔku bégyingya. Na Asiria ɔga náka-ma bɔduli kɔkɛ kɔkɛ lɛni asa na Babilon Ɔga Nebukadnesar úbabwɛ-ma ku ekubi ƒui.

Yeremia 37:19

Na ɔkɔ kenye bediene bani nátɔlɔ-ɔ banii Babilonƒuɔ baaadubo Yerusalem bukpo kudii ni, ákya bana ɔdi ɔtɔ?

Yeremia 29:8

“Bina bekyuli badi bakya Babilon mmɔ na badi like bebone na bɛ́ɛsu-ma ka bebo like na basu-mii lɛla lɛni ndubo libalɛ uwi ɔni mebo kemmo. Nsu bɔkpanku kani na badubo-mii bɔkpanku butáyila. Na bina kenye bediene bammɔ lɛnɔ ni, bitaya na bese-mii lisusu. Ɔsika ina ka beedie ala kenye teete-mii na mina lɛnyi kemmo ni, ɔkɔ banyine na badi ɔsiku ńtasu-ma lɛla lɛdi.

Yeremia 28:15

Na ńtatala awɔ Hanania uwi ɔdi nnii tédie-mi litemi lɛdi kenye. Nsu éesie átábla kenyemini na átɔlɔ mina bekyuli na báƒɔ-ɔ ɔkɔ kenye budie bádi na baata teenye-mi lɛlɔ. Anwuɔsu ndubɔda-a lidie kalɔ kammɔ lɛlɔ ƒui kula kula na ekpi asa na lɛkwa lɛmɛni lɛsa.”

Yeremia 23:17

Kenye bediene bamɛni beesié batuɔkplune bani néni banii balabla-mi kabla na benye baabla ala ani na baayɔ́ kudɔ. Na beesié taatásu-ma banini, ‘Unwoti ɔ́su úse ka lɛla biala lɛdubo bɔtɛ ɔsu lɛla lɛdi liiibo.’

Yeremia 14:22

Baƒiɔ belete-bu ɔnantu na baya na amii lɛnɔ ayu anya alati. Awɔ lɛti pɛ kani nda ɔnantu ɔmmɔ na aadi-nwu lɛlɔ. Anwuɔsu na búti bula anu bɔ́sia-a lɛlɔ, bula Unwoti ku Katɔti.

Yeremia 14:13

Amu na lídie kenye nnini, “Ƒula kenye bediene bamba bakya baasu-ma banini, ‘Aaadubo bɔya na kɔka iye kekpo kebo-bu lɛlɔ mmomu adubute-bu keyi buɛɛ.’ ”

Yeremia 10:8

Ala ani na bánwi iye bávɔ bábla baƒiɔ baaadi lɛla lɛdi. Na ukyuli biala ɔni mɔɔkpá-ma ɔdi ɔdɔlɔdi!

Yeremia 8:11

Lɛla lɛni kani na baakana mina bekyuli bani na ala eekpóku bɔsu ndi ka bese-ma kayi kekpludi ka badubɔkɛ keyi buɛɛ.

Yeremia 6:14

Na kayi kekpludi kani na beesé mina bekyuli bani muunú ɔlɛ geen ka keyi kadubɔyɔku-ma.

Yesaia 46:5

“Ukyuli ɔdi ɔɔɔdi-mi ligye na ɔdi lɛnɔ ulakana na weti lɛlɔ wakɔku-mi.

Yesaia 44:9

Bekyuli bani ƒui mɔɔnwí ala na baavɔ́ ala teete lɛlɔ aani baƒiɔ, baaadi bekyuli badi ama alati, na ala ani na bánwi mmɔ na béti anu básia-nya lɛlɔ lɛnɔ aaadi lɛla lɛdi. Baƒiɔ bakpane ƒui badi banumbwɛne bani naaagyi lɛla lɛdi. Na bana lɛla tati bɔmmɔ ndubo bɔya na anumi ewi-ma kalɔ geen.

Hiob 21:34

“Nsu kenyekplu etemila ani neeebo kɔsia kɔdi mmomu na amii bɛda bɛɛsia-mi kɔnu.”

Hiob 13:4

Ɔkɔ ɔlɛ babwine na bina ƒui bɛdi. Na ɔkɔ etemila ani neeebo kɔsia kani na binye bɛɛká taasu-mi.

Baga 1 22:17

Mmɔ na Mikaia údie kenye ɔnini, “Lɛ́nu ka Israelƒuɔ ƒui bégyingya bewi abi eli aani baƒonu bani na beeebo lɛlɔ ɔnune. Na Unwoti ɔ́su ɔnini, ‘Bekyuli bamɛni beeebo ɔtɔnkune, anwuɔsu ya na ɔdi biala unwini uteesie nwuna kaduli ku atu bɔyɔ.’ ”

Litemi Batɛne 18:14

Amu ka nkyuli ɛlɔ bani nétéyu Lais ɔma bánu mmɔ ni, básu bana banwani banini, “Bɛgyi ka kaduli kadi kakya mɛni kani na bánwi baƒiɔ badi na béti sika ɔƒualadi bákwa-nwu, na baƒiɔ bamba lɛnɔ ku ɔkpane awu gyɔlɔɔ lɛnɔ bese mmɔ? Bi ndi bina kasusu na lɛla lɛni na ɔlɛka bɔbla lɛlɔ?”

Bumomo Bɔka 27:17

ɔni ndubo butaakpanku-ma teesienku taasɔku teeboku kalɛ na belénwini aani baƒonu bani neeebo ɔdane.”

Marko 6:34

Ɔni na Yesu ɔ́yu ɔkɔlɔ kemmo ni, ɔ́nu bekyuli lisu lɛmɛni na bana lɛlɔ lɛ́kywi-nwu kaƒɔ, ɔsika bese aani baƒonu bani neeebo lɛlɔ ɔnune. Anwuɔsu úse kalɔ ɔɔtina-ma ala pii taasiku Katɔti litemi lɛlɔ.

Sakaria 11:17

“Bɔbuɛ ute awɔ baƒonu ɔdane keeke ɔni neeebo kɔsia na eedie baƒonu atu! Mɔɔwia ka nka kewii kekulo-ɔ kɔnu na ɔbla lɛnuku, na ƒula kɔdianu lɛnumi lɛnɔ lɛbwɛ.”

Lɛkpa Ulu 13:2

nsu kasusu kani na ɔda ndi ka ɔtɔlɔ-mii kalɛ na bitákpa baƒiɔ bani bítakpa kudii. Ina ka kenye kani na úse mmɔ kébo kéte lɛni ni,

Yesaia 41:29

Baaadi lɛla lɛdi na balákana lɛla lɛdi lɛnɔ bɔbla. Mmomu buse na bese aani ɔƒɛƒɛɛ ɔni mɔɔnwuna taavi kani.”

Yesaia 44:25

“Ami muubile ɔkɔ kenye bediene ala bɔsu na mɔɔyá na bekebone baadɔlɔ na banundane lɛlati liinwíni kɔdɔlɔ lɛla lɛni kemmo na kasusu keeebo.

Yeremia 27:10

Ɔsika si bínu bana ɔkɔ etemila ammɔ udu ni, ndubɔya na bakpɛ-mii kalɔ batɔlɔku bina kalɔ lɛlɔ besienku ɔgyu kaaka na batádu-mii na mmɔ.

Yeremia 27:14

Bina kenye bediene básu-mii banii utalɛka binu Nebukadnesar litemi, nsu bitenu bana ɔkɔ ala kenye budie bɔmmɔ.